LUNDEN

Frå OS SOGA III side 498 – 509

59. LUNDEN. 

Lunden hev likeins som Lunde fenge namnet sitt av lund, ein liten skog, som truleg låg her då garden vart rydja og bygd.  Namnet her hev ikkje noko med dei heilage lundar å gjera. 

Uttale: Lo’n.  
Skrivemåtar: Lundt (1605), Ludth (1610) Lunde, Lund (1621), Luund, Lunden (1632), Londen. 

Garden ligg austanfyre Oselvi i sørhallet ved enden av Borgefjellet.  Garden er uppteken frå Borgen ikr. 1600, og var likeins som Borgen Lyseklostergard til bygslemennene kjøpte i 1870 åri. 

Or gamle matriklar og teljingar

1668: Saar 2 stadtztønder, afler 8 ½ tdr., ligger under it laxekar huor af seerdeliss giffues til ombutzmanden 2 Rdr., knap hagge, ringe brendeued til gaarden, tilsagt at plante homblehagge.  
1723: Ingen sætter, ei heller anden skoug end lidt brendefang, ingen qvern eller fiskerie saasom det for hen antegnede laxevarpe for mange aar siden er øde og uddød, middelmaadig jordart og skiels letvinden.  Haver ingen næring uden af deres gaards aufl.  
1865: Har 11 maal dyrket ager og eng, deraf 3 maal godt, 3 middels og 5 slet har 70 maal naturlig england, hvoraf 12 maal godt, 39 middels og 19 slet, 2 maal england er dyrkbart.  Har ikke skog, 1 ko og 3 ungnød fødes ved lyng, er letbrugt og almindelig drevet.  Svarer havneleie til Formann 32 skilling, en elv foraarsager tildels skade. 

Busetnad og buskap. 

	Hus-	Menne-	Hes-	Stor-	Sma-	Gjei-	Svin.	Utsåd		Utsåd
	lydar.	skje.	tar.	fe.	ler.	ter.		korn.		poteter.
1657	1		1	3	1	2
1668	1			5				2	tun
1723	2		2	13	8			3,5	»
1800	2	7
1835	5	24	1	10	18	6	1	5	»	4	tun.
1865	5	32	3	17	35	8	1	7,3	tun.	11	tun.
1900	6	30	1	15	24		3	1,5	hl.	15,5	hl.
1920	7	38	2	14	24		4	7,5	mål	4	mål
1930	8	33	2	13	41	1	5	5	»	6	»
1939			2	15	19		3	2,5	»	3,5	»

LUNDEN 1. 

Johannes Lunden var brukar her i 1605 og er truleg fyrste mann på Lunden.  Kvar han var frå, veit me ikkje.  I 1611 måtte han saman med andre osingar fara til Svinesund for å vera med i ufreden ved svenskegrensa.  Han var tvo gonger gift, men me kjenner berre namnet på siste kona hans, som heitte Kari.  Av borni kjenner me tvo: Brita, f. ikr. 1642, s. n., Mari, f. ikr. 1646, d. ug. 1704.  Johannes sat etter måten godt i det for ein rudningsmann å vera.  Han hadde garden i over 50 år, radt til han døydde i 1658. 
Ekkja Kari Lunden hadde so bruket eit par år. 

Nils Erikson, f. ikr. 1626, vart i 1660 gift med Brita Johannes dtr. Lunden, f. ikr. 1642, og bygsla bruket etter vermori.  Kvar Nils var frå er noko uvisst, men truleg var han yngste son åt Erik Gjemdal.  Born: Erik, f. 1661, s. n., Johannes, f. 1662, s. n., Anders, f. 1664, ug., Mons, f. 1672, Endre, f. 1674, ug., Gjertrud, f. 1680, g. 1703 Ola Andersson Gangstø i Fusa, Kari, f. 1684.  Ragnhild Lunden, s. br. 2, var tvillaust ogso dotter hans.  Nils sat ikkje so lett i det som fyremannen.  Han døydde i 1684. 

