Gards og Ættesoga

HEGGLAND

Publisert

Frå OS SOGA III side 687 – 704


73. HEGGLAND. 

Namnet på garden kjem av trenamnet hegg, gamall-norsk heggr, samansett med den mykje vanlege endingi land.  I Hegglandsdalen som hev fenge namnet sitt etter denne garden, er det mykje hegg i liderne. 

Uttale: Hæ’gglann.  
Skrivemåtar: Høgeland (1519), Heggeland (1563), Heglannd (1567), Heglanndt (1591), Hegland (1597), Hegelannd, Hegelaand, Heglandt, Hæglandtt, Hegdall (1614), Heeglannd, Heigland, o. s. b. 

Heggland, som er nedste garden i Hegglandsdalen, ligg rett overfor Eide, på nordsida av elvi og vatnet som skil millom dei tvo gardane.  Garden var »kapitelsgods« likeins som Hjelle og nedre Rød til 1833, då bruki vart selde.  Godseigar Formann kjøpte då tre av bruki, medan bygslemennene fekk kjøpa dei tvo andre.  I 1870 åri vart ogso dei bruki, som Formann hadde eigna til seg, selde til brukarane på garden. 

Or gamle matriklar og teljingar
1668: Saar 7½ stadtztønder, afler 22 tdr., god agger og eng, med fehagge og seter støll med en udlade og god brendeued som selgges, kand indheigne af slet femarch til eng, hafe quernsteed og homblehagge.  
1723: Ingen sætter, skoug til fornøden brendefang og ei videre, ingen fiskerie men 2 smaa flomqverner til opsiddernes fornødenhed, magert sædeland og tungvunden.  Har ei videre at nære sig af end gaardens aufl.  
1865: Hægland med 1 plads: Har 20 maal dyrket ager og eng, hvoraf 8 maal godt, 6 middels og 6 slet, har 185 maal naturlig england, deraf 28 maal godt, 62 middels og 95 slet, af englandet kan 25 – 30 maal dyrkes.  Har skog til brændefang og gjærdematerialier, 1 brug sælger haslebaand for 1 spd. aarlig, føder 3½ ungnød ved lyng, løy og skav, af brugene er 2 middels at bruge, 2 letbrugte og 1 meget letbrugt, 4 brug er almindelig og 1 brug mindre godt drevet.  Gaarden har vandfald for møller til eget brug. 

Busetnad og buskap. 

Hus-Menne-Hes-Stor-Sma-Gjei-Svin.UtsådUtsåd
lydar.skje.tar.fe.ler.ter.korn.poteter.
16573 228     
16683 33220  7,5tun 
17232 23012  8» 
1800530       
183553222828  12»6tun.
1865639340919516tun.20,5tun.
190085834060 77hl.31,5hl.
1920115453751 621mål9mål
19301142543118 35,8»10»
1939  547100 43»9»


HEGGLAND 1. 

Sigardh pa Høgeland (Sjurd Heggland) var brukar her i 1519 og er fyrste mann som me finn namngjeven på garden.  Han hadde heile Heggland og garden var då uskift. 

Sander Heggland var brukar i 1563.  Garden var då skift i tvo partar, og Sander hadde det eine bruket.  Etter namnet å døma må Sander (avstytting for Aleksander) ha vore av skotsk ætt.  Skottehandelen på Vest-Norig var då i full gang, og mange skottar gjekk frå skipi og vart buande i dei norske bygdene.  Hatvik var ein mykje nytta lasteplass for skotteskipi, og det er ikkje lang veg frå Hatvik til Heggland. 

Størk Heggland hadde bruket i 1691.  Um han var i ætt med Sander, veit me ikkje.  Størk var tvillaust gift tvo gonger, men me veit ikkje noko um konone hans.  Av borni kjenner me berre tvo: Dordi, f. ikr. 1590, s. n., Magdela, f. ikr. 1610, g. Jørgen indre Moberg, s. i. M. 2.  Anna ytre Lekven, s. y. L. 3, var kannhenda ogso dotter hans.  Størk let bygsla frå seg til versonen i 1613, men han var med i stjorningi av bruket til 1623, då han truleg døydde. 

