INDRE MOBERG
Frå OS SOGA III side 333 – 358
52. INDRE MOBERG.
Um namnet, uttale og skrivemåtar, sjå ytre Moberg.
Garden ligg like ved sida av ytre Moberg, ved sørenden av Ulvenvatnet. Lysekloster åtte garden til 1874, då bygslemennene fekk kjøpa innmarki, medan Staten fekk tak i det som var utangjerdes. Bøndene hev seinare ogso fenge kjøpt storparten av utmarki.
Or gamle matriklar og teljingar:
1668: Saar 9 stadtztønder, afler 30 tønder, temmelig god ager og eng, ringe fehagge, toe døchtige quernsteder, en laxeuog under samme gaard som liger til klosteret, foruden gaarden bruges af bønderne og seerdelis til ombudtzmendene betales avgiftt.
1723: Ingen sætter, ingen skoug eller brendefang, qvern og fiskerie. Maadelig kornland, skiels letvunden, men mangler houge til fæbete, qvern og fiskerie.
1865: Indre Moberg med Stølen: Har 31 maal dyrket ager og eng, hvoraf 16 godt, 10 middels og 5 slet, har 159 maal naturlig england, deraf 45 godt, 69 middels og 45 slet, 17 maal af englandet kan dyrkes, deraf 12 maal paa Stølen. Skog til brænde og ¼ huusreparation. Stølen har kun ½ brendefang, føder 1 ko og 3 ungnød ved lyng, 2 brug er letbrugte og de andre meget letbrugte, er almindelig drevet undtagen Stølen. 2 brug har vandfald som hver indbringer 6 spd. Engels brug lider af tørke. Godseier Formann har lakseværpe som indbringer 28 spd. og 1 vandfald, hvis aar lige indbringende er 6 spd.
Busetnad og buskap.
| Hus- | Menne- | Hes- | Stor- | Sma- | Gjei- | Svin. | Utsåd | Utsåd | |||
| lydar. | skje. | tar. | fe. | ler. | ter. | korn. | poteter. | ||||
| 1657 | 3 | 1 | 30 | ||||||||
| 1668 | 4 | 3 | 40 | 18 | 9 | tun | |||||
| 1723 | 4 | 2 | 42 | 21 | 13,3 | » | |||||
| 1800 | 4 | 25 | |||||||||
| 1835 | 7 | 46 | 3 | 22 | 48 | 2 | 16 | » | 8 | tun. | |
| 1865 | 5 | 39 | 4 | 42 | 104 | 5 | 17 | tun. | 23 | tun. | |
| 1900 | 10 | 64 | 6 | 37 | 50 | 9 | 17,5 | hl. | 38,5 | hl. | |
| 1920 | 15 | 70 | 8 | 43 | 17 | 8 | 28,5 | mål | 12,5 | mål | |
| 1930 | 15 | 77 | 7 | 47 | 13 | 4 | 12,5 | » | 14 | » | |
| 1939 | 9 | 57 | 7 | 5 | » | 12,3 | » | ||||
INDRE MOBERG 1.
Bardhir a Modhaberghe, som var brukar på Moberg i 1308, er nemnd under ytre Moberg 1. Um han var busett på indre eller ytre Moberg, veit me ikkje. Kannhenda var Moberg då samla og heile garden eitt bruk.
Torstein indre Moberg var brukar her i 1519. Indre Moberg var alt då skift i tvo bruk, s. br. 2, likeins som ytre Moberg.
Bastianus (Bastian) indre Moberg hadde bruket i 1563 og likeins i 1567.
Mons indre Moberg er nemnd som brukar på garden i 1591. Kvar han og dei fyrr nemnde brukarane var frå, veit me ikkje.
Jon indre Moberg vart brukar her ikr. 1595 og hadde bruket radt til 1633. I 1611 stend rettnok ein Jens Moberg skriven som brukar, men han er berre nemnd det eine året, og rette namnet er truleg Jon. Jon Moberg var ein velstandsmann, og då osingane i 1611 – 12 lagde skatt til utreiding av dei herfolki som skulde fara til Svinesund, var Jon den rikaste mannen i Osbygdi. Han åtte m. a. tridjeparten i garden Storum. Kvar Jon var frå, veit me ikkje, men då han åtte Storum saman med Ola Vandvik og Lars Berge frå Fusa, er det mykje truleg at han var frå Fusabygdi. Av huslyden kjenner me berre sonen Jørgen, f. ikr. 1605, s. br. 2. Lars Jonson Skjeie, s. S. 1, var truleg ogso frå indre Moberg, men han var kannhenda son åt grannen på br. 2. Han (Jon) døydde i 1633.
Mikkjel Vinsjansson Lepsøy, f. ikr. 1608, bygsla bruket i 1634. Kona hans heitte Anna, og ho var anten dotter åt den avlidne Jon indre Moberg eller ekkja hans. Det siste er mest truleg. Av borni kjenner me: Vinsjans, f. ikr. 1638, s. n., Johannes, f. ikr. 1642, d. ug. 1704, Brita, f. ikr. 1650, g. 1673 Ola Bø, s. ytre Moberg 5. Han hadde ogso ein son eller ei dotter buande på bruk 4, s. d., og ein son Jens, som me ikkje kjenner meire til. Mikkjel sat ikkje so godt i det som fyremannen. I dei fyrste åri vart han nærast rekna som fatigmann, men han arbeidde seg fram etter kvart. Han døydde i 1680 og hadde då vore ekkjemann ei tid.
Vinsjans Mikkjelson indre Moberg, f. ikr. 1638, vart brukar saman med faren i 1661 og fekk bygsla bruket i 1675. Bruket var då skift i tvo partar, s. br. 4. G. 1672 Anna Lars dtr., f. ikr. 1640, som truleg var dotter åt Lars Sørstrønen. Av 4 born vart 3 vaksne: Guro, f. ikr. 1673, g. 1691 Peder Kolle, s. Ferstad 2, Ingeborg, f. 1681, s. n., Anna, f. 1687, g. 1709 Nils Søvik, s. S. 3. Vinsjans dreiv fiske og greidde seg tolleg godt. Han døydde i 1708 og kona i 1727.
Ola Eliasson Skjørsand frå Fusa, f. ikr. 1664, vart i 1701 gift med Ingeborg Vinsjans dtr. indre Moberg, f. 1681, og fekk bygsla bruket etter verfaren. Dei fekk 10 born, men 3 av dei døydde tidleg. Dei som vaks upp var: Ingeborg, f. 1702, g. 1725 Jens indre Moberg, s. Askvik 3, Elias, f. 1703, g. 1730 Kari Solbjørg, s. ytre Drange 1, Vinsjans, f. 1707, s. n., Nils, f. 1709, d. ug. 1740, Anders, f. 1712, d. ug. 1733, Anna, f. 1715, g. 1737 Ola Jonson Krokeid i Fana, s. F. B. 605, Guro, f. 1719, g. 1745 Ola Sørstrønen, s. S. 4. Ola dreiv fiske likeins som fyremannen og sat godt i det. I bygdi var han rekna som ein velstandsmann. Han døydde i 1741 og kona i 1753.
Vinsjans Olson indre Moberg, f. 1707, vart brukar saman med faren i 1733 og fekk bygsla farsbruket i 1747. G. I 1734 Ingeleiv Jons dtr. Bjånes, f. 1713, d. p. barseng 1737, g. II 1739 Sesilia Knuts dtr. Gjerde frå Samnanger, f. 1711, d. 1746, g. III 1749 Anna Knuts dtr. Gjerde, f. p. Nordvik i Fana 1725. Av 11 born vaks 6 upp: Ola, f. 1740, d. ug. 1767, Knut d. e., f. 1742, spedalsk, d. ug., Nils, f. 1746, d. ug. 1780, Knut d. y., f. 1750, Anders, f. 1753, g. 1780 Mari Søvik, s. S. 1, Jon, f. 1758, s. n. Vinsjans var ein drivande kar i mange måtar. Han hadde kvernbruk, notbruk og dreiv laksefiske umframt gardsbruket. I mange år var han stemnevitne og lagrettemann og var ein vyrd mann i Osbygdi. Vinsjans sat godt i det likeins som faren, og var ein av dei sverande få bønder i Os som hadde pengar ute på renta. Han åtte ogso ein part av garden Gjerde i Samnanger. Vinsjans døydde i 1765.
