OS

Frå OS SOGA III side 415 – 437

55. I OS.

Namnet kjem av elveos, munding, i dette høve staden der Oselvi renn ut i sjøen.  Osøyri er sandøyri som Oselvi hev laga.  Sveen er ein plass som er rydja ved å svi eller brenna burt skogen.  Osstølen hev fenge namnet etter stølen, staden som var liggjeplass for beisti fyrr stykket vart rydja. 
Utgjerdet er eit jordstykke, træ, som er teke av utmarki og er inngjerda til bø. 

Uttale: Os.  

Skrivemåtar: Os, a Osi (1320), i Ose, Ooss (1328), til Oss (1329), Oos (1339), Ous (1519), Ewss (1521), Owse (1522), Owsz (1523), Oes, Oosse (1563), Ouss (1663), Oussz (1668), Ohs. 

Garden ligg på vestre sida av Oselvi, der ho renn ut i Bjørnafjorden.  Dei nemnde småbruki ligg på høgdene ovanfyre garden.  Os vart tidleg teken til prestegard, det han tvillaust stødt hev vore.  Ein gard Austrvin, skriven Austrin i 1320, låg lenger upp ved Oselvi, men vart liggjande øyde etter «Mannadauden».  Garden høyrde til Os kyrkja, og prestegarden tok han i bruk som øydegard.  Prestegarden hev no utmarki si der garden Austrvin låg i gamletidi. 

Or gamle matriklar og teljingar:

1668: Oussz prestegaard huor presten boer er ey i summa reignet.  Saar 6 tønder hafre, 1½ tønder byg, ½ tønder rug, temmelig agger tynd eng, ringe for sin landskyld.  
1723: Ingen sætter, ingen skoug knap brendefang, en flomqvern til fornødenhed, særdeles tørt sædeland og tillige tungvunden.  Denne præstegaard ligger 4 mile fra byen, hvorunder ere 2 laxekar, det eene øde og af ingen værdi, i det andet kand i førstningen af foraaret fanges nogle faae lax, og langt fra iche af den værdi a parte at kand taxeres eller settes for nogen skat, saasom de udenfor liggende laxevaage hindrer laxens indløb, og saaledes betager den fordel som ved laxekarret kunde forhverves og forventes, thi kand det iche taxeres eller settes i nogen skyld.  
1865: Os prestegaard med Stegen og 6 pladse: Har 39 maal dyrket ager og eng, deraf 8 maal godt, 19 middels og 12 slet, har 209 maal naturlig england, deraf 21 maal godt, 91 middels og 97 slet, 20 maal af englandet er dyrkbart.  Har skog til husbrug men intet at sælge, pladsene har ingen skog, disse føder 4 ungnød ved lyng, prestegaarden bruger ikke lyng, men har adgang dertil, er tungvint og mindre godt drevet.  Laksefisket i Oselven indbringer 10 spd. aarlig og ½ vandfald 3 spd. 

Busetnad og buskap. 

	Hus-	Menne-	Hes-	Stor-	Sma-	Gjei-	Svin.	Utsåd		Utsåd
	lydar.	skje.	tar.	fe.	ler.	ter.		korn.		poteter.
1657	2		2	34	4	4
1668	2		2	20	20	20		8	tun
1723	1		2	22	22			8	»
1800	3	27
1835	6	43	2	13	20		4	5,5	»	6,5	tun.
1865	19	96	4	30	93		10	11	tun.	25,5	»
1900	45	220	2	27	44		11	2	hl.	37,5	hl.
1920	90	361
1930	107	367	2	20	26		4	3,5	mål	9,5	mål
1939			4	38			9	2	»	11	»

I 1920 er ikkje uppgjeve buskap og utsåd for prestegarden. 

OS 1 (Prestegarden). 

Os hev tvillaust vore prestegard sidan det kom prest i Osbygdi.  Me finn ikkje nokon prest nemnd fyrr ikr. 1290, men eit halvt hundrad år fyrr den tid er Os nemnd som prestegard.  Me torer tru at Osprestane radt frå tidi fyrr 1100 hev vore busette på bruket her. 

Den eldste stova som no stend på garden er frå tidi ikr. 1350.  Det er ei vanleg røykstova, 10 x 9½ alner stor, med gang og kove i austre gavlen som dei andre røykstovone i bygdi.  Sjå meir um denne stova O. B. I 235 og 264 – 66. 

Den gamle stova var prestebustad til ikr. 1650, då det vart bygt eit nytt bunadshus attåt vestre gavlen på gamlestova.  Det nye huset var i tvo høgder, med gang millom gamle- og nyestova og skorstein med gruva i gangen.  Huset vart noko til nedfalls i slutten av 1700 talet, og presten Kristen Larsen og døtterne hans, som var busette i huset frå 1805 til 1816, fann det sers høveleg til brennsla.  Det var lettare å riva ei fjøl av huset enn å gå i skogen etter ved, og då presten Jersin kom til bygdi i 1816, fanns det korkje bordklædnad eller upplengjer att på prestehusi.  Det heile var gjenge i omnen åt Kristen Larsen. 

Den nye presten krov eit nytt og betre bunadshus på garden, og ny prestebustad vart bygd i 1820.  Dei gamle husi vart ikkje rivne, men vart vølte og stend framleis.  Huset frå 1650 var ei tid nytta til verkstad og fekk difor namnet «Snikkarstova».  Gamlestova frå 1300 åri vart vølt på nytt i 1930, og er då ført attende til sin upphavlege skapnad. 

Bygdefolket og presten hadde i lange tider på seg å halda kvar sin part av prestehusi istand.  Hopehavet gjorde ikkje vedlikehaldet betre, og både bunadshus og uthus trong vøling.  I slutten av 1920 åri vart det bygt nytt bunadshus og nye uthus på prestegarden, og det gamle bunadshuset frå 1820 åri vart seld til burtflytjing. 

*

Prestane som hev vore busette her til 1933 er nemnde i fyrste bandet av Os soga, sida 403 – 433, og me syner til det som er nemnt der.  Etter at det var skrive hev prost Saure teke avskil, og det er kome ein ny prest i Osbygdi. 

Gunnar Eivindson Flåtten, f. Ramnes i Vestfold 1888, vart sokneprest i Os i 1934.  Han hadde fyrr vore prest i Sokndal i Rogaland og tidlegare i Etne og i Herefoss, AustAgder.  G. 1918 Anna Frants dtr. Åneland frå Netland i Vest-Agder, f. 1894.  Born: Øyvind, f. 1919, student.  Fosterson: Einar, f. 1923.  Flåtten hev vore formann i Bergens krins av Det norske missjonsselskap og likeins for dei kristelege ungdomsforeninger i krinsen.  Han er no formann i Os skulestyre. 