Mons Olson, f. ikr. 1690, vart i 1613 gift med Dordi Størks dtr. Heggland, f. ikr. 1690, og fekk same året bygsla bruket etter verfaren.  Av borni kjenner me: Anna, f. 1613, g. ikr. 1640 Nils Midthus, s. M. 1, Marta, f. ikr. 1615, g. Ola Sørstrønen, s. S. 1, Nils, f. ikr. 1618, g. ikr. 1660 Brita Haugland, s. Bø 3, Johannes, f. ikr. 1620, b. Skjeie, s. S. 2, Lars, f. ikr. 1621, g. 1646 Mari Storum, s. S. 1, Størk, f. ikr. 1625, s. n., Sesilia, f. ikr. 1630, g. ikr. 1650 Rasmus Nordstrønen, s. N. 2, Ola, f. ikr. 1635, s. n., Helga, f. ikr. 1640, g. ikr. 1660 Johannes Lien, s. L. 1.  Mons fekk eldste dotteri fyrr det var gjenge 40 vikor etter brudlaupet, og han måtte leggja ei stor bot for det.  I 1612 måtte Mons fara til Svinesund saman med dei andre osingane for å vera med i Kalmarufreden, men han og ein annan osing, s. Midthus 2, rymde straks heim att.  For det måtte Mons leggja ei bot av heile 5 dalar (5 – 600 kroner i vårt pengeverde).  Kvar Mons var frå er uvisst, men fleire ting tyder på at han var son åt Ola Andersson Eide i fyrste giftarmålet hans.  Mons vart ein mykje vyrd mann i bygdi, og han var lagrettemann i mange år.  M. a. var han ogso med og sagde dom i mordsaki på Steinsland, s. S. B. 464.  Mons sat godt i det, og m. a. åtte han garden Kleppe i Samnanger.  Mons døydde i 1665 og Dordi i 1669. 

Ola Monsson Heggland, f. ikr. 1635, som var yngste son åt Mons, vart husmann på garden ikr. 1665.  Ola var med i den namngjetne ferdi til Trøndelag 1658, då Bergenhusingane jaga svensken heimatt og berga landet, s. O. B. I 497 – 98.  Han var ogso med i herferdene i 1660 åri.  Kvar Ola var busett på Heggland, og um han hadde huslyd, veit me ikkje. 

Størk Monsson Heggland, f. ikr. 1625, bygsla bruket etter faren.  G. ikr. 1656 Agata Peders dtr. Bø, f. ikr. 1637.  Born: Arne, f. 1658, g. 1693 Marta Bjånes, s. Kalvetræ 1, Peder, f. 1663, g. 1693 Mari Pauls dtr., var husmann på Heggland, Mons, f. 1665, g. 1688 Kristi Søfteland, s. S. 3, Ola, f. 1670, g. 1695 Sesilia Fredriks dtr. Tveit i Fusa, b. Fusa, Dordi, f. 1672, g. 1696 Ola Særvoll, s. Midthus 2, Kristense, f. 1677, d. ug. 1733, Kristen, f. 1678, s. n., Marta, f. 1680, g. 1702 Nils Haugland, s. Valle 1, Kristi, f. ikr. 1680, g. 1715 Daniel Grindevoll, s. G. 2, Brita, f. ikr. 1685, g. 1715 Peder Sundøy, s. S. 4.  Størk var ein vyrd mann likeins som faren og var lagrettemann i Osbygdi som han.  Størk døydde i 1686. 
Ekkja Agata Peders dtr. hadde so bruket i nær 20 år etter at mannen fall frå.  Ho døydde i 1727. 

Kristen Størkson Heggland, f. 1778, bygsla bruket etter mori i 1705.  G. 1704 Anna Nils dtr. Klyva, f. 1687.  Born: Størk, f. 1705, s. br. 3, Ola, f. 1708, s. br. 2, Nils, f. 1712, d. ug. 1741, Agata (tvilling), f. 1715, s. n., Marta, f. 1715, Lars, f. 1716, stod i hertenesta 1738, men ukjend seinare, Hans, f. 1723, vart innskriven til heren i 1738, men er ikkje nemnd seinare.  4 born døydde unge.  Kristen vart utskriven til hertenesta i 1700 og måtte ut i den store ufreden 1709.  I 1712 var han artillerist og vart sendt til Danmark i 1713, men kom truleg heitnatt året etter.  I 1715 eller 1716 måtte han atter ut, og han var med i Oskompaniet då Torkjell Skogseid gjorde meistarstykket sitt i Torekoven, s. O. B. I 500 – 501.  Bruket vart i 1731 skift i tvo like store partar, og eldste son åt Kristen fekk eine parten, s. br. 3.  Kristen sat smått i det.  Han døydde i 1737. 
Ekkja Anna Nils dtr. hadde so bruket i heile 15 år.  Ho sat sverande smått i det, og i uåret 1743 måtte ho få ei halv tunna korn av «Kongens nådegave til de fattige» for å berga livet.  Anna døydde ikr. 1760. 

Arne Hansson Midtsæter, f. 1714, som i 1746 var gift med Agata Kristens dtr. Heggland, f. 1715, bygsla bruket etter vermori i 1752 og vart brukar her.  Han hadde fyrr havt eit anna bruk på Heggland, s. br. 3, der ein finn meir um han og huslyden hans.  Agata døydde i 1759, og Arne gifte seg att same året med Synneva Knuts dtr., f. ikr. 1740. 
Heile tunet på Heggland brann upp same året som Arne tok mot bruket, og det vart tungt for han å greida seg.  Då andre kona hans døydde, var skuldi hans like stor som verdet av alt det han åtte.  Borni hans måtte reisa tidleg ut, og me finn berre 3 av dei att i Osbygdi.  Arne døydde her i 1778. 