Johannes Nilsson Lunden, f. 1662, vart gift ikr. 1680 og skulde truleg ta bruket etter faren.  Kven kona var, veit me ikkje.  Han hadde ein son, Peder, til dåpen i 1682, og det er det siste me høyrer um han.  Um han døydde då eller flutte burt, veit me ikkje. 

Erik Nilsson Lunden, f. 1661, bygsla bruket då faren døydde i 1684.  Han vart då gift med ei som heitte Marta, f. ikr. 1656.  Me kjenner ikkje heimstaden hennar.  Dei fekk ein son, Nils, i 1688.  Erik døydde alt ikr. 1690. 

Ola Hansson Lønningdal, f. ikr. 1644, vart ikr. 1690 gift med ekkja Marta Lunden og bygsla bruket.  Dei fekk ikkje born.  Ola hadde fyrr havt eit bruk på Midthus, s. M. 1, og vore gift med ei som heitte Mari.  Me kjenner desse borni frå fyrste giftarmålet hans: Brita, f. 1669, Dordi, f. 1676, Hans, f. 1679, s. n., Sesilia, f. 1681.  Millom borni var ogso mannen eller kona på br. 2, s. d.  Ola dreiv fiske, men sat tungt i det.  Han døydde i 1714 og Marta i 1713. 

Hans Olson Lunden, f. 1679, bygsla halve Lunden etter faren i 1705.  Den andre halvparten vart skild ut som eit nytt bruk, s. br. 2.  Hans hadde elles i fleire år vore brukar saman med faren fyrr han bygsla.  G. I 1702 Marta Lars dtr., som tente i huset, men som ikkje var frå Os, g II 1714 Kari Ols dtr. Engevik.  Born: Ola, f. 1718, g. 1741 Marta ytre Haugland, s. Tømmernes 1.  Ein gut døydde tidleg.  Hans og grannen fann perlor i «Stongavad», nokre hølar i Oselvi nordanfyre Lundetræ, og då Else Deberg fiska perlor uløyves i elvi, s. O. B. I 436, var dei vitne i saki.  Hans greidde seg ikkje på Lunden, og i 1728 flutte han frå bruket.  Kvar det vart av han, veit me ikkje. 

Sjur Haldorson Dalland frå Strandvik, f. p. Uglehus ikr. 1690, bygsla bruket då Hans flutte burt.  G. 1725 Kari Ivars dtr. Bø, f. 1692.  Born: Ivar, f. 1730, stod i hertenesta i 1760 åri men vart som «udygtig» flutt over til «reserven», Ragnhild, f. 1733, Jon, f. 1737.  I 1735 bytte Sjur bruk med verbroren Bård Bø soleis, at Bård kom til Lunden og Sjur tok bruket på Bø, s. Bø 5.  I 1744 flutte Sjur med huslyden sin til Bergen, og me finn ingen av borni att i Osbygdi. 

Bård Ivarson Bø, f. 1700, flutte frå Bø og tok mot bruket her, då han bytte bruk med Sjur i 1735.  G. I 1722 Kari Asbjørns dtr. Borgen, f. 1696, d. 1733, g. II 1734 Mari Nils dtr. Rosvoll, f. ikr. 1700.  I 1744 let Bård bruket frå seg og flutte til Rosvoll i Fusa, der kona hans var frå.  Han kom seinare attende til Os og busette seg på ytre Moberg.  Sjå meir um han og huslyden hans under Bø 5 og ytre Moberg 5. 