Me skal no stutt nemna nokre av dei som hev arbeidt på garden gjenom tidene.  Me veit lite um storparten av dei, men då fleire hadde eller kom i ættesamband med osingane, nemner me dei likevel.  Kannhenda vil ein i framtidi firma meir um sume av dei. 

Oddgeir på Ous var brukar og lagde skatt for prestegarden i 1519.  Me veit ikkje visst kven som var prest i Os på dei tider, og kannhenda var Oddgeir sjølve presten. 

Nils i Os var gardstyrar eller paktar i 1670 – 1680 åri.  Kona som heitte Mari Johannes dtr. døydde ikr. 80 år gamali i 1696.  Ei Brita Os, som stod fadder eit par gonger i 1670 åri, var truleg dotter deira. 

Lars i Os, f. ikr. 1655, var styrar eller paktar i åri ikr. 1700.  Han hadde truleg yrket her til 1731, då han døydde.  Ikring 1700 er Ola, Nils og Anders i Os ogso nemnde, men dei var truleg berre drengjer på prestegarden. 

Nils Johanson var paktar i 1750 – 60 åri.  Kona heitte Sesilia Ols dtr.  Dei fekk ei dotter i 1753, men ho døydde alt same året. 

Hans Monsson vart paktar ikr. 1780.  Kona heitte Kristi Hans dtr., og dei fekk ein son, Mons, i 1783.  Dei flutte burt straks etter. 

Lars Larsson vart paktar eller gardstyrar i 1785, men var her berre eit par år. 

Mons Sjurson vart paktar etter Lars.  Kona heitte Eli Ols dtr.  Dei fekk 3 born, Ola, f. 1793, Sjur, f. 1795, og ein gut som døydde ung.  Mons flutte frå bygdi i 1798. 

Um dei nemnde paktarane var frå Os eller andre bygder, veit me ikkje. 

Ola Johannesson, f. ikr. 1743, vart styrar på prestegarden i 1798.  G. ikr. 1770 Brita Knuts dtr., f. ikr. 1746.  Born: Anna f. ikr. 1775, g. 1812 Johannes Spansteig, s. S. 1, Brita, f. ikr. 1777, g. 1801 Ludvig Olson Lyssand, Johannes, f. ikr. 1788, Ola, f. ikr. 1792, Kari, f. ikr. 1794, g. 1828 Anders Olson Øvredal, s. Hauge 4, Magdela f. ikr. 1797, g. 1820 Peder ytre Haugland, s. Skogen 2.  Alle borni, med undantak av yngste dotteri, var fødde fyrr dei kom til Os.  Kvar Ola og kona var frå, og kvar dei var busette fyrr dei kom til Os, veit me ikkje.  Ikr. 1816 flutte dei frå Osbygdi att. 

Amund Vermundson (Gjersvik frå Tysnes) vart arbeidar på prestegarden ikr. 1806 og fekk det året ein son, Lars.  Han var gift med ei som heitte Brita Lars dtr: (Grimsland)  Dei flutte frå bygdi ikr. 1810.  ( reiste han attende til Tysnes og busettes seg på plassen Leiro under Hummelvik.  Forutan sonen Lars, f. i Os 1806 fekk han 6 borrn)

Jon Olson fekk yrket etter Amund.  Kona heitte Brita Ols dtr., og i 1811 fekk dei ein son, Nils Paulus.  Korlenge Jon var i Osbygdi, veit me ikkje. 

Hans Nilsson vart paktar på garden i 1816.  Kven kona var, veit me ikkje.  Born: Klaus, f. 1816, bakar i Bergen, g. I 1840 Dortea Maria Andersen, g. II 1842 Maria Absalons dtr., g. III 1863 e. Susanna Dahl, f. Tollefsen, Nils, f. 1817, bakar i Bergen, g. 1846 Berta Mons dtr. (far: ferjemann Mons Ågesen).  Hans flutte frå Os ikr. 1820. 

Knut Sjurson vart paktar etter Hans.  Kona heitte Ranveig Lars dtr., og dei fekk ei dotter, i 1825.  Året etter flutte dei frå bygdi. 

Bagge Johannesson Lyssand, f. 1798, vart paktar i 1827.  G. 1826 Gjertrud Johannes dtr. Klosteret (Lysekloster), f. 1793.  I 1828 flutte han til Molda og sidan til Klyva, s. K. 1, der ein finn meir um han og huslyden hans. 

Ola Olson Spansteigen vart paktar etter Bagge.  Kona heitte Anna Johannes dtr., og i 1836 fekk dei ei dotter, Olina.  I 1836 flutte dei frå bygdi. 

Steffen Olson vart paktar i 1836 og hadde yrket til 1845.  Han var gift med ei som heitte Kari Anders dtr. og fekk ein son, Ola, i 1837.  I 1845 flutte dei frå Os. 

Dei nemnde paktarar var, med undantak av Bagge, truleg framande folk.  Kvar dei kom frå og kvar dei reiste hen, veit me ikkje. 

Ivar Olson Sivlesøy frå Vossestrand vart paktar i 1845.  Same året vart han gift med Sesilia Nils dtr. Hegg frå Vossestrand og fekk ei dotter, Anna, året etter.  Ikr. 1850 flutte dei frå Osbygdi. 

Jon Nilsson Dale frå Fusa, f. ikr. 1822, vart paktar etter Ivar.  I 1854 flutte han til Kilen under Berge, s. B. 4, der ein finn meir um han og huslyden hans. 

Eivind Eivindson Skaatun frå Strandvik, f. ikr. 1822, som fyrr hadde vore brukar på Lyssand, s. L. 4, vart paktar her i 1854.  I 1864 flutte han til Kalvetræ ved Lysekloster.  Sjå um han og huslyden hans der. 

Lars Jakobson Sveen (Os), f. 1834, vart paktar då Eivind flutte.  I 1877 festa han eit bruk på prestegarden, s. br. 9, der ein finn meir um han. 

Svein Larsson Lundetræ var paktar her i 1880 åri.  Sjå om han Søfteland 12. 

Nils Henne frå Fana vart paktar etter Svein, og hadde yrket nokre år.  Han flutte so til Bergen. 