Peder Olson Tveit, f. 1752, vart i 1779 gift med ekkja Synneva Knuts dtr. og hadde alt året fyreåt, då han trulova seg med ekkja, fenge bygsla bruket.  Dei fekk ein son som døydde tidleg.  Peder sat godt i det, men var klein til helsa.  Då Peder fekk bruket her, vart det skift i tvo partar, og eldste dotter åt Synneva fekk den andre parten, s. br. 5.  Peder døydde i 1811. 
Ekkja Synneva Knuts dtr. hadde so bruket til ho fall frå i 1817.  

Arne Jakobson Heggland, f. 1794, som var dotterson åt Synneva, bygsla bruket etter bestemori i 1818.  G. 1824 Synneva Johannes dtr. Kolle frå Fusa, f. 1796.  Born: Jakob, f. 1825, jakteskippar, g. b. Bergen, Kari, f. 1827, g. 1870 Nils Lien, s. L. 2, Hans, f. 1830, jakteskippar, g. 1859 Øllegård Lars dtr. Heltne frå Luster, b. Bergen, Arne, f. 1838, s. n.  3 born døydde unge.  Arne var 66 turnar høg, og vart som «dygtig» utskriven til hertenesta i 1814.  Han slapp likevel å koma med i ufreden.  Arne dreiv fiske og greidde seg tolleg godt.  Han døydde i 1862 og kona i 1869. 

Arne Arneson Heggland, f. 1838, bygsla farsbruket i 1860 og kjøpte det av Lysekloster i 1890 for 1200 kroner.  G. 1860 Johanna Ols dtr. Sørstrønen, f. 1839.  Born: Arne, f. 1861, sjømann, g. b. Stavanger, Synneva, f. 1863, s. n., Engelina d. e., f. 1866, d. 1881, Elias, f. 1868, sjømann, d. ug. 1893, Kari, f. 1871, g. 1892 sjømann Karl Johan Hermansen, b. Oslo, Ola, f. 1873, sjømann, s. Klyva 7, Engjel, f. 1876, sjømann, d. ug. 1904, Hansina, f. 1880, d. ug. 1899, Engelina d. y., f. 1885, g. 1910 Johannes Kristiansen, s. Klyva 7.  Tvo gutar døydde unge.  Arne var kjøkmeistar og gjorde jamt tenesta i brudlaup og gravøl.  Han døydde i 1896 og kona i 1924. 

Anders Endreson Osøyri, f. 1864, vart i 1888 gift med Synneva Arnes dtr. Heggland, f. 1863, og fekk i 1895 skøyte på bruket etter verfaren.  Born: Marta, f. 1888, i Amerika, Johanna, f. 1890, g. fiskehandlar Ole Olsen, b. Bergen, Elisa, f. 1894, g. 1918 sjømann Olgar Leganger, b. Bergen, Anna, f. 1896, hotellgjenta, b. Oslo, Hansina, f. 1899, g. Svein Moshus, b. Oslo, Engelina, f. 1901, g. 1920 Jon Sælen, s. Osøyri 36, Sofia, f. 1903, g. Sigvald Totland, b. Fana, Olav, f. 1906, d. ug. 1937, Borghild, g. Normann Vetås, b. Bergen.  Tvo gutar døydde unge.  Anders var skomakar.  I 1905 selde han bruket her og flutte til Osøyri.  Seinare busette han seg i Bergen, der han ei tid heldt fram med skomakaryrket. 

Aksel Olaison Hatletveit frå Strandvik, f. 1876, kjøpte bruket i 1905.  Aksel var busett på Øvreide, s. Ø. 4, der ein finn meir um han og huslyden hans. 

Rasmus Olai Olson Bøtræ (Bø), f. 1872, kjøpte bruket i 1909 og busette seg her.  Han hadde fyrr vore busett i Bøtræ, s. Bø 21.  G. 1894 Rakel Tomas dtr. Krokeid frå Fana, f. 1872.  Born: Birgitta, f. 1895, hushjelp, Tomas, f. 1897, murmeistar, g. 1918 Kristina Nils dtr. Volledal frå Fana, b. Bergen, Ole, f. 1899, byggmeistar, g. 1922 Amanda Nils dtr. Volledal frå Fana, b. Bergen, Maria, f. 1901, g. 1922 Mons Skjeie, s. S. 13, Fredrik, f. 1905, s. n., Hanna, f. 1907, hushjelp, b. Bergen, Alfred, f. 1909, bygningsmann, g. 1938 Ester Storsæter frå Oslo, b. Nesodden, Margit, f. 1911, g. 1940 Magnus Jonson Hildershamn (Askvik), Ragnvald, f. 1913, bygningsmann, g. 1940 Karen Reinholdts dtr. Østrem, b. Fana, Magdalena, f. 1919, butikkgjenta, b. Bergen.  Tvo born døydde unge.  Olai var murar og steinarbeidar.  Han døydde i 1931. 
Ekkja Rakel Tomas dtr. stjorna bruket nokre år etter at mannen døydde. 