Hans Larsson Borgen, f. 1720, bygsla bruket i 1745.  G. 1745 Anna Ols dtr. Valle, f. 1718.  Born: Brita, f. 1746, s. n., Ola, f. 1749, g. 1777 Helga Midtsæter, s. M. 1, Kari, f. 1751, g. 1779 Nils Vinnes, s. Lepsøy 3, Eli, f. 1753, g. 1783 Mons Søfteland, s. S. 1, Mari, f. 1757, ug.  Hans dreiv fiske o. a. og streva hardt for å berga seg på bruket.  Han greidde ikkje kvart år å betala bygslepengane, landskyldi, i rett tid, og i 1768 vart han sagt upp av jordeigaren.  Seinare på året fekk han bygsla på nytt, og han slapp flytja frå bruket.  Hans døydde i 1773. 
Då Hans kom til Lunden, var desse husi på bruket hans: Ei liti røykstova med tilbygt skot og eit gamalt sauehus.  Saman med grannen åtte bruket den gamle gardstova med ei lang sval attåt, ei sengebud, eldhus, fjos, løda og vedskytja.  I alle desse husi åtte dette bruket 3 femtepartar.  Ein timbra stall attåt løda og ein timbra kove attåt fjoset åtte bruket åleine. 
Ekkja Anna Ols dtr. hadde bruket eit par år etter at mannen døydde tildess versonen tok mot det.  Det vart truleg ugreida millom henne og versonen, for i slutten av 1780 åri, då Anna var ikr. 70 år gamall, måtte ho vera ute i tenesta for å livja seg.  Ho døydde i 1798. 

Rasmus Johannesson Boga frå Fusa, f. 1735, vart i 1775 gift med Brita Hans dtr. Lunden, f. 1746, og fekk bygsla bruket etter vermori tvo år etter.  Då det andre bruket på garden var falt samstundes, bygsla han ogso dette bruket og hadde då heile Lunden.  Rasmus og Brita fekk 5 born, og av dei vaks 3 upp: Marta, f. 1777, s. n., Hans, f. 1780, vart utskriven til hertenesta i 1808, men fekk skade i ein fot og slapp heimatt, Johannes, f. 1789, g. 1821 e. Marta Anders dtr. Femanger i Strandvik.  Rasmus hadde talefeil og stamma.  Han sat tungt i det og hadde overlag stor skuld, og attåt heldt han husi sine so kleint, at i buet etter han vart storparten av det han åtte teke til husåbod.  Det vart lite og ikkje att til å betala skuld med.  Johan Leganger på Ferstad, som hadde lånt han 36 dalar, tok kausjonisten Ola Midtsæter for sitt krav.  Rasmus hadde laksekar i Oselvi, men fekk lite og ikkje fisk, då Ospresten og mennene på Hauge stengde heile elvi nedanfyre, og i 1785 tok Rasmus dei for retten.  Rasmus er ein av personane i spelstykket frå Os 1795, s. Osøyri 1.  Han døydde i 1803 og kona nokre år etter. 

Ola Nilsson Tveit frå Strandvik, f. 1766, vart i 1799 gift med Marta Rasmus dtr. Lunden, f. 1777, og bygsla bruket året etter.  Elles var han brukar saman med verfaren til han døydde.  I 1805 fekk Ola bygsla heile Lunden, men måtte flytja frå garden att i 1816, då jordeigaren, godseigar Formann, hadde lova Lunden til ein annan.  Ola flutte då til Holen ved Lysekloster, s. H. 1, der ein finn meir um han og huslyden hans. 

Nils Eilefson Halset frå Trøndelag, f. 1787, bygsla bruket då Ola flutte burt.  Han hadde vore snikkar hjå godseigar Formann i Lysekloster og fenge løyve på bygsla her.  G. 1817 Olina Boletta Gundersen, f. 1793, som var dotter åt skreddarmeistar Johan Abraham Gundersen på Lysekloster, s. Søvik 4.  Born: Eilef, f. 1817, s. br. 2, Abraham, f. 1819, s. n., Karen, f. 1823, g. I 1846 Ola Lindås, g. II 1857 Anders Sørstraumen, s. S. 1, Bertel, f. 1826, d. ung, Gunnar,

f. 1829, g. 1851 Olina Ullestad, s. Osøyri 10, Anna, f. 1833, ug., Henrikka, f. 1837, g. 1860 Jan Jakobson Ullestad frå Voss.  Nils døydde alt i 1839. 
Ekkja Olina Boletta Lunden hadde so bruket nokre år. 