Desse husi stod på tunet i Vinsjans si tid: Ei gardstova med kove attåt, ei liti røykstova, ei bud med sengeloft og lem og tvo vindaugo i budi, eit nytt stabur, eldhus, fjos, hestestall, sauehus, lambhus, grisehus (det hadde fyrr vore smidja), kvernhus, vedskytja, eit gamallt fjos og ein skinflor. Løda hadde bruket saman med br. 2 og 3 og naustet saman med br. 4. Det var ialt 16 hus på bruket, og ikkje på noko anna tun i Osbygdi enn lensmannsbruket på Hauge var det so mange og gode hus som her.
Grensone millom Indre Moberg og grannegardane gjekk då etter slike merke: Mot ytre Moberg var gjerde i utmarki og merkesteinar på bøen, i grensa mot Mobergslien og Ulven var ikkje noko skiftemerke, mot Kuven gjekk skiftet etter elvi og likeins mot Os ned til Osøyri. Der gjekk grensa etter eit gjerde frå «Telthuset» rett ned mot sjøen.
Paul Olson Søfteland, f. 1733, vart i 1766 gift med ekkja etter Vinsjans, Knuts dtr., og fekk bygsla bruket året etter. Born: Vinsjans, f. 1767, g. I 1792 e. Johanna Pauls Nordvik, g. II 1830 Guro Rasmus dtr. Nordstraumen, b. Nordvik i Fana, s. F. B. 598, Maria, f. 1769, d. ung. Paul dreiv kvernbruket, men han var mindre med i fisket enn fyremannen. Det var kverneettersyn i hans tid, og alle 4 kvernane på indre Moberg var då svert gamle. Paul vart ein mykje vyrd mann, var fast stemnevitne i bygdi og var jamt nytta som lagrettemann. Han døydde i 1807 og kona i 1792.
Jon Vinsjansson indre Moberg, f. 1758, bygsla bruket etter stykfaren i 1797. G. 1781 Gjertrud Anders dtr. Indre Moberg, f. 1751. Dei fekk 8 born, men berre 4 vaks upp: Anna, f. 1786, s. n., Kari, f. 1788, g. 1823 Nils Sørstraumen, s. S. 1, Vinsjans, f. 1792, g. 1819 Guro ytre Drange, s. y. D. 2, Paul, f. 1793, var med i ufreden 1809 – 14 og døydde der. Jon var ein vyrd mann og var m. a. takstmann då det vart sett verde på Lepsøy ved auksjonen i 1796. Men han var ikkje helsesterk og let bruket tidleg frå seg. Han døydde i 1836 og kona i 1829.
Hans Hansson Hatvik, f. 1782, vart i 1808 gift med Anna Jons dtr. indre Moberg, f. 1786, og fekk same året bygsla bruket etter verfaren. Born: Ingeborg, f. 1808, g. 1833 Ola Økland, s. Ø. 1, Hans, f. 1810, s. n., Gjertrud, f. 1812, g. 1842 Anders Nordstrønen, s. N. 1, Guro, f. 1816, g. 1839 Arne Sundøy, s. S. 4, Jon, f. 1819, g. 1844 Brita Storum, s. S. 2, Paul, f. 1821, s. n., Nikolai, f. 1824, g. 1846 Ingeborg Nordstrønen, s. Røttingen 11, Kristina, f. 1826, g. 1853 Torbjørn Lyssand, s. L. 2, Anna, f. 1829, d. ung, Anders, f. 1832, g. 1856 Anna Nordstrønen, s. N. 3.
Hans «stod eksis» på Osøyri i 1808 for å fyrebu seg til herferdi mot svensken, då han saman med Nils ytre Moberg berga tvo karar som var fallne overbord i Oselvi, s. ytre Moberg 3. Han var ein vyrd mann og gjorde tenesta som stemnevitne i bygdi, men han lagde ikkje eiden til «Konstitutionen» og nytta røysteretten sin fyrr i 1839, då han var 57 år gamall. I 1821 tok Hans og dei andre mennene på indre Moberg lensmann Vinsjans Hauge for retten, avdi han hadde skulda Mobergsmennene for å ha vore burt i laksenoti hans ved Steinaneset. Lensmannen førte alle mennene på Hauge, Lyssand og Bø som vitne på at Mobergskarane «havde truet med at flytte på laxenoden ved Stenenesset», og Mobergsmennene førte alle mann på Kuven og ytre Moberg som vitne på si sida. Lensmannen måtte ta ordi sine attende, men meir kom det ikkje ut av det store bråket. Hans døydde i 1849 og kona i 1852.
Hans Hansson indre Moberg, f. 1810, bygsla farsbruket i 1843. G. 1837 Frida Isaks dtr. Økland, f. 1808. Born: Anna f. 1838, g. 1858 Isak Storum, s. S. 2, Synneva, f. 1840, g. 1865 Mons Bø, s. Bø 6, Ingeborg, f. 1843, g. 1868 Halvard Sundøy, s. S. 4, Hansina, f. 1848, d. ung. Hans dreiv kvernbruk og fiske som dei andre grannane på garden. Han døydde alt i 1849, tvo månader fyrr faren.
Paul Hansson indre Moberg, f. 1821, vart i 1851 gift med ekkja Frida Isaks dtr. og bygsla bruket etter broren. Dei fekk dotteri Hansina, f. 1852, s. n. Frida døydde i 1859, og Paul gifte seg att i 1862 med Ragna Daniels dtr. Hovland, f. p. Sørstrønen 1818, som fyrr hadde vore gift med Eivind Hovland, s. H. 2. Paul dreiv kvernbruk og laksefiske likeins som forfederne. Han var medhjelpar i Oskyrkja og hadde ymse andre tillitsyrke i bygdi. Paul døydde i 1899 og Ragna i 1886.
Ola Eivindson Hovland, f. 1847, som var son åt Ragna i fyrste giftarmålet hennar, vart i 1872 gift med Hansina Pauls dtr. indre Moberg, f. 1852, og vart brukar etter verfaren (stykfaren). I 1873 kjøpte han bruket av Lysekloster for 750 spd. Av 11 born vaks 8 upp: Eivind, f. 1873, s. n., Paul, f. 1875, g. 1907 Helena Myren, s. ytre Moberg 4, Hans, f. 1877, g. 1899 Serina Heggland, s. ytre Moberg 16, Ola, f. 1885, handelsmann på Osøyri, s. O. 12, Anna, f. 1887, hushjelp, Frida, f. 1889, g. 1921 Elias Sundøy, s. Røttingen 31, Ingeborg, f. 1890, s. br. 29, Ragna, f. 1892, s. br. 29. Ola dreiv kvernbruket og laksefisket likeins som fyremannen. Han døydde i 1920 og kona i 1926.
Eivind Olson indre Moberg, f. 1873, skøytte farsbruket i 1898. G. 1897 Kristi Jons dtr. Lepsøy, f. 1874. Born: Anna f. 1898, g. 1923 Peder Hegland, s. Lunden 2, Ola, f. 1900, g. 1922 Magdalena Hauge, s. H. 5, Hanna, f. 1902, sjukesyster, b. Stavern, Emma, f. 1903, g. 1928 stuert Hans Andersen, b. Moberg, Ragna, f. 1905, s. br. 22, Jenny, f. 1907, s. br. 21, Jon, f. 1909, s. n., Paul, f. 1911, landbrukskandidat, g. 1940 Marta Kristofers dtr. Irgens, Øyvind, f. 1913, handelsmann på Osøyri, Kristi, f. 1917, hushjelp. Eivind hev drive laksefisket og kvernbruket likeins som faren. Han hev havt fleire tillitsyrke i bygdi og var medlem av heradstyret 1911 – 1913. F. t. er han medlem av Nordhordland fiskeristyre m. m.
Jon Eivindson indre Moberg, f. 1909, skøytte bruket etter faren i 1939 og er eigar no.
INDRE MOBERG 2.
Ola indre Moberg var brukar her i 1519, samstundes som Torstein hadde det andre bruket, s. br. 1.
Ola indre Moberg hadde bruket i 1563 og 1567. Um det er den same Ola’n som var brukar i 1519, veit me ikkje, men kannhenda er det same mannen.