Fredrik Olaison Heggland, f. 1905, skøytte bruket etter mori i 1939 og hev det no.  Fredrik er murar og hev havt arbeidet sitt i Bergen. 


HEGGLAND 2. 

Lars Heggland var brukar her i 1563.  Han var truleg fyrste mann på bruket etter at det vart skilt ut frå br. 1 ikr. 1540. 

Jon Heggland var brukar i 1567 og hadde då nyss fenge bruket.  Kona hans heitte Mari.  Jon var ein mykje vyrd mann i bygdi.  Han var lagrettemann i mange år, og m. a. var han med i 1569 og sagde dom i laksesaki millom prestegarden og Lysekloster, s. O. B. I 217.  Jon hadde bruket til han døydde ikr. 1600. 
Ekkja Mari Heggland hadde bruket til 1611.  Ho hadde ein dreng, Ola, som dreiv med gardsbruket. 

Johannes Heggland vart brukar i 1612.  Kannhenda vart han då gift med ekkja Mari.  Johannes sat smått i det og lagde berre husmannskatt.  Han let bruket frå seg alt i 1615. 

Kvar Johannes og fyremennene hans var frå, veit me ikkje. 

Lars Heggland bygsla bruket i 1615.  Han var truleg son åt Jon og Mari og fekk soleis farsbruket sitt.  Kven kona hans var, veit me ikkje, men han åtte saman med Ola Eide ein laup i garden Reistad, og det tyder på at kona hans var i ætt med Ola Eide.  Borni åt Lars selde sin part i Reistad til Ola Eide i 1646, s. S. B. 335.  Me veit um 3 born, sonen Nils, som var busett i Djupvik, og tvo døtre, som me ikkje veit namnet på.  Den eine dotteri var gift med Ola Jetmundson Skjeie og den andre med Anders Johannesson i Bergen.  I sine unge år måtte Lars fara austover saman med dei andre osingane for å vera med i Kalmarufreden.  I 1620 fekk han ein dom på seg, avdi han ikkje vilde skyssa nokre storfolk som krov skyss.  Han døydde ikr. 1623. 

Eivind Heggland vart brukar i 1624.  Kvar han var frå, veit me ikkje, men han vart truleg gift med ekkja etter Lars i 1624 og fekk bruket på den måten.  Han døydde alt i 1629. 

Ola Pederson Søvik, f. ikr. 1605, bygsla bruket i 1630.  Han vart då gift med ei som heitte Eli, og ho var tvillaust ekkja etter Eivind.  Eli døydde ikr. 1650, og Ola gifte seg att med ei som heitte Anna, f. ikr. 1615.  Ola hadde mange born, men me veit lite um dei.  Arne og Anders, som var fødde i 1630 åri, var med i ferdi til Trøndelag 1658 – 59 og i stridene ved Halden 1660.  Dei kom ikkje heimatt, og truleg fall dei ved Halden.  Fire born, Nils, f. ikr. 1640, Kristi, f. ikr. 1645, Peder, f. ikr. 1653, og Lars, f. ikr. 1655, reiste ut og me finn dei ikkje att i Osbygdi.  Dotteri Brita døydde ugift i 1697.  Tvo søner vart buande i bygdi: Hans, f. ikr. 1648, s. n., og Rasmus, f. ikr. 1650, g. 1674 Guro nedre Rød, s. n. R. 2.  Ola var ein mykje vyrd mann i bygdi og var likeins som grannen domsmann i mordsaki på Steinsland i 1654, s. S. B. 464 o. fr.  Ola sat godt i det og hadde m. a. arva ein part av garden Lid i Tysnes etter faren.  Han og faren hadde leigt ut ei ku til Jens Snekkevik, og i 1654 vart det ei sak um kui, s. Særvollsvik 1.  Ola døydde ikr. 1680. 

Hans Olson Heggland, f. ikr. 1648, bygsla bruket då faren døydde.  G. 1678 Kari Jons dtr. Austestad frå Fusa, f. ikr. 1652.  Born: Eli, f. 1681, g. 1706 Ola Hatvik, s. Bø 5, Jon, f. 1682, vanfør, Kari, f. 1687, d. ug. 1742, Ola, f. 1688, g. 1719 Agata Lyssand, s. L. 2, Anna, f. 1691, g. 1731 Johannes Tveit, s. T. 1.  Hans dreiv fiske og greidde seg tolleg godt.  Han døydde alt i 1690. 
Ekkja Kari Jons dtr. hadde so bruket eit par år.  Yngste dotteri hennar kom til verdi året etter at mannen døydde. 