Erik Haldorson Jordal frå Årstad, f. p. Mjelde i Haus 1852, pakta prestegarden i 1901.  G. 1881 Elvina Rasmus dtr. Reistad frå Samnanger.  Born: Haldor Martin, f. 1882, arbeidsformann, g. 1907 Anna Anders dtr. Hagen frå Kaupanger i Sogn, b. Bergen, Magdalena Maria, f. 1884, hushjelp, b. Laksevåg, Malena, f. 1885, hushjelp, b. Bergen, Rasmus Olai, f. 1888, lokomotivpussar, g. 1912 Anna Endresen, b. Bergen, Martinus, f. 1891, g. 1921 Agnes Helgesen, s. Osøyri 4, Einar Emil, f. 1900, sjømann, g. 1939 Hanna Elias dtr. Norheim frå Solund, b. Bergen.  Erik slutta med paktingi i 1913 og reiste til Bergen, der han døydde i 1928. 

Frithjof Johan Johannesson Henne frå Fana, f. i Bergen 1877, var gardstyrar nokre år.  Han vart gift i 1931 med Petra Paulina Haldors dtr. Aspevik frå Fusa, f. 1898, og er busett på Aspevik i Fusa. 

Jakob Fagertun, s. Kuven 19, og Hans Lyssand, s. L. 1, pakta prestegarden nokre år kvar, men var ikkje busette på prestegarden. 

Johan Koldevin Jakobsen frå Hadsel i Nordland, f. 1911, pakta prestegarden i 1930.  G. 1933 Maria Andreas dtr. Os, f. 1911.  Born: Leif, f. 1934.  Johan slutta med paktingi i 1935. 

Peder Sunde frå Kvinnherad, f. 1906, vart paktar i 1935 og hev yrket no.  G. 1936 Marta Furhovde frå Varaldsøy, f. 1911.  Born: Herborg, f. 1937, Margreta, f. 1938.  Peder hadde fyrr vore assistent i Os kontrollag. 

OS 2 (Sveen). 

Nils Pederson Øvreide, f. 1769, bygde og busette seg her i 1806.  Han hadde fyrr vore busett i Lundetræ, s. Lunden 3, og då han flutte derfrå tok han huset med seg.  Han bar sjølv hustimberet frå Lundetræ til Sveen.  G. I 1800 Magdela Lars dtr. indre Tuen, f. 1757, d. 1814, g. II 1816 Kristi Ols dtr. Skogen, f. 1766.  Nils hadde ikkje born.  Han døydde alt i 1818. 
Ekkja Kristi Ols dtr. hadde so bruket nokre år. 

Svein Larsson Øvreide, f. 1790, vart i 1821 gift med ekkja Kristi Ols dtr. og fekk festa bruket.  Svein var arbeidar på prestegarden og dreiv fiske attåt.  Han døydde alt i 1834 medan kona livde til 1848. 

Jakob Nilsson Ferstad, f. 1800, festa bruket då Svein døydde.  G. 1834 Anna Margreta Lars dtr. Halhjem, f. 1810.  Born: Lars, f. 1834, s. br. 9, Kari, f. 1835, g. b. Bergen, Ingjerd Gurina, f. 1842, s. n.  Ei gjenta døydde tidleg.  Jakob dreiv med sjøen og var ogso i arbeid på prestegarden.  Han døydde i 1874. 
Ekkja Anna Margreta Lars dtr. hadde bruket nokre år etter at mannen fall frå.  Ho døydde i 1886. 

Jørgen Jonson Skard frå Samnanger, f. 1844, vart i 1867 gift med Ingjerd Gurina Jakobs dtr. Sveen, f. 1842, og festa bruket etter vermori i 1884.  I 1895 fekk han kjøpa bruket som året fyrr var serskilt skyldsett.  Born: Jakob, f. 1868, s. n., Jonas, f. 1870, målar, d. 1890.  Ei gjenta døydde ung. Jørgen var snikkar og trearbeidar.  Han døydde i 1911 og kona i 1908. 

Jakob Jørgenson Sveen, f. 1868, fekk bruket etter faren.  G. 1890 Marta Hans dtr. Totland frå Samnanger (syskenborn), f. 1870.  Born: Jonas, f. 1891, maskinist, g. 1911 Johanna Annanias dtr. indre Moberg, b. Bergen, Jakob, f. 1892, d. 1919, Jørgen, f. 1894, skofabrikkstyrar, g. 1917 Ingeborg Hans dtr. Eide, b. Bergen, Gudrun, f. 1902, d. 1919, Anna, f. 1909, s. n., Margit, f. 1910, hushjelp.  6 born døydde unge.  Jakob hev vore konduktør på Osbanen og hadde, då han tok avskil i 1934, vore tilsett ved banen i 35 år.  

Anders Knutson Kyte frå Voss, f. 1892, vart i 1929 gift med Anna Jakobs dtr. Sveen, f. 1909, og skøytte bruket etter verfaren i 1939.  Han er eigar no. 

OS 3 (Børtingen). 

Lars Larsson Håvikvågen frå Strandvik, f. 1767, festa eit utmarkstykke av prestegarden ikr. 1815.  Plassen vart kalla Børtingen.  Lars var gift fyrr han kom til Os med ei som heitte Ingeborg Nils dtr., f. ikr. 1780.  Kvar Ingeborg var frå er uvisst, men ho var truleg ein stad frå Strandvik.  Born: Kristina, f. 1821, Jon, f. 1822, g. b. Bergen.  Lars dreiv fiske og anna arbeid.  Han sat sverande smått i det, og då han fall frå, fanns det ikkje ein einaste ting å skifta etter han.  Han døydde i 1841. 
Ekkja Ingeborg Nils dtr. hadde so bruket nokre år. 

Nils Andersson Nordstrønen, f. 1819, festa bruket i 1845 etter Ingeborg som då flutte burt.  G. 1845 Kristina Jens dtr., f. i Sund 1822, som var dotter åt Jens Kristensen i Bergen.  Born: Anna f. 1860, d. ug., Olina, f. 1865, d. ug., Nilsina, f. 1866, d. ug.  Nils var i arbeid på prestegarden og dreiv fiske attåt.  Han døydde i 1889.  
Ekkja hadde bruket ei tid, men det fall so attende til prestegarden og vart seinare brukt saman med Utgjerdet, s. br. 5. 

OS 4 (Grindbakken, nedre Osgrind). 