Abraham Nilsson Lunden, f. 1819, bygsla farsbruket i 1844.  G. 1845 Paulina Knuts dtr., som var dotter åt Knut Nilsen, Bergen, og uppfostra hjå Nils Nilsson Ulven.  Born: Anna, f. 1845, g. Nils Olson Hovland, i Amerika, Nils, f. 1847, s. n., Boletta, f. 1852, g. 1876 Ola Valle, s. V. 1, Fredrik, f. 1855, g. 1881 Sesilia Skavhellen, s. Heggland 7, Bertel, f. 1858, g. 1883 Henrikka Ferstad, s. Osøyri 29, Henrik, f. 1860, d. 1879, Gunnar, f. 1862, g. 1890 Anna Nordstraumen, s. Osøyri 13.  Ein gut døydde ung.  Abraham var jakteskippar i sine unge dagar og dreiv seinare treskoarbeid attåt gardsbruket.  Han døydde i 1906 og kona i 1910. 

Nils Abrahamson Lunden, f. 1847, kjøpte farsbruket av Lysekloster i 1877 for 1200 kroner og vart brukar her.  G. 1873 Maria Jens dtr. Røttingen, f. 1849.  Born: Lina, f. 1874, s. br. 6, f. 1885, g. 1913 Mons Lyssand, s. L. 4, Abraham, f. 1888, s. n., Jens, f. 1890, g. 1915 Kristina Øvredal, s. Borgen 3, Marta, f. 1893, g. Henrik A. Olsen, b. Bergen, har no bygt hus på Lunden.  4 gutar døydde unge.  Nils var treskoarbeidar likeins som faren.  Han døydde i 1921 og kona i 1934. 

Abraham Nilsson Lunden, f. 1888, skøytte farsbruket i 1907 og hev det no.  G. I 1908 Kristina Peders dtr. Røttingen, f. 1887, d. 1918, g. II 1920 Johanna Knuts dtr. Øvredal, f. 1882.  Born: Ingeborg, f. 1909, g. Ivar Larsen, b. Nor i Solør, Maria, f. 1911, s. br. 8, Normann, f. 1913, steinarbeidar, g. 1936 Malena Mons dtr. Hjelle, Peder, f. 1915, g. 1940 Johanna Håkestad frå Hjelma, Ingrid, f. 1922.  Ein gut døydde ung.  Abraham er murar og steinarbeidar. 

LUNDEN 2. 

Nils Andersson, som tente på Lunden, vart fyrste mann på det nye bruket her, då garden i 1705 vart skift i tvo partar.  Kvar Nils var frå, veit me ikkje.  Han vart gift i 1706 med Ragnhild Nils dtr., som tvillaust var dotter åt Nils Lunden på br. 1.  Born: Anna, f. 1705, Marta, f. 1707, d. ung.  I 1714 flutte Nils med huslyden sin frå Lunden, og me veit ikkje kvar det vart av dei. 

Lars Olson Lunden, f. ikr. 1684, bygsla bruket då Nils flutte.  G. 1715 Barbru Ols dtr. Lunden, f. ikr. 1680.  Ein av dei tvo var frå br. 1 på garden, men um det var mannen eller kona er noko uvisst.  Ymse ting tyder likevel på at Lars var son åt Ola øvre Rød, s. ø. R. 2, og at han tente på Lunden då han vart gift.  Barbru døydde på barseng i 1716, og Lars gifte seg att året etter med Brita Halvards dtr. Holmefjord frå Fusa, f. 1687.  Born: Barbru, f. 1717, ug., Nils, f. 1720, g. 1750 Kari Sanden, s. S. 1, Ola, f. 1723, ug., Halvard, f. 1726, Johannes, f. 1728, g. 1755 Kari ytre Lekven, s. indre Lekven 3.  Lars dreiv fiske og anna yrke, men sat sverande smått i det.  Han døydde i 1733 og kona i 1749. 

Jon Olson Bø, f. 1706, bygsla bruket då Lars døydde.  G. I 1731 Anna Lars dtr., f. ikr. 1691, d. 1738, g. II 1739 Ingeborg Ellings dtr. Samnøy frå Fusa, f. 1704, d. 1752, g. III 1754 Marta Johannes dtr. Sanden, f. 1720.  Born: Lars, f. 1732, g. 1760 Herborg Sundøy, s. Lyssand 6, Gjertrud, f. 1734, g. 1763 Ola Søfteland, s. Askvik 3, Mari, f. 1745, g. 1778 Anders Skjeie, s. Molda 1, Ola, f. 1751, b. Rå i Fana, Johannes, f. 1756, b. Bergen, Ingeborg, f. 1759, g. 1795 Johannes Nordstrønen, s. N. 6.  Tvo born døydde unge.  Jon sat tungt i det likeins som fyremannen.  Han og siste kona hans døydde begge i 1773.  