Ola Nilsson Eide, f. 1671, vart i 1692 gift med ekkja Kari Jons dtr. og hadde tidlegare på året bygsla bruket, som det stend i bygsleboki, «paa de Vilkaar, at han skal ægte Enken Kari Jons dtr. og blive en god Forsørger for hendes 5 faderløse Børn».  Dei fekk ein son, Ola, f. 1693, som var grenader og stod i hertenesta 1746.  Seinare høyrer me ikkje noko um han.  Ola dreiv fiske og greidde seg tolleg godt.  Han døydde ikr. 1740 og kona i 1732. 

Ola Kristenson Heggland, f. 1708, bygsla halve bruket i 1735.  Den andre halvparten vart skild ut som eit nytt bruk, s. br. 4.  Ola vart gift i 1735 med Kari Mattis dtr. Berge, f. 1745.  Born: Kristen, f. 1736, d. ung, Mattis, f. 1738, g. 1762 Kari Hjelle, s. Lønningdal 3, Anna, f. 1741, g. 1771 Johannes indre Lekven, s. i. L. 3.  Ola dreiv med sjøen, men sat tungt i det.  Han døydde alt i 1741. 
Ekkja Kari Mattis dtr. stjorna bruket nokre år etter at mannen fall frå.  Ho sat sverande tungt i det og streva hardt for å greida seg.  I 1743 måtte ho likeins som grannekona på br. 1 få ei halv tunna korn av «Kongens naadegave til de fattige» for å livberga seg. 

Jon Zakariasson Lustveit frå Ølve i Kvinnherad, f. 1718, vart i 1745 gift med ekkja Kari Mattis dtr. og fekk bygsla bruket same året.  Born: Ola, f. 1746, s. n., Marta, f. 1749, g. 1783 e. Nils Andersson Bjelland frå Sund.  Tvo born døydde unge.  Jon sat betre i det enn fyremannen, men då tunet brann upp i 1752, vart han fatigmann likeins som grannen og måtte låna mykje pengar fyrr han fekk husi uppatt.  Ved skiftet etter kona var skuldi hans større enn verdet av alt det han åtte.  Jon døydde i 1785 og kona i 1779. 

Ola Jonson Heggland, f. 1746, bygsla bruket etter faren i 1773.  G. 1772 Kari Jørgens dtr. Tøsdal, f. 1743.  Av 8 born vaks 5 upp: Marta, f. 1774, g. 1805 Jørgen Borgen, s. nedre Rød 2, Kari, f. 1777, g. 1806 Kristoffer Røttingen, s. R. 6, Guro, f. 1780, g. 1804 Jon ytre Haugland, s. y. H. 4, Jørgen, f. 1783, s. n., Jon, f. 1793, g. 1825 Agata Hjelle, s. H. 2.  Ola var skulehaldar i Ossokni frå 1770 til 1778, s. O. B. I 366.  Han sat godt i det.  Ola døydde i 1811. 
Ekkja Kari Jørgens dtr. stjorna so bruket i 16 år etter mannen fall frå.  Ho var ei drivande kvinna og greidde godt.  Kari hadde bruket radt til 1827, då ho døydde 84 gamall. 


Jørgen Olson Heggland, f. 1783, var brukar saman med mori ei tid og fekk bygsla bruket då ho døydde.  G. 1814 Gunvor Tomas dtr. Øvreide, f. 1790.  Born: Kari, f. 1815 d. ug. 1896, Ola, f. 1821, d. 1839, Tomas, f. 1825, s. n., Anna, f. 1829, s. br. 3.  Tre born døydde unge.  Jørgen var med i ufreden 1807 – 1814 og gjorde tenesta i sjøvernet.  I åri 1810 – 12 var han på ein kanonbåt i «Kristiansands roflotille» og hadde fyrr gjort tenesta i Bergen.  Han kom heilskinna heimatt i 1814 og gifte seg same året.  Jørgen døydde i 1861 og Gunvor i 1870. 

Tomas Jørgenson Heggland, f. 1825, bygsla bruket etter faren i 1857.  G. 1858 Marta Morteins dtr. Hjelle, f. 1834.  Born: Ingeborg, f. 1859, g. 1888 skomakar Erik Nilsson Hatvik, b. Bergen, Jørgen, f. 1861, snikkar, busett i Hamburg, drukna der i 1916, Olina, f. 1864, g. 1893 Klaus Lunde, s. L. 15, Johan, f. 1867, g. 1891 Brita Sørstraumen, s. Skjeie 2, Mortein Olai, f. 1870, i Amerika, s. O. B. II 43, Marta, f. 1875, lærarinna, b. Lekven, s. O. B. I 372 og 378.  Tomas var bygningsmann.  Han og kona døydde begge på ein og same dag i 1875. 