Ola Kåreson Haugarvoll frå Hålandsdalen, f. 1754, som fyrr hadde havt eit bruk på Kuven, s. K. 3, flutte hertil i 1817 og busette seg her.  Han festa då eit stykke av Kuven og seinare eit lite stykke av prestegarden.  Skiftet millom desse tvo gardane gjekk over «Drabakken», og uppe på bakken stod ei grind i skiftegjerdet millom gardane.  Ola sette upp huset sitt attmed grindi, og det nye bruket fekk namn etter det.  Storparten av bruket var festa frå Kuven, men då Ola ogso hadde litt av prestegardsjordi, vart bruket seinare rekna som høyrande til prestegarden.  Ola var gift 1792 med Kari Nils dtr. Øyjordi frå Hålandsdalen, f. 1767.  Sjå elles um huslyden hans under Kuven 3.  Ola døydde her i 1829 og kona i 1838. 

Kåre Olson Os, f. p. Kuven 1800, festa bruket etter faren ikr. 1825.  G. I 1823 Gunvor Ols dtr. Dalland frå Strandvik, f. 1791, d. 1829, g. II 1829 Metta Ols dtr. Håland frå Fusa, f. 1802.  Av 11 born døydde 7 i ung alder.  Dei som vaks upp var: Olina, f. 1828, d. ug. 1900, Ola, f. 1832, g. 1855 Ingeborg Engjels dtr. Haugland frå Fana, Bertel, f. 1838, s. n., Anna, f. 1843, g. 1865 Hans Nilsson indre Haugland.  Kåre dreiv med fiske og gjekk i anna arbeid.  Han døydde i 1860. 
Ekkja Metta Ols dtr. hadde so bruket i mange år.  Ho døydde i 1871. 

Bertel Kåreson Os, f. 1838, vart brukar etter mori og festa bruket i 1884.  I 1896 vart bruket serskilt skyldsett og året etter fekk Bertel kjøpa det.  G. 1867 Marta Ols dtr. Lunden, f. 1842.  Born: Kåre, f. 1867, g. 1889 Anna Rognaldsvåg, s. Osøyri 20, Karl, f. 1870, Maria, f. 1872, g. 1896 bygningsmann Johannes Johannesson Forstrønen, b. Bergen, Brita, f. 1873, g. 1897 skomakar Nils Jenssen, Fanahamaren, b. Osøyri, (born: Bertel, f. 1898, s. Nordstrønen 2, Nilsina, f. 1899, strikkerske, b. Osøyri), Hans, f. 1875, g. 1915 Birgit Stølsvik, s. Hetleflåten 3, Marta, f. 1877, g. 1898 Lars Kuven, s. K. 4, Engjel, f. 1879, skipsbyggjar, g. II 1911 Aletta Olais dtr. Leikvoll frå Austrheim, b. Bergen, Nils, f. 1882, dampbåtsekspeditør på Osøyri, Andreas, f. 1885, s. n.  Bertel var ekspeditør for dampbåtane, s. O. B. I 664.  Han døydde i 1914 og kona i 1925. 

Andreas Bertelson Os, f. 1885, skøytte farsbruket i 1913.  G. 1910 Berta Halvards dtr. Nedreås frå Hamre, f. 1882.  Born: Maria, f. 1911, g. 1933 paktar Johan Koldevin Jakobsen frå Hadsel, Borghild, f. 1915, hushjelp, Agnes, f. 1917, g. 1936 sjømann Georg Eliasson Sjøbøen (born: Lillian, f. 1936, Myrna, f. 1939), Bertel, f. 1921, trearbeidar.  Andreas var lokommotivmann på Osbanen tildess banedrift stogga og er no vaktmann i trevarefabrikk. 

OS 5 (Utgjerdet) 

Peder Olson Håland frå Fusa, f. 1785, festa eit stykke av prestegarden i 1825 og busette seg her.  G. 1824 Marta Peders dtr. Fusa f. 1791.  Born, Ola, f. 1827, s n., Eli, f. 1832, g. 1874 Nils Nordstrønen, s. N. 8.  Peder var i arbeid på prestegarden og dreiv fiske attåt.  Han døydde i 1840. 
Ekkja Marta Peders dtr. hadde so bruket nokre år.  Ho døydde i 1856. 

Ola Pederson Os, f. 1827, festa bruket i 1846 etter mori.  G. 1846 Ingjerd Johannes dtr. Heggland, f. 1812.  Born: Marta, f. 1847, d. ug. 1873, Pernilla Sesilia, f. 1848, s. br. 10, Johanna, f. 1850, g. 1878 Mons ytre Drange, s. y. D. 1, Eli, f. 1855, d. 1873, Olina, f. 1857, s. n.  Ola døydde av tyfus i 1873, nett etter at dei tvo døtterne hans var døde av same sjukdomen. 
Ekkja Ingjerd Johannes dtr. hadde bruket etter at mannen fall frå.  Ho døydde i 1892.  Versonen Elias Skard, s. br. 10, var busett her ei tid medan Ingjerd hadde bruket. 

Olai Engjelson Rosvoll frå Fusa, f. 1857, festa bruket og flutte hertil då vermori døydde.  Han hadde fyrr vore busett på Solbjørg i Samnanger.  G. 1881 Olina Ols dtr. Os, f. 1857.  Born: Engjel Johan, f. 1884, lokomotivførar, i Arnerika, Karl, f. 1889, skomakar, d. ug. 1913, Serina, f. 1891, g. 1930 Hans ytre Drange, s. y. D. 1, Olaf, f. 1893, fabrikkarbeidar, g. 1913 Brita Mons dtr. Kuventræ, Odd, f. 1897, s. n., Hans, f. 1899, sjauffør, g. Selma Olsen, b. Hop.  2 born døydde unge.  Olai hev vore skomakar.  I 1924 vart bruket hans serskilt skyldsett, og han kjøpte det då for 4300 kroner. 
Olai hev vore med i soknerådet og er medhjelpar i Oskyrkja. 

Odd Olaison Rosvoll, f. 1897, vart brukar etter faren i 1934.  G. 1923 Olina Rasmussen frå Bergen, f. 1897.  Born: Albert, f. 1923, Jon, f. 1925, Odd, f. 1926, Birger, f. 1928.  Odd hev vore stasjonsbetjent ved Osbanen og er no rekneskapsførar for rutebilselskapet som banen driv.  Han hev havt ymse tillitsyrke i bygdi, hev vore heradsrevisor og var medlem av heradstyret 1932 – 1934.  Etter at krigen tok til hausten 1939 vart han formann i forsyningsnemndi for Os herad. 