Jon var busett i den gamle gardstova på tunet, som bruket hans åtte tvo femtepartar av.  Saman med grannen hadde han ogso ei sengebud, eldhus, løda, fjos og vedskytja. Sauehus og hestestall hadde bruket for seg sjølv og dertil eit lite skot attåt sengebudi.  Jon hadde på eigi hand sett upp eit lite hus til kårstova åt seg, men dette fekk han ikkje bruk for. 

Rasmus Johannesson Boga frå Fusa, f. ikr. 1735, bygsla bruket då Jon døydde.  I 1775 bygsla han ogso br. 1 og hadde då heile Lunden.  Sjå um han under br. 1. 

Ola Nilsson Tveit frå Strandvik, som hadde br. 1, fekk ogso bygsla dette bruket etter verfaren.  Sjå um han under br. 1.  I 1814 let han bruket her frå seg og hadde berre br. 1, tildess han flutte frå Lunden. 

Bruket vart no i lang tid drive ved paktarar, då tanken var at bygslemannen på br. 1 eller folket hans ogso skulde få dette bruket når tidi var høveleg. 

Svein Larsson Gjøn frå Hålandsdalen, f. p. Høyhilder 1782, som i mange år hadde tent på Lunden, pakta bruket i 1814.  G. 1814 Metta Hans dtr. Hauge, f. 1785.  Born: Ingeborg, f. 1815, g. 1833 Lars nedre Rød, s. Molda 4, Hans, f. 1817, g. 1858 Marta Borgen, s. B. 1, Lars, f. 1819, s. br. 5, Svein, f. 1822, sjømann, Marta, f. 1825, g. 1860 Mattis Lønningdal, s. Halhjem 10.  Svein var med i ufreden 1808 – 1814 og fekk Dannebrogsmerket for mot og djervleik i striden, s. O. B. I 506.  Han var 65 turnar høg og vart pånytt, då han kom att etter å ha vore fange i Sverik, innskriven som «jæger» istadenfor Jon Lundarvik frå Fusa som var fallen.  Svein døydde alt i 1825. 
Ekkja Metta Hans dtr. stjorna bruket nokre år etter at mannen døydde.  Det var ikkje utlærd jordmor i Os dei tider, men Metta gjorde tenesta som jordmor i heile Osbygdi.  I 1827 festa ho ei hustuft i Lundetræ og flutte dertil eit par år etter, s. br. 5. 

Gabriel Hansson Heggland, f. 1801, vart paktar her i 1829.  G. 1829 Brita Nils dtr. Hjelle, f. 1805.  Då kona døydde i 1835, flutte Gabriel til Bjoarvik, der han året etter vart gift med ekkja Metta Nils dtr. Bjoarvik.  Sjå meir um han og huslyden hans der. 

Nils Olson Tøsdal, f. 1807, pakta bruket då Gabriel flutte burt.  G. 1835 Kristi Lars dtr. Sundøy, f. 1809.  Born: Ola, f. 1835, Magdela, f. 1837, g. 1867 Ola Midthus, s. M. 2, Kristi, f. 1838, g. 1862 Nils Tøsdal, s. Søfteland 7.  Nils døydde alt i 1839 då han gjekk seg i Tøsdalsvatnet, og ekkja vart sidan gift med Lars Sperrevik, s. S. 1.  