Ola Didrikson Ulven, f. 1847, vart brukar her i 1875 og fekk kjøpa bruket av Lysekloster året etter for 1071 spd.  Han hadde fyrr vore busett på Ulven, men måtte flytja då garden vart teken til eksisplass, s. Ulven 3.  G. 1870 Anna Hans dtr. Tøsdal, f. 1847.  Born: Brita, f. 1871, g. kommunearbeidar Kristoffer Knudsen, b. Bergen, Didrik, f. 1872, s. n., Serina, f. 1875, g. 1899 Hans Moberg, s. ytre Moberg 16, Hansina, f. 1878, g. 1917 arbeidar Julius Johannessen Sandberg, b. Bergen, Ingeborg, f. 1881, g. montør Gustaf Stjernløf, b. Bergen, Hans, f. 1884, snikkarmeistar, g. 1918 Stefania (Steffi) Steffens dtr. Ørjasæter frå Geiranger, b. Bergen, Lars, f. 1887, kjøpmann og målarmeistar, g. Alida Hammerset, b. Notodden, Nils, f. 1890, gullsmed, g. Maria Martinussen frå Laksevåg, b. Oslo, Anna, f. 1892, hushjelp, b. Oslo.  Ola dreiv med snikkararbeid attåt gardsbruket.  Han døydde i 1917 og kona i 1924. 

Didrik Olson Heggland, f. 1872, skøytte farsbruket i 1899.  G. 1902 Ingeborg Hans dtr. Tøsdal, f. 1881.  Born: Astrid, f. 1903, kjøkensjef, b. Oslo, Karen, f. 1908, lærarinna, b. Gjøvik, Borghild, f. 1910, s. br. 10, Olaf, f. 1914, bygningsmann.  Ei gjenta døydde ung.  Didrik hev vore snikkar og byggmeistar.  Han hev havt mange kommunale tillitsyrke, vore formann i skulestyret, liknings- og overlikningsnemndi, likeins i arbeidsnemndi for småbrukbanken, og var med i heradstyret 1911 – 1916. 


HEGGLAND 3. 

Størk Kristenson Heggland, f. 1705, vart fyrste mann på dette bruket, då farsbruket hans i 1731 vart skift i tvo partar, s. br. 1.  G. 1731 Kari Lars dtr. ytre Moberg, f. 1693.  Dei fekk tvo born, som begge døydde unge.  I 1740 flutte Størk til ytre Moberg og tok mot farsbruket åt kona si, s. y. M. 1, der ein finn meir um han. 

Arne Hansson Midtsæter, f. 1714, bygsla bruket etter Størk og vart seinare gift med ei syster hans.  G. I ikr. 1740 Marta Hans dtr. Molda, f. 1714, d. 1745, g. II 1746 Agata Kristens dtr. Heggland, f. 1715, d. 1759, g. III 1759 Synneva Knuts dtr., f. ikr. 1740.  Born: Hans, f. 1750, var ugift i 1778, Kristen, f. 1752, g. 1786 Ragnhild Eide, s. E. 1, Anna, f. 1753, var ugift i 1778, Marta, f. 1760, s. br. 5, Knut, f. 1763, d. 1785, Arne, f. 1768, g. 1794 Mari øvre Rød, s. ø. R. 1, Ola, f. 1770, Helga, f. 1772, Mortein, f. 1774, stod i sjøvernet frå 1801 og fall i ufreden, Jakob, f. 1777, g. 1802 Mari Peders dtr. Som tente i Lønningdal, b. Bergen.  4 born døydde unge.  Arne vart utskriven til soldat i 1738, men vart straks etter ført over til landvernet, då han hadde ein eller annan skade.  I 1752 bygsla Arne vermori sitt bruk på Heggland, s. br. 1, og tvo år etter sa han bruket her frå seg og flutte til det nye bruket.  Sjå meir um han under br. 1. 

Johannes Rasmusson Boga frå Fusa, f. 1730, bygsla bruket i 1754.  G. 1754 Dordi Isaks dtr. Boga frå Fusa, f. ikr. 1730.  Av 7 born vaks 4 upp: Rasmus, f. 1758, Isak, f. 1759, s. n., Marta, f. 1765, g. 1786 Villum Knutson Skåtun frå Strandvik, Jørgen, f. 1768.  Eldste barnet kom til verdi eit halvt år etter brudlaupet, og Johannes vart dømd til å leggja ei bot av umlag tvo kuverd.  Johannes og kona heldt på at dei var trulova av sjølve presten i rett tid, men det hjelpte ikkje.  Futen vilde ha sine skjelingar, og Johannes måtte leggja boti.  Johannes var 61½ turnar høg og vart utskriven til soldat i 1753.  Ein bror åt kona hans tente hjå Johannes, og han stod i hertenesta samstundes med husbonden.  Johannes var over 90 år gamall, då han døydde i 1821.  Dordi fall frå i 1807. 