OS 6 (Grunkeplass). 

Petter Jakobus Grung frå Bergen, f. p. Sunnmør 1800, festa eit stykke av prestegarden og busette seg her i 1838.  Han kom til Os ikr. 1830, men flutte straks etter til Fusa og var der til 1838.  G. ikr. 1825 Anna Johanna Anders dtr., f. i Fjell 1798.  Born: Hanna Maria, f. 1830, g. b. Bergen, Edvard Johan, f. 1832, b. Bergen, Marta Elisabet, f. 1834, g. b. Tysnes, Andreas, f. 1836, g. 1857 Kari Orrebakken, s. Hauge 4, Marianna, f. 1838, g. b. Bergen, Petter Jakobus, f. 1841, g. b. i Nordland.  Petter dreiv skomakarverksemd på plassen, som fekk namn etter han.  Han døydde i 1881 og kona i 1878. 

Mikkjel Johannesson Fusa, f. 1837, festa bruket i 1881 og flutte hertil.  Han hadde fyrr vore sjømann og hadde bustaden sin på Landboen ved Osøyri, s. O. 6.  G. 1859 Johanna Johannes dtr. Bø, f. p. Øvreide 1831.  Born: Johan, f. 1859, d. ung, Martinus, f. 1862, i Amerika, Ingeborg, f. 1864, g. vognmann Buck, b. Molde, Johanna, f. 1866, g. 1891 i Bergen, b. der, Brita, f. 1869, hushjelp, b. Bergen, Eli, f. 1871, b. Bergen.  Noko av bruket åt Mikkjel var teke til skulejord, då kommunen skipa klokkargard i 1875.  Mikkjel og kona flutte til Molde og vart seinare buande hjå dotteri Ingeborg. 

Jørgen Tomasson Os, som hadde br. 7, fekk no bruket og noko av det vart av sonen seinare skilt ut som eit nytt bruk, s. br. 13. 

OS 7 (Osgrinden). 

Tomas Olson Øvredal, f. 1798, festa ikr. 1840 eit stykke av prestegarden ved sida av br. 4 og busette seg her.  G. 1837 Barbra Jørgens dtr. Skard frå Samnanger, f. 1810.  Born: Kari, f. 1839, d. ug. 1910, Jørgen, f. 1846, s. n., Anders, f. 1849, g. 1869 Berta Floen, s. Kuven 12.  Tomas dreiv fiske o. a.  Han døydde i 1880 og kona i 1876. 

Jørgen Tomasson Os, f. 1846, festa bruket etter faren i 1881.  I 1892 vart bruket serskilt skyldsett, og Jørgen fekk kjøpa det året etter.  G. 1876 Kari Nils dtr. Øvredal, f. 1849.  Born: Barbru, f. 1877, hushjelp, b. Bergen, Nils, f. 1880, s. br. 13, Anna, f. 1882, hushjelp, b. Bergen, Tomas, f. 1885, s. n., Ola, f. 1887, g. 1936 Hanna Haugland, s. indre Moberg 25, Jørgina, f. 1890, hushjelp, b. Bergen.  Jørgen var skomakar og hadde skomakarverkstad på bruket.  Han døydde i 1913 og kona i 1923. 

Tomas Jørgenson Os, f. 1885, skøytte bruket etter faren i 1913 og hev det no.  G. 1915 Olga Kristina Olsen, f. i Bergen 1893.  Born: Jørgen, f. 1916, radioteknikar, b. Oslo, Karsten, f. 1918, fabrikkarbeidar.  Ein gut døydde ung.  Tomas er skomakar likeins som faren. 

OS 8 (Klokkargarden). 

Ola Olson Austestad frå Fusa, f. 1823, som var klokkar i Os, busette seg her i det nye skulehuset, då det vart teke i bruk i 1861.  G. ikr. 1850 Marta Haldors dtr. Vinnes frå

Strandvik, f. 1821.  Born: Olav, f. 1853, snikkar, g. I 1875 Petra Torni Pedersen, g. II Malena Olsen, b. Bergen, Haldor, f. 1856, sjømann.  Sjå um Ola O. B. I 367, 443, 547, 581, 589 – 91, 690 o. fl. st.  I 1882 slutta han som lærar og tok avskil som klokkar året etter.  Han busette seg då på Hauge, der ein finn meir um han, s. H. 7. 

Lars Jonson Birkeland frå Masfjorden overtok lærarposten etter Ola Austestad i 1882 og gjorde ogso tenesta som klokkar.  Han vart fyrste året busett på Lyssand, og flutte inn i klokkargarden til joli 1883.  Andre joledagen same året døydde han og vart gravlagd i heimbygdi. 

Anders Olson Engen, f. i Fjaler 1840, vart lærar og klokkar i Os 1884 og busette seg her.  G. 1864 Olina Ols dtr. Bjordal frå Fjaler, f. 1839.  Born: Olav, 1867, g. 1899 Dagny Nedrebø, s. ytre Haugland 15, Halvdan, f. 1869, skomakar, g. Marta Litlere frå Voss, b. Voss, Borghild, f. 1872, s. Osøyri 34, Sigurd, f. 1874, lærar, d. ug. 1907, Sofia, f. 1876, s. Osøyri 34, Adolf, f. 1881, i Amerika, Petra, f. 1883, g. 1909 handelsmann Rasmus Andersson Teigen frå Selja, b. Nesttun.  4 born døydde unge.  Sjå um Engen. O. B. I 367, 444, 547, 603, 707 o. fl. st.  I 1898 hadde han kjøpt ei tuft av prestegarden, og då han i 1909 tok avskil som lærar og klokkar, busette han seg der, s. Osøyri 34. 

Jakob Karlson Djuvik frå Askøy, f. 1875, vart klokkar i 1909 og flutte inn i klokkargarden etter Engen.  G. 1901 Maria Salomons dtr. Florvåg frå Askøy, f. 1875.  Born: Johanna, f. 1902, g. 1929 disponent Magnus Christensen, b. Bergen, Salmund, f. 1904, sokneprest i Nes og Flå, Hallingdal, Karl, f. 1905, ingeniør, g. 1931 Evy Bergh-Johnsen frå Oslo, i Amerika, Harald, f. 1907, bygningsmann, g. 1939 Jacie Mayer frå Rotterdam, i Amerika, Aslaug, f. 1909, sjukesyster, d. 1937, Øystein, f. 1911, sakførar, Sigurd, f. 1913, lækjar, b. Oslo, Svanhild, f. 1915, lærarinna, b. Sund, Johannes (tvilling), f. 1918, student, Maria, f. 1918, jordmor.  Tvo born døydde unge.  Um Djuvik sjå O. B. I 367, 444 – 45 o. fl. st. 