Ola Andersson indre Moberg var brukar i 1591. Dette er tvillaust ein ny Ola på garden, og han hev ikkje noko med Ola Moberg frå 1560 åri å gjera. Ola Andersson var velstandsmann likeins som grannen på bruk 1, men rokk rettnok ikkje heilt upp mot han. I 1610 vart bruket skift i tvo partar, s. br. 3, og Ola miste helvti av bruket sitt. Han fall frå ikr. 1619.
Jon indre Moberg bygsla bruket i 1620. Um han var son åt Ola Andersson eller i onnor ætt med han, veit me ikkje. Jon sat smått i det og lagde berre husmannskatt eller halv skatt dei fyrste åri, men han kom seg etterkvart. Han døydde alt i 1625.
Ola indre Moberg er nemnd som brukar her i 1625 og Christen Busch i 1626. Korleis tilhøvet var med desse tvo karane som hadde bruket berre kvar sitt år, veit me ikkje.
Jørgen Jonson indre Moberg, f. ikr. 1605, bygsla bruket i 1627. Han var fyrst gift med ei syster åt mannen eller kona på br. 3, då det vart uppgjeve på tinget i 1659, at Ola Ellingson på br. 3 var verbror hans. Fyrste kona døydde, og Jørgen vart seinare gift med Magdela Størks dtr. Heggland, f. ikr. 1610. Jens Hauge, s. H. 2, var kannhenda son hans.
Det var smått for Jørgen dei fyrste åri, men det gjekk framover etterkvart og han stod seg tolleg godt til slutt. Ikr. 1630 fekk han tillegg på bruket likeins som br. 3. I 1652 vart han lensmann for Lysekloster gods, og han hadde yrket til 1668. Jørgen vann seg stor vyrdnad hjå osingane, noko som serleg synte seg ved at han jamt vart beden til fadder kring heile Osbygdi, s. O. B. I 553. (Der han er nemnd under bolken «Lensmenn» er det rekna med at han var son åt fyremannen på br. 2 og at han soleis hadde farsbruket sitt. Dette er eit mistak). Jørgen døydde i 1685 og Magdela i 1683.
Nils Matsson øvre Boga frå Fusa, f. ikr. 1667, bygsla bruket etter Jørgen. G. I 1691 Guro Villums dtr. Samnøy frå Fusa, f. ikr. 1664, d. 1712, g. II 1712 Brita Hans dtr. Skogen, f. 1671, d. 1713, g. III 1714 Anna Peders dtr. Sævild frå Samnanger, f. 1690. Born: Villum, f. 1694, g. 1720 Elsebet Nordstraumen, s. N. 1, Jon, f. 1700, Peder d. e., f. 1702, g. Marta Steffens dtr. Bakke frå Sunnfjord, b. Espeland i Fana, s. F. B. 742, Henrik, f. 1708, Nils, f. 1714, d. 1733, Peder d. y., f. 1719, d. 1733. 5 born frå fyrste giftarmålet døydde unge. Nils dreiv mykje med sjøen, men sat likevel tungt i det. Sønene måtte reisa ut etterkvart som dei vaks upp, og me finn berre ein av dei att i Osbygdi. I 1725 fekk Nils skøyte på ein part av Sævild, som han hadde fenge med siste kona, men han måtte straks selja jordi att. Nils døydde i 1634 og Anna nokre år seinare.
Jokum Ivarson, f. ikr. 1690, bygsla bruket då Nils døydde. Jokum var ikkje frå Os, men hadde i nokre år vore dreng eller gardstyrar på Molda. G. 1734 Bårds dtr. Grindevoll, f. 1685. Dei fekk 4 døtre, men 3 av dei døydde unge. Den eine som vaks upp var Ragnhild, f. 1736, g. 1762 Jakob indre Haugland, s. i. H. 1. Jokum hadde gjort tenesta i eksisen for Peder Tysseland i 5 eller 7 år, og skulde ha 34 dalar hjå Peder for det. Peder greidde ikkje å skaffa alle pengane, og i 1741 tok difyr Jokum han for retten. Jokum døydde i 1745. Kona fekk spillesykja og vart i 1746 lagt inn på hospitalet i Bergen. Ho var då fatig og hadde ikkje noko å betala for seg med. Her døydde ho nokre år seinare.
Hans Andersson indre Drange, f. 1719, bygsla bruket i 1745. G. 1746 Guro Jons dtr. Sørstraumen, f. 1722. Born: Guro, f. 1748. Hans dreiv fiske og sat tolleg godt i det. Han døydde alt i 1747.
Anders Olson indre Moberg, f. 1712, som hadde bruk 5 og nett var vorten ekkjemann, gifte seg att i 1748 med ekkja Guro Jons dtr. og lagde sitt bruk til det som kona hadde. Dei tvo bruki vart no drivne saman i meir enn hundrad år. Sjå um Anders og huslyden hans under br. 5.
Då Anders fekk bruket her, stod desse husi på bruki hans: Ei liti røykstova, ei sengebud, eit fjos, ein stall og eit nytt naust. Fjoset hadde fyrr stade på br. 4, men Anders flutte det til sin eigen grunn. Anders hadde ei løda saman med grannane på br. 1 og 3, og likeins hadde han ei løda saman med grannen på br. 4. Saman med denne grannen hadde han ogso ei sengebud med loft, eit eldhus heilt til nedfalls og eit nytt sauehus. Eit anna eldhus og den gamle gardstova hadde Anders saman med grannen på br. 3. Dei fleste husi var i god stand. Sengebudi som Anders hadde saman med grannen Ola på br. 4 måtte vølast i 1750, og Anders hadde på seg å halda istand denne luten av budi: Heile nore gavlen og helvti av søre gavlen, helvti (søre enden) av austre langsida, og taket på austsida av budi. Resten var Ola sin part. Korleis golvet og lemen var skift, veit me ikkje.
Sjovat Kristenson Vik, f. ikr. 1735, var styrar av garden nokre år. Sjå um han under br. 5.
Tomas Johannesson Åkre, f. 1748 på Boga i Strandvik, bygsla bruket i 1778. G. 1775 Brita Jons dtr. Håland frå Fusa, f. 1740. Born: Johannes, f. 1775, d. ug. 1796, Kristi, f. 1777, g. 1806 Jon Sundøy, s. S. 3, Jon, f. 1779, s. n. Tomas dreiv fiske og sat godt i det. Han døydde i 1826 og kona i 1814.
Jon Tomasson indre Moberg, f. 1779, bygsla farsbruket i 1802. G. 1801 Mari Lars dtr. Kuven, f. 1771. Born: Marta, f. 1802, g. 1828 skulehaldar Mons Monsson nedre Rød, s. Kuven 1, Johan, f. 1807, s. n., Brita, f. 1811, g. 1841 sjømann Ola Olson (son: verkseigar Hilmar i Nyhamn), b. Bergen, Anna, f. 1815, g. 1839 Jens Særvoll, s. S. 1. Tvo born døydde unge. Jon var ein drivande kar, og i 1816 vart han tilsett som skyss-skaffar i Osbygdi. Han kom umlag frå fyrste dagen i strid med godseigar Formann som åtte jordi, og tilslutt kom han heilt på svartelista hjå godseigaren. I 1810 bygde Jon nytt stovehus på bruket og kjøpte timber til dette i presteskogen. Formann leit ikkje på at Jon hadde brukt alt timberet til stova og heldt difor ein serskilt takst over huset og timberet. Formann skreiv deretter i bygsleprotokollen: «John Thomassens børn skal ikke få bygsle sin faders jord, da denne stedse har opført sig slet imod eieren. Bolette Gundersen (ei taus hjå Formann) skal have den». Formann vart ikkje kvitt Jon, då han stødt gjorde greidt for bygsla si i rett tid, og det vart lenge å venta for Bolette. Jon sat med bruket til han var nær 80 år gamall, og Bolette Gundersen fekk seg jord på Lunden, s. L. 1. Jon døydde i 1856 og Mari i 1839.