Hans Nilsson Bø, f. 1796, som var busett i Lundetræ, pakta bruket etter Nils.  G. 1824 Sesilia Endres dtr. Rein frå Strandvik, f. 1799.  Born: Nils, f. 1827, g. 1858 e. Johanna Vinsjans dtr. Nordvik i Fana, s. F. B. 599, Jon, f. 1832, g. 1868 Agata Nils dtr. Lepsøy, b. Nordvik i Fana, Johannes, f. 1825, s. br. 3, Endre, f. 1834, g. 1867 Marta Halhjem, s. Osøyri 16, Hans, f. 1841, g. Johanna Peders dtr. Spansteigen, b. Bergen.  Tvo born døydde unge.  I 1850 flutte Hans attende til Lundetræ, s. br. 3, der ein finn meir um han. 

Eilef Nilsson Lunden, f. 1817, bygsla bruket i 1851, og kjøpte det av Lysekloster i 1880 for 1200 kroner.  G. 1852 Marta Jakobs dtr: Ullestad frå Voss, f. 1822.  Born: Nils d. e., f. 1851, g. 1882 Magdela indre Moberg, s. i. M. 2, Olina, f. 1852, g. b. Lone i Haus, Nils d. y., f. 1854, s. n., Kari, f. 1855, g. b. Årstad ved Bergen, Anna, f. 1856, g. b. Solheimsviki ved Bergen, Marta, f. 1867, ug. b. Bergen.  Eilef var jakteskippar saman med broren.  Han døydde i 1883 og kona i 1881. 

Nils Eilefson Lunden, f. 1854, skøytte farsbruket i 1883.  G. 1879 Guro Lars dtr. ytre Haugland, f. 1847.  Dei fekk 3 born, men berre eitt av dei vaks upp: Eilef, f. 1885, g. 1907 Lina Bø, s. Hauge 17.  Guro hadde, då ho kom til Lunden, med seg sonen Arne, f. 1876, s. n.  Nils døydde alt i 1885, då han kom burt på sjøen under ei reis til Vinnes saman med Tore Jonson, s. Osøyri 24. 
Ekkja Guro Lars dtr. hadde so bruket nokre år.  I 1902 vart ho gift att med Tomas Orrebakken, s. Hauge 4, og flutte då frå bruket. 

Arne Larsson Lunden, f. 1876, skøytte bruket etter mori i 1896 og vart brukar her.  G. 1902 Kristina Kristiansen frå Herdla, f. 1878.  Born: Gustav, f. 1903, fabrikkarbeidar, g. Ågot Ulriksen, b. Tyssedal, Kristina, f. 1904, g. portvakt Harald Osøren, b. Odda, Alfred, f. 1906, g. Solveig Guttormsen, Leif, f. 1908.  Arne dreiv med krøterhandel o. a. attåt gardsbruket.  I 1899 let han bruket frå seg og reiste til Odda, der han sidan vart arbeidsformann.  Han døydde der i 1920. 

Jakob Pederson Heggland, f. 1861, kjøpte bruket i 1899 og busette seg her.  Han hadde fyrr havt halve farsbruket på Heggland, s. H. 4.  G. I 1888 Eli Jons dtr. Foer frå Fusa, f. 1866, d. 1889, g. II 1892 Kristianna Jons dtr. Foer, f. 1869.  Born: Peder, f. 1893, s. br. 7, Elen, f. 1895, g. 1915 Kristian Lyssand, s. Hauge 15, f. 1898, g., 1929 Hans ytre Lekven, s. y. L. 11, Jon, f. 1901, g. 1928 Jenny indre Moberg, s. i. M. 21, Berge, f. 1902, d. 1913, Olaf, f. 1906, gullgravar i Australia, Matilda, f. 1908, g. 1933 Kristian Valaker, s. Osøyri 41, Birgit, f. 1916, hushjelp.  Jakob var snikkar og gjorde upptaket til trevarefabrikkane i Os.  Sjå um han O. B. I 202.  Han døydde i 1925. 
Ekkja Kristianna Jons dtr. hev stjorna bruket sidan mannen døydde. 

LUNDEN 3 (Lundetræ). 

Nils Pederson Øvreide, f. 1769, fekk i 1801 festa eit jordstykke på Lunden og busette seg her.  G. 1800 Magdela Lars dtr. indre Tuen, f. 1757.  Dei hadde ikkje born.  I 1806 flutte Nils til Sveen under Os prestegard og vart sidan buande der.  Huset tok han med seg frå Lundetræ til Sveen.  Sjå Os 2, der ein finn meir um han. 