OS 9 (Osstølen). 

Lars Jakobson Sveen (Os), f. 1834, festa eit utmarkstykke på prestegarden i 1877 og busette seg her.  Stykket vart kalla «Stølen» avdi det hadde vore stølsplass, mjølkeplass, for kjyrne i prestegarden.  So seint som i 1876 mjølka budeigja på prestegarden buskapen sin her um sumaren.  Lars hadde fyrr vore paktar på prestegarden, s. br. 1.  G. 1862 Johanna Eriks dtr. Valle, f. 1836.  Born: Anna, f. 1862, s. n., Jakob, f. 1865, d. ug. 1902, Marta, f. 1868, g. 1888 skreddar Ola Severin Andersson Teige frå Selja, b. Bergen, Larsina, f. 1875, s. n.  I 1894 vart bruket serskilt skyldsett, og same året fekk Lars kjøpa det.  Han og kona døydde begge i 1915. 

Anna Lars dtr. Osstølen, s. n., fekk skøyte på bruket då foreldri døydde, medan alle 3 systerne ihop vart eigarar av husi.  

Larsina Lars dtr. Osstølen, f. 1875, som hadde vore heime på bruket, stelte dette etter at faren var død. 

Bjarne Johannes Halvorsen frå Oslo, f. 1889, vart i 1921 gift med Larsina Lars dtr. Osstølen, f. 1875, og busette seg her.  Han flutte straks etter til eit nytt bruk, s. br. 20, der ein finn meir um han. 

Thorvald Myhre, f. i Laksevåg 1864, overtok so bruket, som kona hans åtte fyrr.  I 1920 og 1923 kjøpte han versysterne sine partar i husi på bruket og vart eigar åleine.  G. I 1900 Anna Lars dtr. Osstølen, f. 1862, d. 1934, g. II 1935 Kari Bø frå Aurland i Sogn, f. 1909.  Born: Thorvald, f. 1935, Henrikka, f. 1937.  Myhre hadde vore hotelleigar og havt Framnes hotell på Vossestrandi fyrr han kom til Os.  Han hev enno bruket her. 

OS 10. 

Elias Jonson Skard frå Samnanger, f. 1852, fekk bygt eit hus på br. 2 og busette seg her.  G. 1875 Pernilla Sesilia Ols dtr. Utgjerdet (Os), f. 1848.  Born: Ola, f. 1875, steinarbeidar, d. ug. 1900, Sigurd, f. 1900, snikkar.  Elias var snikkar og trearbeidar.  I åri fyrr 1890 var han busett i Utgjerdet, s. br. 5.  Elias døydde i 1937 og kona i 1892. 

OS 11 (Holt). 

Johannes Tomasson Hægland, f. 1862, kjøpte i 1902 ein part av prestegarden og bygde her.  Han var busett i Bergen, og dei fyrste åri nytta han eigedomen berre som sumarbustad.  Seinare busette han seg her.  G. I 1890 Karen Margreta Totland frå Gjersvik i Tysnes, f. 1862, d. 1907, g. II 1917 Marta Janson frå Laksevåg, f. 1881.  Born: Betty, f. 1892, g. 1915 skipsreidar Eyolf Berg Olsen, s. Ferstad 11, Tomas, f. 1895, g. 1923 Gerd Åmot, i Amerika, Gudrun, f. 1898, g. konsul Tolman, b. og d. Finnland.  Johannes var major i heren.  Sjå meir um han O. B. I 70.  I 1929 flutte han til Oslo, der han døydde i 1939.  

Ingvald Midtgård frå Måløy, f. 1897, hev ei tid vore busett på bruket.  G. 1921 Astrid Sjurseth frå Bergen, f. 1898.  Ingvald er handelstyrar på Os forbruksforening, s. Osøyri 5.  Han hadde fyrr vore handelstyrar på Måløy og i Evanger. 

Betty Berg-Olsen, som er dotter åt major Hægland, hev overteke eigedomen i 1940 og bur der no.  Sjå Ferstad 11. 

OS 12 (Kjelhaug). 

Sakførar H. Edv. Nordstrand frå Bergen kjøpte eit jordstykke av br. 4 i 1910.  Han selde att i 1913 utan å ha bygt på bruket. 

Lars Ivarson Tvedt, f. p. Osøyri 1882, kjøpte bruket i 1913 og bygde her.  G. 1911 jordmor Brita Engjels dtr. Særvoll, f. 1876, s. O. B. I 636.  Born: Anna f. 1912, hushjelp.  Lars var smed og verkstadmann på Osbanen og hev no same yrket for banen sine rutebilar.  Han er m. a. medlem av likningsrådet.  Kona døydde i 1922. 

Hans Johannesson Heggland, f. 1897, hev havt bustad på bruket i mange år.  G. 1922 Ida Johannes dtr. Bø, f. 1901.  Born: Anny, f. 1923, syerske, Johannes, f. 1926, Jetmund, f. 1932.  Hans er snikkar og trearbeidar. 

OS 13 (Solhaug). 

Nils Jørgenson Os, f. 1880, fekk i 1917 utskilt eit stykke av broren sitt bruk, s. br. 6 og 7, og skøytte det i 1921.  G. 1909 Johanna Johans dtr. Holm, Osøyri, f. 1881.  Born: Klara, f. 1909, g. 1936 trearbeidar Sjur Engjelson Skåtøy (born: Berit, f. 1939), Ingvald, f. 1911, skomakar.  Nils er skomakar likeins som faren var det, og hev verkstad på bruket. 

OS 14 (Mongheim). 

Los Michael Hansen frå Bergen kjøpte i 1918 eit jordstykke av br. 4 og bygde på bruket.  Han nyttar for det meste eigedomen til sumarbustad.  Dotteri Solveig Mong Hansen fekk skøyte på bruket i 1940 og er eigar no. 

OS 15 (Doktorbustaden). 