Johan Jonson indre Moberg, f. 1807, fekk ikkje bygsla bruket, men då mori døydde i 1839 vart han brukar saman med faren på hans bygsla. G. 1835 Magdela Hans dtr. Særvoll, f. 1808. Born: Kari, f. 1835, g. 1860 Anders Larsson Skåtun, b. Kaldefoss i Tysnes, Brita, f. 1837, g. 1860 Johannes Haugen, s. Kuven 5, Maria, f. 1840, g. 1875 Lars Paulson Sælen, b. Fortun i Fana, s. F. B. 513, Anna, f. 1842, g. 1878 Sjur Lekven, s. ytre Moberg 2, Kristi, f. 1844, g. 1867 Albrigt Skjeie, s. S. 8, Ingeborg, f. 1847, ug., Johanna, f. 1849, g. 1873 Gulleik Knutson Molda, b. Bergen, Marta, f. 1853, b. Bergen. Då faren døydde i 1856, måtte Johan flytja frå bruket, men fekk straks etter kjøpa seg eit bruk på Kuven, s. K. 5, der ein finn meir um han.
Anders Haldorson Gaupholm frå Samnanger, f. 1815, bygsla bruket i 1857. G. 1851 Synneva Samuels dtr. Kvernes frå Samnanger, f. 1825. Born: Magdela, f. 1852, s. n., Gyrianna, f. 1855, g. 1878 bakar Engjel Olson Stussvik, b. Tysnes, Anna, f. 1857, g. 1878 snikkar Karl Rasmusson Hauge, b. Bergen, Marta Engelina, f. 1860, i Amerika, s. O. B. II 43, Haldor, f. 1863, i Amerika, Samuel, f. 1865, sjømann. Anders kjøpte bruket av Lysekloster i 1874 for 550 spd., men selde storparten att i 1880, s. br. 7, og hadde resten til 1882. Han døydde i 1898 og kona i 1880.
Nils Andreas Eilefson Lund, f. 1851, vart i 1882 gift med Magdela Anders dtr. indre Moberg, f. 1852, og skøytte same året bruket etter verfaren. Born: Maria, f. 1880, g. b. Odda, Synneva, f. 1883, Anders, f. 1887, i Amerika. (Nils)Andreas var sjømann og reiste i langfart. Um sumaren 1889 kom han heim frå tur og skulde kjøra skipskista si upp til Moberg. Han stod i kjerra på vegen uppover, hesten gjorde eit byks, og Andreas fall or kjerra og slog seg so han døydde.
Ekkja Magdela Anders dtr. hadde so bruket nokre år. I 1892 selde ho bruket og flutte til Osøyri, der ho dreiv med strikkeverksemd. Seinare flutte ho til Bergen og vart buande der.
Tomas Pederson Søvik, f. 1840, kjøpte bruket i 1892. Han hadde fyrr vore busett i Bergen. G. 1876 Nilsina Nils dtr. ytre Moberg, f. 1850. Born: Nils, f. 1876, s. n., Peder, f. 1879, dyrlæge, g. Marie Pedersen, b. Lunde i Vest-Jylland, Danmark, Karl, f. 1881, lokomotivførar, g. 1906 Nilsina Monsen, s. br. 13, Teodor, f. 1884, målar, d. ug. 1906, Olaf, f. 1887, s. br. 15, Albert, f. 1890, g. 1916 Anna Kuventræ, s. Kuven 6, Tora, f. 1895, i Amerika, s. O. B. II 43. Tomas var skreppekar i sine yngre år, og dreiv kjellarhandel i Bergen ei tid fyrr han kom til Moberg. Han døydde i 1911 og kona i 1922.
Nils Tomasson indre Moberg, f. 1876, vart brukar etter faren. G. 1901 Marta Ols dtr. Hjelle, f. 1876. Born: Tomas d. e., f. 1902, d. 1905, Ola, f. 1905, s. n., Tilla, f. 1906, g. 1931 arbeidar Tor Rundhovde, b. Odda, Bernhard, f. 1910, s. br. 26, Nelly, f. 1913, s. br. 10, Tomas d. y., f. 1916, bakar, s. br. 10, Magnus, f. 1920, trearbeidar. Nils var handelsmann på Osøyri. I 1910 kjøpte han den gamle handelstaden, der «Gamlebakaren» og seinare Jersin hadde handelen sin, og dreiv handelsverksemdi der, s. Osøyri 7. Nils døydde i 1938.
Ola Nilsson ytre Moberg, f. 1905, skøytte bruket etter bestefaren i 1909 og er eigar og brukar no. G. 1936 Margit Knutsen frå Brandasund i Fitjar, f. 1909. Born: Nils, f. 1936, Leiv, f. 1938.
INDRE MOBERG 3.
Peder indre Moberg vart fyrste mann på dette bruket då det vart skilt ut frå br. 2 i 1610. Peder var i ætt med Ola Andersson på bruk 2, og dei betalte skatt saman for bruket dei fyrste åri. Etter det kann me tru at Peder var son åt Ola eller gift med ei dotter hans. Peder greidde seg godt på det nye bruket. Han døydde i 1627. Marta Valle, s. V. 1, var kannhenda dotter hans.
Nils Larsson bygsla bruket etter Peder i 1628. Kvar han var frå, veit me ikkje. Fyrste kona hans, som kannhenda var dotter åt Peder, døydde ikr. 1644, og Nils gifte seg att straks etter. Me veit ikkje namnet på nokon av konone. Av borni kjenner me: Brita, f. ikr. 1635, s. n., Vinsjans, f. ikr. 1644, g. 1674 Sesilia indre Tuen, s. i. T. 2, Sesilia, f. ikr. 1650, g. Ola Olson Nordvik i Fana, s. F. B. 599. Peder indre Tuen, s. i. T. 3, var truleg ogso son hans, og kannhenda var Jon Hauge, s. H. 3, det same. Eldste sonen Vinsjans vart utskriven til soldat i 1668 og var med i ufredane i 1670 åri.
Det var smått for Nils dei fyrste åri, men det gjekk framover etterkvart. Ikr. 1630 fekk han tillegg på bruket, og alle 3 bruki på indre Moberg vart då like store. Nils hadde bruket til 1655.
Ola Ellingson, f. ikr. 1625, vart ikr. 1656 gift med Brita Nils dtr. indre Moberg, f. ikr. 1635, og fekk bygsla bruket etter verfaren. Kvar Ola var frå er uvisst, men han var ikkje osing. Brita døydde straks etter giftarmålet, og Ola gifte seg att med ei Kari Jons dtr., f. ikr. 1636, som kannhenda var dotter åt Jon Storum. Anten Ola eller kona hans var i nær ætt med Jon Sørstrønen. Av 6 born vaks berre tvo upp: Kristi, f. 1670, d. ug. 1720, Lars, f. 1679, s. n. Ola dreiv med sjøen og streva hardt for å greida seg. Han døydde i 1701 og kona i 1712.
Lars Olson indre Moberg, f. 1679, bygsla bruket då faren døydde. G. I 1702 Guro Ols dtr. Tveit, f. 1677, d. 1733, g. II 1734 Brita Mons dtr. Ulven, f. 1701. Born: Ola, f. 1711, g. 1742 Synneva Bjørnen, s. B. 1, Kari, f. 1715, s. n. 4 born døydde unge. Lars sat sverande smått i det. Han døydde i 1746 og Brita i 1759.
Mortein Jakobson Kuven, f. 1720, vart i 1745 gift med Kari Lars dtr. indre Moberg, f. 1715, og fekk same året bygsla bruket etter verfaren. Born: Lars, f. 1746, s. n., Nils, f. 1752, g. 1782 Kari Arnes dtr. ytre Haugland. Tvo born døydde unge. Mortein dreiv med laksefiske og sat tolleg godt i det.
Husi som høyrde til bruket var ikkje mange, og han bygde difor på eigen kostnad eit naust og eit sauehus. Han døydde i 1782 og kona i 1792.
Mortein hadde i si tid desse husi på bruket: Eit fjos, eit stabur, eit sauehus, eit naust og eit kvernhus. Den eldgamle gardstova som Mortein sjølv budde i var sams for bruk 2 og 3. Eldhuset hadde han ogso saman med grannen på br. 2. Løda var sams for alle dei 3 gamle bruki på garden, og Mortein hadde rådvelde over berre ein fjordepart. Dei husi som bruket åtte åleine var i framifrå god stand.