Jon Olson Sandvik frå Samnanger, f. 1780, som var gift med syster åt Nils, festa jordstykket då Nils flutte og bygde her.  G. 1806 Gjertrud Peders dtr. Øvreide, f. 1779.  Born: Kari, f. 1807, s. br. 4, Kristi, f. 1809, g. 1831 Ola Lyssand, s. L. 6, Ola, f. 1814, g. 1842 Ingjerd Anders dtr. Hauge, b. Håland i Fana.  Tvo born døydde unge.  Jon dreiv med fiske og treskoarbeid.  Han og kona døydde begge i 1834. 

Hans Nilsson Bø, f. 1796, bygsla bruket her i 1830.  Han hadde fyrr vore busett på Bø o. a. st.  I 1840 pakta han ogso br. 2 og hadde dette bruket til 1850.  Han flutte so attende til Lundetræ, der han døydde i 1875 og kona i 1880.  Sjå um han og huslyden hans under br. 2.

Johannes Hansson Lundetræ, 1825, festa bruket 1860 etter faren en og kjøpte det av Lysekloster i 1873 for 200 spd.  G. 1858 Magdela Ols dtr. Gåssand, f. 1829.  Av 6 born vaks 2 upp: Ola, f. 1864, s. n., Hans, f. 1870, g. 1892 Maria Bø, Bø 17.  Johannes dreiv med treskoarbeid og anna trearbeid.  Han døyde i 1902 og kona i 1907. 

Ola Johannesson Lundetræ, f. 1864, skøytte farsbruket 1890.  G. 1892 Ingeborg Ols dtr. Hjelle, f. 1871.  Born: Magdela, f. 1895, g. 1932 uppsynsmann Gustav Anderson frå Sigdal Johan, f. 1897, snikkar, g. 1925 Brita Bøtræ, s. Hauge 37, Ola, 1899, lærar, g. 1919 Brita Anders dtr. Istad frå Voss, b. Djønno i Kinsarvik, Hans, f. 1902, g. 1933 Maria Bøtræ, s Os 33, Ingvald, f. 1904, g. 1933 Klara Olsen, s. Kuven 44, Brita, f. 1906, syerske, b. Fana, Jon, f. 1908, s. n., Hilda, f 1911, g. 1938 fabrikkarbeidar Bernhard Kvalheim, b. Bergen Mlagnus, f. 1915, trearbeidar.  Ei gjenta døydde ung.  Ola hev vore murar og steinarbeidar.  Han hev havt mange kome tillitsyrke.  M. a. hev han vore med i soknerådet, forman i arbeidsnemndi for småbruksbanken og medlem av heradstyret i 15 år 

Jon Olson Lundetræ, f. 1908, skøytte bruket etter faren 937 og hev det no.  G. 1939 Ågot Ols dtr. Gjemdal, f. 1907.  Jon er murar og steinarbeidar 

LUNDEN 4 (Lundetræ). 

Knut Torgilsson Øvreide, f. 1803, festa i 1840 ei tuft i Lundetræ og busette seg her.  Han lånte 20 dalar av landhandlar Krüger på Skjørsand so at han fekk setja seg upp ei røykstova, og for dette fekk Krüger pant i stova, i «indboet», som berre var ei kista, og i buskapen, som var tvo sauer.  Han hadde fyrr vore busett på Storum o. a. st.  Foreldri var Torgils Gaupholm og Anna Tomas dtr. Øvreide.  G. I 1828 Anna Knuts dtr. Ferstad, f. 1803, d. 1831, g. II 1833 Kari Jons dtr. Lunden, f. 1807.  Born: Knut, f. 1829, d. 1846, Jon, f. 1833, skomakar i Bergen, Annanias, f. 1836, i Amerika, Gjertrud, f. 1838, b. Bergen, Lars, f. 1843, g. 1871 Synneva Pedersen, b. Bergen.  3 born døydde unge.  Knut var ein streng far.  Når han gav borni sine ris, so batt han klungerris på soplingen, og då tvo av gutane hans ein gong dei var svoltne, hadde teke ei kålrabi frå grannen, tok han dubbelt med klunger på soplingen.  I 1854 flutte Knut frå Lunden til Årsvågen under Boga i Fusa, der han sidan vart buande.  