Os kommune festa i 1918 den parten av Oshaugen som ligg millom prestegarden og skulehuset og bygde her bustad for den nye distriktslækjaren i Os.  Fritz Arnold Johannesen, f. i Bergen 1885, hev vore busett her sidan 1918.  G. 1914 Signe Brun frå Tønsberg, f. 1889.  Born: Gunnar, f. 1915, kontormann, Carl Fredrik, f. 1918, sjømann, Annie Cathrine, f. 1921, kontordame.  Johannesen var kommunelækjar i Os 1915 – 1920 og hev seinare vore distriktslækjar her.  Sjå meir um han O. B. I 635. 

OS 16 (Oshaugen). 

Artur Gjertinus Olsen frå Helgøy, Fagerfjord i Troms, festa eit stykke av prestegarden i 1920 og bygde her.  G. 1917 Maria Anders dtr. indre Lekven, f. 1887.  Fosterdotter: Ingrid Ingebrigts dtr. Lekven, f. 1914.  Artur er murar og steinarbeidar. 

OS 17 (Oshaugen). 

Jonas Engjelson Moberg, f. 1892, festa i 1921 eit stykke av prestegarden og busette seg her.  G. 1916 Nilsina Nils dtr. Klyva, f. 1893.  Born: Engjel, f. 1917, handelsdreng, Nils, f. 1922.  Jonas var gravar og kyrkjetenar og hadde ogso pedellarbeidet ved Os skule.  Han hadde fyrr vore trearbeidar og styrar av Os bad.  Jonas døydde alt i 1927. 
Ekkja Nilsina Nils dtr. hev stjorna bruket etter at mannen døydde.  Ho hev framleis pedellarbeidet ved Os skule og reinhaldet i Oskyrkja. 

OS 18 (Kalhagen). 

Olav Andreasson Nøss frå Kolvereid i Namdalen, f. 1889, festa i 1923 ein part av br. 1 og bygde på bruket.  G. 1911 Teodora Johnsen, f. p. Osøyri 1891.  Born: Øystein, f. 1912, trearbeidar, Alfred, f. 1914, trearbeidar, g. 1940, Elsa, f. 1915, g. 1940 trearbeidar Leonard Larsson Leirvåg, Leif, f. 1918, trearbeidar, Odd, f. 1919, røyrleggjar, Aslaug, f. 1923, Gunvor, f, 1924.  Olav var ei tid i Amerika og er no røyrleggjar. 

OS 19 (Flaterås). 

Helge Nilsson Gjeitarøy (Lepsøy), f. 1874, kjøpte i 1923 eit utmarkstykke av Os prestegard og busette seg her.  Han hadde fyrr havt farsbruket sitt på Gjeitarøy, s. Lepsøy 11, der ein finn meir um han og huslyden hans.  Etter at han kom hertil, var han ei tid vegvaktar og driv no lastebil-kjøring. 

Karl Helgeson Flaterås, f. 1899, hev vore busett på bruket hjå faren.  G. 1932 Sigrid Peders dtr. Brekke frå Sogn, f. 1897.  Born: Hilmar, f. 1936, Astrid, f. 1937.  Karl hev lastebil og driv med gruskjøring o. a. 

Nikolai Helgeson Flaterås, f. 1903, hev ogso vore busett hjå faren.  G. 1929 Arntina Elias dtr. Ambla frå Sogn, f. 1903.  Born: Aslaug, f. 1930, Helge, f. 1936.  Nikolai hev vore gardstyrar og driv no med vegarbeid o. a. 

OS 20 (Stølsdalen). 

Bjarne Johannes Halvorsen frå Oslo, f. 1889, fekk i 1923 utskilt ei tuft av verbroren sitt bruk, s. br. 9, og busette seg her.  Sjå um han under br. 9.  Bjarne hadde vore jarnstøypar og steinarbeidar.  Han vart ikkje lenge buande her.  Ein dag um hausten 1925 brann husi på bruket upp, og Bjarne og kona flutte til Oslo, der dei sidan vart buande.  Det vart ikkje bygt hus upp att på tufti og ho fall attende til hovudbruket. 

OS 21 (Gamleheimen). 

Os kommune festa i 1927 ein part av br. 1 og bygde gamleheim her i 1931.  Styrarinnor på heimen hev vore Rannveig Hopland 1931 – 1933, Marta Gihle 1933 – 1936, og seinare Olga Iversen.  Sjå um gamleheimen O. B. I 649 

OS 22 (Oshaugen). 

Brynjulf Johannessen Hop frå Askøy, f. 1893, festa i 1928 eit jordstykke i Oshaugen av br. 1, der han busette seg.  G. 1918 Elen Johnsen, f. p. Osøyri 1896.  Born: Gjertrud, f. 1919, hushjelp, Trond, f. 1921, lagergut, Eli, f. 1923, Herborg, f. 1928.  Brynjulf er snikkar og trearbeidar. 

OS 23 (Oshaugen). 

Andreas Henrikson Lyssand, f. 1894, festa i 1933 ei tuft av br. 15 og bygde her.  G. 1920 Hilda Olsen, Osøyri, f. p. Vik i Helgeland 1897.  Born: Margrete, f. 1921, Henning, f. 1923, Magnus, f. 1925.  Andreas var fyrst bankmann i Bergen, men hev sidan 1918 vore heradskasserar, kassastyrar for ljosverket og forretningsførar for trygdekassen i Os.  Han var ei tid med i bygningsrådet o. a. og hev vore brandsjef for brandvernet på Osøyri. 

OS 24 (Oshaugen). 

Harald Karlson Andreassen frå Laksevåg, f. i Halden 1894, festa i 1935 ei tuft av br. 1 i Oshaugen, der han bygde og busette seg.  G. 1918 Maria Nils dtr. Søvik, f. 1895.  Born: Hildeborg, f. 1918, butikkgjenta.  Harald vart tilsett ved Osbanen i 1919 og er no sjauffør på banen sine rutebilar. 

OS 25 (Oshaugen). 

Nils Kristianson Drange, f. 1894, festa ei tuft av prestegarden i 1936 og bygde her.  G. 1923 Dina Haldors dtr. Søvik, f. 1899.  Born: Ellinor, f. 1924, Håkon, f. 1929, f. 1935.  Nils hev vore bøkkar og var fyrr busett i Sørøyane.  Han er no trearbeidar. 

Rolf Dahl frå Stord, f. 1905, hev dei siste åri havt bustad her.  G. 1937 Sigrid Hverven frå Rakkestad i Austfold, f. 1912.  Rolf er fullmekt hjå lensmannen i Os. 

OS 26. 