Lars Morteinson indre Moberg, f. 1746, bygsla farsbruket i 1778. G. 1776 Anna Ols dtr. Høysæter frå Samnanger, f. 1745. Av 6 born vaks berre tvo upp: Mortein, f. 1779, s. n., Ola, f. 1783, g. 1822 Øllegård Halhjem, s. H. 1. Yngste sonen var med i ufreden 1808 – 1814. Lars sat godt i det likeins som faren, og dreiv laksefiske slik som fyremennene hadde gjort. Han var ein vyrd mann i bygdi, og førte jamt ordet for osingane på tinget. Lars dreiv kvernbruk i Mobergselvi og hadde kvernhuset standande ved nedste fallet. Kuvenmennene hadde sine kvernhus høgre uppe i elvi. Det var stemma i Ulvenvatnet, og då Lars ein dag um hausten 1792 skulde vøla kvernekallen sin, hadde han sett stemma i for at det ikkje skulde koma vatn på han. Lars Kuven hadde ein dreng som var noko av ein tulling, og han fann på at han vilde mala korn på Kuvenkverni den dagen og slepte difor vatnet på. Lars Moberg, som fekk vatnet på seg medan han arbeidde med kvernekallen, vart både våt og sinna og gav drengen «pryl paa rumpen» for åtferdi si. Lars vart stemnd til tings for «overfald» på tullingen og fekk 3 dalar (eit kuverd) i bot for dette. At drengjen slepte vatnet på Lars var ikkje anna enn slikt som ein måtte rekna med og venta av ein tulling, sa retten. Lars døydde i 1811 og kona eit par år etter.
Mortein Larsson indre Moberg, f. 1779, bygsla farsbruket i 1802. G. 1800 Brita Johannes dtr: Frøland frå Samnanger, f. 1763. Born: f. 1800, g. 1828 Torgils Lid, s. Kuven 8, Kari, f. 1802, g. 1832 Jørgen ytre Moberg, s. y. M. 4, Lars, f. 1805, s. n. Mortein stod i sjøvernet og vart rekna som «halvbefaren». I 1801 vart han teken til tenesta på krigsskipi og sendt til Kjøpenhamn, s. O. B. I 503. Mortein dreiv kvernbruket og laksefisket likeins som faren og var saman med Peder ytre Moberg bas for Mobergsmennene sitt notbruk i sildefisket. I 1820 krov Kvalesundsmannen han for sildetiend, sjå under ytre Moberg 6. Mortem døydde i 1849 og Brita i 1847.
Lars Morteinson indre Moberg, f. 1805, bygsla bruket etter faren i 1834. G. 1833 Kristi Haldors dtr. Lønningdal, f. 1802. Dei fekk tvo søner som begge døydde unge. Den yngste gjekk seg i Ulvenvatnet og drukna der. Lars vart heller ikkje gamall, då han døydde alt i 1837.
Elias Jonson Sørstrønen, f. 1803, vart i 1838 gift med ekkja Kristi Haldors dtr. og fekk same året bygsla bruket. Kristi døydde alt i 1844, og Elias gifte seg att tvo år etter med Kristi Ols dtr. Eide, f. 1821. Born: Lars, f. 1839, s. n., Anna f. 1848, g. 1869 Jon Lepsøy, s. L. 2, Kari, f. 1851, g. 1878 sjømann Ola Andersson Hauge, b. indre Moberg, Kristi, f. 1852, d. 1866, Hansina, f. 1855, g. 1881 Nils ytre Drange, s. y. D. 3, Jon, f. 1861, g. 1886 Synneva Lepsøy, s. Sundøy 2. 5 born døydde unge. Elias var ein vyrd mann og hadde ymse tillitsyrke i bygdi. Han døydde i 1867 og kona i 1871.
Lars Eliasson indre Moberg, f. 1839, bygsla farsbruket i 1867 og kjøpte det av Lysekloster i 1874 for 550 spd. G. 1866 Metta Eivinds dtr. ytre Tuen, f. 1830. Born: Lars, f. 1862, s. n., Elias, f. 1867, g. 1894 Eli ytre Lekven, s. y. L. 3, Kristi, f. 1869, g. 1888 Lars Lyssand, s. L. 4, Maria, f. 1872, g. 1897 Mons Hauge, s. H. 8. Lars var båtbyggjar og dreiv ogso kvernbruket. Han hadde fleire tillitsyrke og var med i ymse kommunale nemnder. Lars døydde i 1917 og Metta i 1915.
Lars Larsson indre Moberg, f. 1862, skøytte farsbruket i 1893. G. 1888 Johanna Mons dtr. Lyssand, f. 1864. Born: Metta, f. 1888, g. 1912 Nils Haukeland, s. H. 1, Lars, f. 1890, s. n., Mons, f. 1894, s. br. 16, Ola, f. 1896, s. br. 17, Ingeborg, f. 1894, s. br. 20, Hanna, f. 1901, g. 1928 Bernhard Berge, s. B. 1, Elias, f. 1903, s. Kuven 2, Kristi, f. 1905, s. br. 19. Tvo born døydde unge. Lars var båtbyggjar og dreiv kvernbruket likeins som faren. Han døydde alt i 1906.
Ekkja Johanna Mons dtr. hadde so bruket i heile 13 år.
Lars Larsson indre Moberg, f. 1890, skøytte bruket etter mori i 1919. G. 1917 Berta Tomassen frå Føyno ved Haugesund, f. 1893. Born: Johanna, f. 1918, hushjelp, Lars, f. 1919, trearbeidar, Ranveig, f. 1920, hushjelp, Nils, f. 1922, Laura, f. 1924, Magnus, f. 1926, Einar, f. 1928, Eldbjørg (tvilling), f. 1932, Ingeborg, f. 1932, Åse, f. 1934. Lars driv kvernbruk attåt gardsbruket, likeins som fyremennene hev gjort. Han hev vore med i skule- og fatigstyret o. a.
INDRE MOBERG 4.
Ola indre Moberg vart fyrste brukar her, då bruket vart skift ut frå br. 1 ikr. 1658. Ola var gift med ei som heitte Gjertrud, f. ikr. 1635, og anten ho eller mannen var frå bruk 1. Det er mest truleg at Gjertrud var dotter åt Mikkjel, og at Ola flutte til garden. Av borni kjenner me 4: Jon, f. 1659, Elling, f. 1662, g. 1687 Kari Arnes dtr., s. indre Lekven 3, Anna, f. ikr. 1664, g. 1685 Ola Hetleflåten, s. H. 1, Ola, f. 1666, g. 1689 Kari Askvik, s. A. 2. Ola døydde i 1666, nett fyrr siste sonen hans vart fødd.
Nils Larsson Gjerdevik frå Fusa, f. ikr. 1644, vart i 1668 gift med ekkja Gjertrud indre Moberg og fekk bygsla bruket. Gjertrud døydde truleg ikr. 1685. Kona åt Nils er sidan skrivi for Guro, og me kann tru at det var andre kona hans. Det kann ogso henda at Guro berre er skrivfeil for Gjertrud. Av 5 born vaks 4 upp: Lars, f. 1670, g. 1697 Eli nedre Rød, s. Ferstad 4, Jørgen, f. 1675, g. 1700 Agneta Øvreide, s. Søfteland 2, Kari, f. 1678, s. n., Jon, f. 1682, g. 1712 Ingeborg Askvik, s. A. 2. Nils døydde i 1717 og Guro (Gjertrud) i 1721.
Jørgen Erikson Øvreide, f. 1675, vart i 1696 gift med Kari Nils dtr. Moberg, f. 1678, og fekk bygsla bruket etter verfaren. Dei fekk 13 born, og 9 av dei vaks upp: Peder, f. 1697, g. 1724 Marta indre Haugland, s. Ferstad 2, Jens, f. 1700, g. 1725 Ingeborg indre Moberg, s. Askvik 3, Erik, f. 1703, g. 1731 Synneva øvre Rød, s. ø. R. 1, Nils, f. 1707, g. 1737 Marta Tveitnes, s. ytre Moberg 4, Kari, f. 1710, ug., Gjertrud, f. 1711, s. br. 5, Jørgen, f. 1715, g. 1740 Abelona Ulven, s. U. 1, Guro, f. 1717, d. 1733, Ola, f. 1720, s. n. Jørgen dreiv mykje med sjøen og sat tolleg godt i det. Bruket hans var drive fram til å verta det største på garden, men i 1732 vart det skift att i tvo partar, s. br. 5. Jørgen døydde i 1752 og kona i 1748.