Isak Johannesson Heggland, f. 1759, bygsla farsbruket i 1787.  G. 1788 Anna Nils dtr. Gjemdal, f. 1763.  Born: Anna, f. 1790, d. ug. 1866, Johannes, f. 1794, s. n., Dordi, f. 1798, g. 1828 Lars Søfteland, s. S. 2, Nils, f. 1802, d. ug. 1850, Peder, f. 1807, d. ug. 1847, Jørgen, f. 1809, g. 1840 Brita Bø, s. Bø 3.  Ei gjenta døydde ung.  Isak var ein drivande kar og arbeidde seg so godt fram, at han vart den likaste bonden i Hegglandsdalen på dei tider.  Han døydde i 1838 og kona i 1822. 

Johannes Isakson Heggland, f. 1894, bygsla bruket i 1833, og kjøpte det av Bergens Katedralskule året etter for 350 spd. kontant, og ei årleg avgift til skulen på 1 tunna og 5 skjeppor bygg.  G. 1830 Dordi Villums dtr. Skåtun frå Strandvik (syskinborn), f. 1791.  Dei fekk ei dotter, som døydde tidleg.  Johannes var 63½ tumar høg og vart utskriven til soldat i 1814.  Ufreden stogga same året, og Johannes slapp fara til grensa.  Han dreiv fiske attåt gardsbruket og greidde seg tolleg godt.  Johannes døydde i 1860 og Dordi i 1882. 

Lars Larsson Tøsdal, f. 1835, skøytte bruket i 1860 og vart brukar her.  Faren hadde vore busett på Åstveit i Åsane sidan 1843, men Lars var uppfostra i Os.  G. 1861 Anna Jørgens dtr. Heggland, f. 1829.  Born: Dordi, f. 1861, g. 1913 Steffen øvre Rød, s. ø. R. 1, Johannes, f. 1863, s. n., Jørgen, f. 1866, skomakar, g. 1893 Anna Nils dtr. Andal frå Kinn, b. Bergen, Lars, f. 1869, g. 1892 Seselina Hatvik, s. H. 5, Johanna, f. 1871, fabrikkarbeidar, b. Fana.  Lars dreiv med stein- og bygningsarbeid.  Han og kona døydde begge i 1908. 

Johannes Larsson Heggland, f. 1863, skøytte farsbruket i 1890.  G. 1890 Anna Jons dtr. Særvoll, f. 1870.  Born: Lars, f. 1892, s. n., Jon, f. 1894, gardsarbeidar, Hans, f. 1897, g. 1922 Ida Bø, s. Os 12, Alfred, f. 1899, s. br. 11, Ragnhild, f. 1902, s. br. 4, Jenny, f. 1906, g. 1939 snikkar Kristian Heggland.  Johannes hev drive med treskoarbeid o. a. 

Lars Johannesson Heggland, f. 1892, skøytte bruket etter faren i 1926 og hev det no.  G. I 1920 Kristina Vinsjans dtr. Lien, f. 1888, d. 1931, g. II 1936 Malena Knuts dtr. Dale frå Fusa, f. 1894.  Lars er bygningsmann.  Han hev havt ymse kommunale yrke og er styresmann i Os sparebank. 


HEGGLAND 4. 

Paul Hansson Bjøndal frå Hålandsdalen, f. p. Molda i Os 1705, fekk bygsla dette bruket då det vart skild ut frå br. 2 i 1735.  G. 1730 Anna Jons dtr. Bjøndal, f. 1706.  Born: Hans, f. 1730, s. n., Barbru, f. 1735, Jon, f. 1733, g. 1759 Kari Henanger, s. Søfteland 5, Torbjørg, f. 1737, g. 1758 Nils Jonson Baldersheim, b. Aukland i Tysnes, Brita, f. 1742.  3 born døydde unge.  I 1751 flutte Paul til Mjånes i Strandvik og døydde der i 1756.  Kona kom attende til Os og døydde her i 1777.  