Johannes Johannesson indre Lekven, f. 1828, busette seg her då Knut flutte burt.  G. 1851 Kari Knuts dtr. ytre Moberg, f. 1818.  Born: Knut, f. 1851, g. 1873 Brita Nordvik, s. Lyssand 8, Johannes, f. 1857, g. Anna Anders dtr. Nordstrønen, i Amerika, s. O. B. II 45, Marta, f. 1859, i Amerika.  3 born døydde unge.  Johannes fekk spillesykja og døydde alt i 1865.  
Ekkja Kari Knuts dtr. var busett her til 1884.  Då reiste ho saman med dotteri Marta og sonen Knut og huslyden hans over til Amerika, s. O. B. II 45.  Tufti fall attende til garden. 

LUNDEN 5 (Lundetræ). 

Metta Hans dtr. Lunden, som fyrr hadde havt br. 2 på garden, festa i 1827 ei tuft i Lundetræ og bygde her tvo år etter, samstundes som ho ogso fekk festa eit lite jordstykke her.  Sjå um henne under br. 2.  Ho døydde i Lundetræ 1860. 

Lars Sveinson Lunden, f. 1819, festa jordstykket og fekk huset her etter mori i 1848.  G. 1846 Marta Hans dtr. Ulven, f. 1819.  Born: Ragnhild, f. 1846, g. gardbrukar Jon Flaktveit i Åsane, Metta, f. 1850, skreddar, d. ug. 1928, Marta, f. 1853, g. 1890 bygningsmann Rasmus Mortensen frå Kinn, b. Bergen, Svein, f. 1857, g. 1883 Malena Nordvik, s. Søfteland 12, Ingeborg, f. 1861, g. gardbrukar Ola Blindheim i Åsane.  Ei gjenta døydde tidleg.  Lars dreiv med treskoarbeid og var ogso bygningsmann.  Han og kona døydde begge i 1901. 
Huset vart flutt burt og tufti fall attende til garden. 

LUNDEN 6 (Fagerlund). 

Johannes Ellingson Bjørnarøy, f. 1884, kjøpte i 1909 eit stykke av verbroren sitt bruk og bygde her.  G. 1907 Lina Nils dtr. Lunden, f. 1874.  Born: Elling, f. 1908, styrmann og reiser i langfart, Maria, f. 1910, g. 1927 Daniel ytre Drange, s. y. D. 6, Nils, f. 1911, agent, g. 1937 Åsta Nils dtr. Særvoll, b. Lunden, (born: Åse, f. 1938), Henrik, f. 1913, sjauffør, g. 1939 Lilly Laurits dtr. Buena, (born: Turid, f. 1940), Johannes, f. 1916, snikkar, g. 1939 Margit Jørgens dtr. Bakervik.  Johannes hev farty og driv sildeføring og annan sjøtransport. 

LUNDEN 7 (Fjelltun). 

Peder Jakobson Heggland, f. 1893, skøytte i 1925 eit stykke av farsbruket, br. 2, og busette seg her.  G. 1923 Anna Eivinds dtr. Moberg, f. 1898.  Born: Kirsten, f. 1924, Jakob, f. 1926, Erna, f. 1928, Bjørg, f. 1934.  Peder driv høvleri og trevarefabrikk på Osøyri og ved Lundefoss, s. O. B. I 202.  Han hev havt mange tillitsyrke i bygdi, hev vore medlem av bygningsrådet og ljosverkstyret, og var med i heradstyret 1932 – 1937. 

LUNDEN 8 (Frilund). 

Knut Jonson Aspenes frå Fusa, f. 1908, skøytte i 1939 ei tuft av verfaren sitt bruk og bygde på tufti.  G. 1930 Maria Abrahams dtr. Lunden, f. 1911.  Born: Jon, f. 1931, f. 1933, Kåre, f. 1938.  Knut hev motorfarty og driv med sjøtransport.