Ola Jørgenson indre Moberg, f. 1720, bygsla farsbruket i 1747. G. 1749 Helga Johannes dtr. Storum, f. 1716. Born: Kari, f. 1750, Anna, f. 1751, g. 1782 Eivind Kuven, s. ytre Moberg 6, Jørgen, f. 1752, g. 1787 Guro ytre Haugland, s. y. H. 8, Johannes, f. 1757, d. ug. 1788. 3 born døydde unge. Ola dreiv med laksefiske og anna fiske likeins som faren, men sat sverande smått i det. Han skulda pengar for korn til kjøpmennene i Bergen o. a., og den samla skuldi hans var mykje større enn verdet av alt det han åtte. I sine unge dagar stod Ola på kyrkjebakken um sundagane og selde øl til kyrkjefolket. Ekkja Ingeborg Vinsjans dtr. på bruk 1 hadde ein dreng frå Bergen, Hans Kristianson, og han bryggja ølet som Ola selde. Både Ola og Hans måtte for retten avdi dei selde øl medan dei var ungkarar. Ola slapp fri, men Hans fekk ei liti bot for «helligbrøde», avdi han hadde drive med bryggjing um sundagane. Ola døydde alt i 1769.
Då Ola fekk farsbruket, hadde det desse husi: Ei liti røykstova med kove attåt, eit fjos, eit sauehus og eit kvernhus. Løda, eit gamallt eldhus, eit nytt sauehus og ei sengebud med lem hadde han saman med grannen på br. 2, og naust hadde han saman med br. 1. Ola hadde å halda istand denne luten av sengebudi: Heile vestre og halve austre langsida, helvti av søre gavlen og taket på vestsida. Med undantak av det gamle eldhuset og sengebudi var alle husi i framifrå stand.
Ekkja Helga Johannes dtr. stjorna bruket nokre år etter at mannen døydde. Ho streva hardt for å greida seg, og i uåri 1772 – 73 måtte ho få ei halv tunna «undsætningskorn» av Staten for å berga livet. Både i 1786 og 1787 krov futen henne etter pengar for kornet, men ho nekta å vera skuldig noko. Futen gav seg ikkje, og tilslutt måtte ho sanna at ho hadde fenge kornet, men då ho korkje åtte pengar eller noko å setja i pant, fall kravet burt. Helga greidde ikkje å sitja med bruket mange år. I 1773 let ho det frå seg og var sidan busett i ei liti kårstova på garden. Ho døydde i 1801.
Engjel Jonson Hovland, f. 1745, bygsla bruket i 1773. G. 1771 Marta Ols dtr. Bjånes, f. 1748. Born: Ingeleiv, f. 1773, d. ug., Jon, f. 1777, s. n. Engjel var ein drivande kar både på sjø og land og sat godt i det. I 1796 kjøpte han eit bruk i Lepsøy på auksjonen etter Johan Leganger, men då Engjel døydde nokre år etter, selde ekkja bruket til bygslemannen, s. Lepsøy 2. Engjel var ein vyrd mann i bygdi og var stemnevitne i mange år. Han døydde i 1803 og kona i 1821.
Jon Engjelson indre Moberg, f. 1777, bygsla farsbruket i 1800. G. 1805 Marta Knuts dtr. Havsgård frå Fusa, f. 1787. Born: Marta, f. 1808, g. 1832 Knut ytre Lekven, s. y. L. 1. Engjel, f. 1809, s. n., Kristi, f. 1812, g. 1838 Erik Lid, s. Nordstrønen 11, Knut (tvilling), f. 1814, g. 1847 Malena Johannes dtr. Store Milde i Fana, b. Milde, s. F. B. 706. Tvo born døydde unge. Jon dreiv kvernbruk og laksefiske, og sat godt i det likeins som faren. Han døydde i 1830.
Ekkja Marta Knuts dtr. hadde so bruket nokre år. Ho døydde i 1841.
Engjel Jonson indre Moberg, f. 1809, bygsla bruket etter mori i 1835. G. 1835 Torbjørg Knuts dtr. ytre Lekven (syskinborn), f. 1815. Av 9 born vaks 7 upp: Ragnhild, f. 1836, d. ug. 1865, Marta, f. 1839, d. ug. 1897, Jon, f. 1843, d. ug. 1918, Knut, f. 1845, i Amerika, s. O. B. II 42, Engjel, f. 1850, s. n., Kari, f. 1853, g. 1878 Severin Andersen, i Amerika, Hans, f. 1857, s. n. Engjel dreiv kvernbruk og fiske likeins som faren. Han var ein vyrd mann og hadde fleire tillitsyrke i grendi. Engjel døydde i 1889 og Torbjørg i 1886.
Engjel Engjelson indre Moberg, f. 1850, kjøpte farsbruket av Lysekloster i 1874 for 540 spd. og vart busett her. G. 1880 Agata Ols dtr. Eide, f. 1860. Born: Engjel, f. 1883, d. ug. 1917, Ola, f. 1885, i Amerika, Torbjørg, f. 1887, d. ung, Torbjørn, f. 1889, handelsmann, d. ug. 1937. Engjel var laksefiskar og dreiv kvernbruket som fyremennene hadde gjort. Han var overformyndar i Os og hadde fleire kommunale tillitsyrke. Engjel var med å skipa Os Privatbank i 1888 og var ogso medlem av fyrste styret i banken. Han døydde alt i 1891.
Hans Engjelson indre Moberg, f. 1857, vart i 1892 gift med ekkja Agata Ols dtr. og fekk bruket etter broren. Han hadde fyrr vore fleire år i Amerika. Born: Engelina, f. 1893, d. 1895, Ingvald, f. 1896, s. n., Ingeborg, f. 1900, g. 1925 Lars Hatvik, s. H. 5. Hans dreiv kvernbruket og laksefisket likeins som fyremannen. Han døydde i 1931.
Ingvald Hansson indre Moberg, f. 1896, skøytte farsbruket i 1934 og hev det no.
INDRE MOBERG 5.
Rasmus Larsson indre Haugland, f. 1708, vart i 1732 gift med Gjertrud Jørgens dtr. indre Moberg, f. 1711, og fekk same året bygsla halvparten av verfaren sitt bruk som då vart skift i tvo partar, s. br. 4. Rasmus døydde alt i 1733. Ei dotter, Marta, kom til verdi etter at faren var død. Ho vart gift i 1762 med Albrigt Særvoll, s. S. 3.
Ekkja Gjertrud Jørgens dtr. hadde so bruket eit par år.
Anders Olson ytre Lekven, f. 1712, gifte seg i 1735 med ekkja Gjertrud Jørgens dtr. og fekk bygsla bruket. Han hadde fyrr bygsla farsbruket på ytre Lekven, s. y. L. 1, men då han vart gift med Gjertrud flutte han til Moberg og vart brukar her. Gjertrud døydde i 1747, og Anders gifte seg att året etter med ekkja Guro Jons dtr. indre Moberg, f. 1722, og fekk ogso bygsla bruk 2 som den nye kona hadde. Anders hadde 14 born, men berre 8 av dei vaks upp: Ola, f. 1740, g. 1775 Anna Nordstraumen, s. N. 1, Brita, f. 1746, ug., Gjertrud, f. 1751, s. br. 1, Jon, f. 1753, g. b Bergen, Hans, f. 1755, d. ug. 1778, Ingeborg (tvilling), f. 1759, ug., Kari, f. 1759, g. 1797 Torkjell Sørstraumen, s. S. 1, Anna, f. 1761, g. 1795 Rasmus Nordstraumen, s. N. 1. Anders dreiv med laksefiske og var ogso mykje ute i anna fiske. Då han vart gift andre gongen i 1748, fekk han tvo bruk, og han flutte då til bruk 2 og busette seg der, s. br. 2. Han greidde seg tolleg godt dei fyrste åri, men det gjekk nedover med han etterkvart. Den store huslyden tyngde mykje, og i 1760 åri vart han ogso so helseklein at han måtte ta gardstyrar, s. n. Anders døydde i 1769 og Guro i 1772.
Sjovat Kristenson Vik frå Kvam, f. ikr. 1735, vart gardstyrar hjå Anders etter 1760. Han stjorna ogso bruk 2 nokre år, s. d. G. 1764 Herborg Tollefs dtr. Århus frå Kvam, f. ikr. 1740. Sjovat sat sverande smått i det, og i uåri 1772 – 73 måtte han få «undsætningskorn» for at han ikkje skulde svelta ihel. Han makta ikkje nokon tid å betala kornet. Sjovat stjorna bruki til det kom ny bygslemann i 1778. Han flutte då til Eidsvik under ytre Drange, s. y. D. 4, der ein finn meir um han og huslyden hans.