Kristoffer Tormundson Drange, f. 1885, som fyrr hadde vore busett på Søfteland, festa ei tuft på prestegarden og flutte hertil i 1936.  Sjå um han og huslyden hans under Søfteland 33. 

OS 27 (Oshaugen). 

Magnus Torbjørnson Solberg frå Samnanger, f. p. Solbjørg 1905, festa i 1936 ei tuft av br. 1 og busette seg her.  G. 1932 Laura Rasmus dtr. Holmås frå Lindås, f. 1902.  Born: Lillian Målfrid, f. 1933, Karsten, f. 1934, Tordis, f. 1936, Magne, f. 1938, Leidulf, f. 1940.  Magnus er trearbeidar. 

OS 28 (Oshaugen). 

Anders Olson Orrebakken (Hauge), f. 1910, festa ei tuft av prestegarden i 1936 og vil byggja her.  Anders er fabrikkarbeidar. 

OS 29 (Oshaugen). 

Einar Eilefson Lund, f. 1913, festa ei tuft av br. 1 i 1936 for å byggja og busetja seg på tufti.  Einar er snikkar og trearbeidar. 

OS 30 (Oshaugen). 

Hans Kristofferson Kårdal frå Lindås, f. 1881, festa i 1937 ei tuft i Oshaugen og busette seg her.  Han hadde fyrr vore busett på Osøyri.  G. I 1901 Elisa Hans dtr. Bergemoen frå Nord-Odal, f. 1868, d. 1929, g. II 1930 Anna Nils dtr. Bogstrand frå Fusa, f. 1895.  Born: Henny, f. 1931, Marta, f. 1933, Emilie, f. 1937.  Hans er arbeidsformann på hermetikkfabrikken Bergen Packing Co. på Osøyri. 

OS 31 (Oshaugen). 

Ludvig Olavson Haugen frå Herøy i Møre, f. 1898, festa ei tuft av prestegarden i 1937 og bygde her.  Han hadde fyrr vore busett på ytre Moberg.  G. 1923 Karen Sigvalds dtr. Sævik frå Herøy, f 1900.  Born: Sigmund, f. 1924, Leif, f. 1926, Åsta, f. 1927, Valborg, f. 1930, Kjell, f. 1933, Marit, f. 1937.  Ludvig er snikkar og trearbeidar.  Han hev havt ymse kommunale tillitsyrke, er m. a. med i bygningsrådet og arbeidsnemndi for småbrukbanken, og hev vore medlem av heradstyret sidan 1935.  I bolken 1938 – 40 var han varaordførar i Os. 

OS 32 (Oshaugen).  

Anton Ingebrigtson Haugland frå Askøy, f. 1905, festa ei tuft av br. 1 og bygde her i 1937.  G. I 1931 Marta Rasmus dtr. Bahus frå Fana, f. 1911, d. 1933, g. II 1935 Lisa Tomas dtr. Øvreide, f. 1911.  Born: Torvald, f. 1935, Egil, f. 1937, Arne, f. 1939.  Anton er trearbeidar og hadde fyrr han kom til Os vore sjømann i utanriks fart. 

OS 33 (Oshaugen). 

Hans Olson Lundetræ (Lunden), f. 1901, festa i 1937 ei tuft av prestegarden og tok bustad her.  G. 1933 Maria Johannes dtr. Bøtræ (Bø), f. 1905.  Born: Ingebjørg, f. 1934, Steinar, f. 1935, Olav, f. 1937.  Hans er murar og steinarbeidar.  Han hev vore med i småbrukbanken si arbeidsnemnd og andre nemnder. 

OS 34. 

Daniel Steffenson Grindevoll, f. 1886, festa i 1937 eit stykke av prestegarden nær Oselvi og busette seg her.  Han hadde fyrr vore busett i Os skulehus.  G. 1913 Signy Erichsen, Kuven, f. 1886.  Born: Hjørdis, f. 1914, veverske.  Daniel er lærar i Oskrinsen og organist ved Oskyrkja, s. O. B. I 368.  Han hev havt mange kommunale tillitsyrke, hev vore heradsrevisor i mange åi, formann i likningsrådet o. a., og var med i heradstyret 1920 – 22 og 1926 – 31.  Signy Grindevoll er medlem av helserådet og ymse nemnder, hev vore formann i styret for Os gamleheim og er framleis formann i Os sanitetslag.  

OS 35 (Oshaugen). 

Lars Tomasson Øvreide, f. 1914, bygde og busette seg på ei tuft av prestegarden som han festa i 1937.  G. 1937 Magnhild Karls dtr. Bakervik (Nordvik) frå Fana, f. 1915.  Born: Gerd, f. 1939.  Lars er snikkar og trearbeidar. 

OS 36 (Oshaugen). 

Einar Hansson Bogstrand frå Fusa, f. 1900, festa i 1938 ei tuft i Oshaugen og bygde her.  G. 1927 Kari Johans dtr. Midtsæter, f. 1907.  Born: Haldis, f. 1928, Kari, f. 1931, Johan, f. 1939.  Einar er snikkar og arbeidar i skifabrikk. 

OS 37 (Oshaugen). 

Konrad Rasmusson Askeland frå Sæbø, f. 1911, festa ei tuft av br. 1 og bygde her i 1938.  Han er snikkar og trearbeidar. 

OS 38 (Eikeli). 

Gustav Eilefson Lund, f. 1911, bygde og busette seg på ei tuft som han festa av prestegarden i 1938.  G. 1939 Ruth Reinholdts dtr. Østrem, f. 1915.  Born: Eilef Rolf, f. 1940.  Gustav er snikkar og driv ein liten trevarefabrikk på eigedomen. 

OS 39 (Oshaugen). 

Peder Lasseson Vangsnes frå Balestrand i Sogn, f. 1893, festa ei tuft av br. 1 i 1938 og bygde på tufti.  G. 1923 Gudrun Johnsen, f. p. Osøyri 1901.  Born: Leiv Johannes, f. 1924, Trygve, f. 1925, Ellen, f. 1928, Audun, f. 1933.  Peder hev vore handelsdreng og handelsstyrar og er no agent. 

OS 40 (Myhrtun). 

Kaia Myhre, f. p. Laksevåg 1867, kjøpte i 1939 ei tuft av br. 8 og bygde her.  Kaia er privat praktiserande lækjar og hev fyrr vore busett i Fana.  Ho driv no lækjarpraksis på den nye bustaden sin i Os.