Bruket vart no lagt inn under bruk 2 og fall burt som sjølvstendigt bruk.
INDRE MOBERG 6 (Stølane).
Jon Olson Kuven, f. 1828, festa ein part av indre Moberg i 1854 og rydja og bygde her. I 1857 vart bruket serskilt skyldsett, og i 1874 fekk Jon kjøpa det av Lysekloster for 175 spd. G. 1851 Brita Eriks dtr. Valle, f. 1826. Born: Marta, f. 1854, g. 1877 Lars Hovland, s. Sørstrønen 2, Olina, f. 1856, g. 1882 skomakar Anders Akselson Hoff frå Sunnfjord, b. Bergen, Lars, f. 1860, g. 1883 Elen Sten, s, Osøyri 8, Karl, f. 1863, skomakar, g. I 1885 Matilda Korneliussen frå Bergen, g. II 1890 Inga Gjertsen frå Bergen, b. Bergen, Ingeborg, f. 1866, g. 1888 Johannes Røttingen, s. R. 15, Jon, f. 1870, g. 1892 Anna Bjelland, s. Osøyri 30. Ei gjenta døydde tidleg. Jon dreiv treskoarbeid attåt gardsbruket. Han døydde i 1910 og kona i 1925.
Annanias Andersson Hauge, f. 1848, kjøpte bruket av Jon i 1874 og busette seg her i 1878. G. 1881 Eli Kristens dtr. Skogen, f. 1858. Born: Brita, f. 1883, g. 1910 disponent Sverdrup Foss, b. Bergen, Kristina, f. 1885, s. n., Anders, f. 1888, d. ug. 1912, Ingeleiv Johanna, f. 1890, g. 1911 maskinist Jonas Jørgenson Sveen (Os), b. Bergen, Anna, f. 1895, syerske, d. ug. 1926, Olina Maria, f. 1898, syerske, b. Oslo. Annanias hadde ein part i Hauge laksevåg og var med i fisket her. Han dreiv ogso smedarbeid og hadde ymse tillitsyrke i bygdi. Annanias døydde i 1903.
Ekkja Eli Kristens dtr. hadde so bruket i 10 år. Ho døydde i 1928.
Martin Larsson Borgen, f. 1885, vart i 1907 gift med Kristina Annanias dtr. indre Moberg, f. 1885, og fekk i 1913 skøyte på bruket etter vermori. Born: Jakob, f. 1907, g. 1935 Gyrid Askvik, s. Hetleflåten 1, Lars, f. 1911, sjauffør, g. 1934 Elina Salomonsen frå Askøy, (born: Jorun, f. 1936, Martin, f. 1938, Anton, f. 1939, d. 1940), Annanias, f. 1915, d. ug. 1939, Elsa, f. 1918, Asbjørn, f. 1924. Martin fekk laksefisket etter verfaren og driv dette attåt ardsbruket.
INDRE MOBERG 7.
Ola Larsson Valle, f. 1844, kjøpte storparten av bruk 2 i 1880 for 3200 kroner og skipa eit nytt bruk her. Han hadde ogso farsbruket sitt på Valle og var i mange år busett der. Seinare let han bruket på Valle frå seg til sonen og flutte sjølv til Moberg, der han sidan vart buande. Han døydde her i 1920 og kona i 1931. Sjå um han og huslyden hans under Valle 1.
Ola Olson Valle, f. 1890, skøytte farsbruket i 1910. G. I 1916 Anna Eivinds dtr. Skåtøy (Balland), f. 1887, d. 1929, g. II 1936 e. Klara Johannes dtr. Tøsdal, f. i Bergen 1890. Born: Ola, f. 1917, trearbeidar, Eirik, f. 1919, trearbeidar, Henrik, f. 1921, bakar, Brita, f. 1923, Borghild, f. 1926. Ola er medlem av skulestyret o. a.
INDRE MOBERG 8.
Nils Nilsson ytre Haugland, f. 1851, festa i 1883 ei tuft med eit bunadshus av br. 7 og busette seg her. Han hadde ei tid leigt hus på Haugland og kjøpte i 1878 eit bruk på Rød i Fana. I 1883 flutte han so attende til Os med tanke på å få farsbruket, men døydde fyrr han fekk det. G. 1875 Serina Lars dtr. Sørstrønen, f. i Hatvik 1852. Born: Vilhelm, f. 1875, g. 1897 Olava Sjøli, s. ytre Haugland 20, Lars, f. 1877, g. Emma Nordal, i Amerika, s. O. B. II 37, Nils, f. 1879, lækjar, g. 1910 Hanna Dahl frå Meløy i Nordland, b. Fredrikstad, s. O. B. II 64, Martin, f. 1882, i Amerika, d. ug. 1930, Hans, f. 1886, i Amerika. Ei gjenta døydde ung. Nils var sjømann og reiste i langfart. Han døydde i 1888, og ekkja gifte seg att i 1893 med Ola ytre Haugland, s. y. H. 6. Huset og tufti fall attende til hovudbruket.
INDRE MOBERG 9 (St. Hanshaugen).
Tomas Tomasson Heggland, f. 1852, kjøpte i 1891 eit jordstykke av br. 2, men bygde ikkje på bruket. Sjå um Tomas under Osøyri 20.
Nils Tomasson indre Moberg, f. 1876, kjøpte bruket ved auksjon i 1917. Han selde noko frå gjenom åri, men heldt storparten att. Sjå um Nils under br. 2.
Skipsmeklar Ragnar Meyer frå Bergen kjøpte ein part av eigedomen i 1917. Han selde att i 1925 til lækjar dr. St. Tscudi Madsen frå Bergen som bygde på bruket. Eigedomen er nytta til sumarbustad.
INDRE MOBERG 10 (Kveldsro).
Tomas Pederson indre Moberg skilde i 1895 ut ein part frå bruket sitt, s. br. 2, og selde den utskilde parten i 1908 til skipsreidar John L. Weichmann frå Bergen, som bygde seg sumarbustad her. Då Weichmann døydde, selde ekkja hans Olga Weichmann eigedomen i 1915 til skipsreidar Lauritz Christiansen frå Bergen. I 1922 kjøpte Bergens kristelige forening av unge kvinner bruket og hadde det til 1936. Eigedomen vart i desse åri brukt til ferieheim o. l.
Nelly Nils dtr. indre Moberg, f. 1913, og broren Tomas Nilsson, f. 1914, kjøpte bruket i 1936 og er busette her. Nelly vart gift i 1938 med trearbeidar Anders Hansson Rød frå Hålandsdalen, f. 1909. Born: Målfrid, f. 1939. Tomas er bakar på Osøyri.
INDRE MOBERG 11 (Berghaugen).
Engjel Knutson Gjemdal, f. 1864, kjøpte i 1896 ein liten part av br. 9 og busette seg her. Seinare kjøpte han meir frå same bruket. G. 1886 Anna Nils dtr. Klyva, f. 1856. Born: Nils, f. 1886, d. 1907, Karl, f. 1888, bakar, g. 1921 Anna Haldors dtr. Hatlestad frå Bruvik, b. Voss, Ragnhild, f. 1891, syerske, b. Voss, Jonas, f. 1892, g. 1916 Nilsina Klyva, s. Os. 17, Engelina, f. 1895, d. 1912, Signy, f. 1900, s. n. Engjel var skomakar, men dreiv i dei siste åri som stein- og vegarbeidar. Han døydde i 1937 og kona i 1933.
Anders Tennebekk frå Laksevåg, f. 1896, vart i 1924 gift med Signy Engjels dtr. Moberg (Gjemdal), f. 1900, og vart busett her. Born: Alfred f. 1924, s. n., Gerd, f. 1926, Inger, f. 1928, Einar, f. 1929, Lilly, f. 1931. Anders er snikkar.
Alfred Andersson Tennebekk, f. 1924, fekk i 1939 skøyte på bruket etter bestefaren og er eigar no.
INDRE MOBERG 12.
Disponent Oscar Agdesteen frå Bergen kjøpte i 1917 eit jordstykke av br. 2 og bygde seg sumarhus her. Han selde eigedomen att i 1924 til kjøpmann Gunnar Mohn frå Bergen som er eigar no.
INDRE MOBERG 13 (Karlshaug).
Lokomotivførar Karl Tomasson Moberg, f. 1881, kjøpte i 1918 ein part av broren sitt bruk, s. br. 9, og bygde sumarbustad her. Karl som er gift med Nilsina Osøyri, f. p. Moberg 1877, er busett i Bergen. Son deira, radiotelegrafist Trygve Moberg, f. 1908, og kona hans Borghild Riisøen, f. 1913, hev siste året vore busette på eigedomen.
INDRE MOBERG 14 (Bergshaugen).
Fru Elisabet Reusch Berg og mannen Adolf Berg frå Bergen kjøpte i 1918 eit stykke av br. 3 og bygde sumarbustad her. Dei selde att i 1924.
Godtfred Martin Dahl, f. p. Berg i Austfold 1887, kjøpte bruket i 1924. G. 1915 Jenny Harriet Johansen frå Oslo, f. 1890. Born: Odlaug, f. 1917, kontorassistent, Dagfinn, f. 1919, elektrikar. Dahl vart tilsett som driftsstyrar ved Os kommunale elektrisitetsverk i 1915 og hev framleis yrket. Han er med i styret for landslaget av elektrisitetsverkstyrarar og hev ogso ymse tillitsyrke i Osbygdi. Millom anna er han no formann i fatigstyret.
INDRE MOBERG 15 (Solhaugen).
Olaf Tomasson Moberg, f. 1887, skøytte i 1922 eit stykke av broren sitt bruk, s. br. 9, og bygde her. G. 1914 Marta Sveins dtr. Nordal (Søfteland), f. 1893. Born: Nancy, f. 1914, hushjelp, Tora, f. 1915, g. 1938 trearbeidar Einar Pedersen, Osøyri, Olga, f. 1916, butikkgjenta, Teodor, f. 1918, g. 1940 Gudrun Johannes dtr. Moberg, Kirsten, f. 1923, s. n. Olaf er bakar og parthavar i Nils T. Mobergs handelsverksemd på Osøyri, s. O. 7.
Kirsten Olafs dtr. Moberg, f. 1923, fekk skøyte på bruket i 1938 og er eigar no.
INDRE MOBERG 16 (Sollund).
Mons Larsson Moberg, f. 1894, skøytte ein part av broren sitt bruk og bygde her i 1922. G. 1932 Valborg Monsen frå Bergen, f. 1900. Born: Arne f. 1934, Valborg, f. 1936. Mons er bakar og hadde i mange år arbeidet sitt på Haugland. Han arbeider no på Osøyri.
INDRE MOBERG 17 (Solheim).
Ola Larsson Moberg, f. 1896, fekk i 1924 skilt ut eit stykke av broren sitt bruk. Han skøytte stykket i 1930 og busette seg her. G. 1924 Ågot Olsen, Osøyri, f. p. Vik i Helgeland 1901. Born: Liv, f. 1925, Asbjørn, f. 1927, Olav, f. 1932. Ola var fyrr kassastyrar og er no adm. direktør i Os privatbank, s. O. B. I 603. Han er ogso overformyndar i Os og hev andre tillitsyrke i bygdi.
INDRE MOBERG 18 (Songstad).
Peder Monsson Songstad, f. 1884, kjøpte i 1924 eit stykke av br. 4 og bygde på bruket. Han hadde fyrr vore busett på Os jernbanestasjon. G. 1914 Jenny Øvredal frå Bergen, f. 1890. Born: Margit, f. 1915, butikkgjenta, Peder, f. 1923. Peder var verkstadformann på Osbanen og hev no same yrket for Osbilane. Han hev havt ymse tillitsyrke i bygdi og var m. a. medlem av heradstyret 1920 – 22.
INDRE MOBERG 19 (Solvang).
Elias Larsson Søfteland, f. 1903, skøytte ein part av br. 16 og bygde her i 1930. G. 1930 Kristi Lars dtr. indre Moberg, f. 1905. Born: Målfrid, f. 1931, Aud, f. 1933. Elias er snikkar og arbeidsformann i møbelfabrikk.
INDRE MOBERG 20 (Sydberg).
Ola Larsson Hjelle, f. 1899, kjøpte i 1930 ein part av verbroren sitt bruk, s. br. 3, og busette seg her. G. I 1925 Ingeborg Lars dtr. indre Moberg, f. 1899, d. 1931, g. II 1936 Gudrun Olsen, Osøyri, f. 1899. Born: Ågot, f. 1927, Liv, f. 1930, Lise, f. 1938. Ei gjenta døydde ung. Ola hev drive ski- og kjelkefabrikk på Osøyri saman med faren og er no eigar og styrar av fabrikken.
INDRE MOBERG 21 (Fristad).
Jon Jakobson Hægland, f. p. Lunden 1901, skøytte i 1932 eit stykke av verfaren sitt bruk, s. br. 1, der han bygde og busette seg. G. 1928 Jenny Eivinds dtr. indre Moberg, f. 1907. Born: Jan, f. 1930, Paul, f. 1936. Jon er snikkar og trearbeidar.
INDRE MOBERG 22 (Lynghaug).
Herman Hansson Bjørnen, f. 1902, fekk i 1935 skøyte på eit stykke av verfaren sitt bruk, s. br. 1, og bygde her. G. 1927 Ragna Eivinds dtr. indre Moberg, f. 1905. Born: Hans, f. 1929, Øyvind, f. 1934. Herman er bygningsmann og trearbeidar.
INDRE MOBERG 23 (Borg).
Håkon Larsson Askvik, f. 1907, kjøpte i 1935 ei tuft av br. 6 og busette seg her. G. 1936 Maria Mons dtr. Lyssand, f. 1915. Born: Lars, f. 1937, Arne f. 1939. Håkon er mekanikar og driv mekanisk verkstad på Osøyri.
INDRE MOBERG 24 (Tryggheim).
Halfdan Helgesen, Osøyri, f. i Bergen 1892, kjøpte eit jordstykke av br. 3 i 1935 og bygde på stykket. G. 1919 Kristina Ingebrigts dtr. Gjøvåg frå Tysnes, f. 1895. Born: Trygve, f. 1921. Halfdan er mekanikar og arbeider på verkstaden åt Osbilane.
INDRE MOBERG 25 (Bakketun).
Ola Jørgensen, Os, f. 1887, bygde og busette seg på ei tuft som han kjøpte av br. 2 i 1936. G. 1936 Hanna Lars dtr. ytre Haugland, f. 1902. Born: Helmer, f. 1936. Ola er bakar og arbeider på Osøyri.
INDRE MOBERG 26 (Bjørndalen).
Bernhard Nilsson Moberg, f. 1910, skøytte i 1936 eit stykke av farsbruket, der han bygde og busette seg. G. 1936 Maria Ols dtr. Hjelle, f. 1910. Born: Inger Maria, f. 1940. Bernhard er handelsmann og hev overteke faren sin part av handelsverksemdi på Osøyri, s. O. 7. Maria døydde i 1940.
INDRE MOBERG 27 (Fagerborg).
Johan Bottolfson Fretheim frå Aurland i Sogn, f. 1886, skøytte eit stykke av verbroren, s. br. 7, i 1937 og bygde på bruket. G. 1918 Marta Ols dtr. Valle, f. 1892. Born: Margreta, f. 1919, Oddmund, f. 1920, Boletta, f. 1922, Ingebjørg, f. 1923, Gunvor, f. 1925, d. 1928. Johan er bakar og dreiv i nokre år handel og bakeri på Osøyri, s. O. 1. Seinare hev han vore bakar på Vedholmen i Sørøyane.
INDRE MOBERG 28 (Solvang).
Engjel Johannesson Skjeie, f. 1903, kjøpte ei tuft av br. 1 i 1938 og busette seg her. G. 1932 Solveig Jens dtr. Fløisand frå Meland, f. 1907. Born: Bjørg, f. 1933. Engjel er sjauffør på Osbanen sine rutebilar.
INDRE MOBERG 29 (Garbo).
Ingeborg Ols dtr. Moberg, f. 1890, og systeri Ragna Ols dtr., f. 1892, bygde på ei tuft av broren sitt bruk, s. br. 1, og fekk skøyte på eigedomen i 1939. Ingeborg og Ragna hev i mange år vore i Amerika, der dei hev drive med kokkearbeid o. 1., men hev jamt vore stutte turar heime i Norig. Dei bur i huset sitt når dei er her i landet.