Hans Paulson Heggland, f. p. Bjøndal 1730, bygsla farsbruket i 1750, då han berre var 20 år gamall.  G. 1751 Brita Hans dtr. Øvreide, f. 1729.  Born: Paul, f. 1752, g. 1778 Anna Ols dtr. Tangeland, b. Bergen, Hans, f. 1755, s. n., Brita, f. 1756, g. 1785 Ola Sanden, s. Gåssand 1, Anna f. 1759, g. 1785 Lars indre Lekven, s. i. L. 3, Magdela, f. 1761, g. 1783 Lars Øvreide, s. Ø. 2, Knut, f. 1763, fekk spillesykja og vart lagt inn på «Spetalen» i 1786, Svein, f. 1766, b. Bergen, Kari, f. 1770, g. 1792 Ola Borgen, s. Bø 7, Jon, f. 1773.  3 born døydde unge.  Hans var 64½ turnar høg og vart som «dygtig» utskriven til soldat i 1751.  Han dreiv med fiske attåt gardsbruket, men sat sverande tungt i det.  Hans døydde i 1787 og Brita ei tid etter. 

Hans Hansson Heggland, f. 1755, bygsla bruket då faren døydde i 1787.  G. 1788 Kari Ols dtr. Søfteland, f. 1763.  Born: Brita, f. 1788, g. 1817 Knut ytre Moberg, s. y. M. 3, Hans, f. 1792, g. 1823 Brita indre Lekven, s. i. L. 2, var postdreng på Søfteland og slapp vera med i ufreden 1812 – 14, Ola, f. 1794, s. n., Svein (tvilling), f. 1798, g. I 1820 i Fana, g. II 1824 Agata Anders dtr. Helland, b. Helland i Fusa, Marta, f. 1798, g. 1819 Vinsjans ytre Drange, s. y. D. 2, Gabriel, f. 1801, g. 1829 Brita Hjelle, s. Bjoarvik 1, Johannes, f. 1804, d. 1821.  Hans sat tungt i det likeins som faren.  Han døydde alt i 1806. 
Ekkja Kari Ols dtr. stjorna so bruket nokre år.  I 1810 gifte ho seg att med Johannes Hetleflåten, s. n., men Johannes fekk ikkje bygsla bruket, då ein av sønene åt Kari vilde ha det.  Då sonen fekk bygsla i 1819, flutte Kari og mannen til Bergen, men kom att seinare, s. n. 

Ola Hansson Heggland, f. 1794, bygsla bruket etter mori i 1819.  I 1823 gifte han seg med Guro Ols dtr. ytre Moberg, f. 1786, og flutte då til ytre Moberg, der han sidan vart buande.  Sjå meir um han og huslyden hans under ytre Moberg 1.  Ola var 62 turnar høg og vart utskriven til soldat i 1814, men slapp vera med i ufreden som stogga det året.  

Johannes Larsson Hetleflåten, f. 1779, bygsla bruket i 1823 då Ola flutte.  Han vart som nemnt gift i 1810 med ekkja Kari Ols dtr., som hadde havt bruket her fyrr, og hadde nokre år vore busett i Bergen.  Kari døydde i 1839, og Johannes gifte seg att tvo år etter med Sesilia Henriks dtr. Hage, f. 1796, som var dotter åt Henrik Smitt i Bergen.  Born: Ingjerd, f. 1812, g. 1846 Ola Utgjerdet, s. Os 5.  Ein gut døydde ung.  Johannes vart utskriven til hertenesta i 1800 og måtte ut i ufreden 1808, men slapp heimatt då han gifte seg tvo år etter.  Han var vida kjend for styrken sin.  Eingong skulde han ha ny kvernkall til kverni si, og han kjøpte ei fura i Stokkedalsmarki til kvernkall.  Han hadde ikkje hest med, men tok fura på aksli og bar henne over Storefjellet (Møsnuken) heim til Heggland.  Johannes døydde i 1856, men Sesilia livde radt til 1893, då ho fall frå 97 år gamall. 

Peder Jakobson Sandvik frå Samnanger, f. 1827, fekk bygsla bruket då Johannes døydde.  G. 1856 Marta Vinsjans dtr. Lien, f. 1837.  Born: Vinsjans, f. 1856, s. n., Jakob, f. 1861, s. n., Annanias, f. 1869, d. ug. 1894.  Peder var bygningsmann og trearbeidar.  Han døydde i 1901 og kona i 1908. 

Vinsjans Pederson Heggland, f. 1856, kjøpte farsbruket i 1879 for 2480 kroner og vart brukar her.  G. 1889 Kristina Jons dtr. Øvreide, f. 1867.  Born: Marta, f. 1890, s. br. 8, Magdela, f. 1894, d. ug. 1925, Peder, f. 1897, s. n., Jon, f. 1899, s. br. 9.  Tvo born døydde unge.  I 1893 vart bruket skift, og bror åt Vinsjans, Jakob Pederson, fekk kjøpekontrakt på halve bruket og bygde her.  Straks etter flutte Jakob frå Heggland og vart buande på Lunden, s. L. 2, der ein finn meir um han.  Hans bruk gjekk so attende til Vinsjans, som framleis fekk ha bruket samla.  Vinsjans var bygningsmann og korgarbeidar.  Han var med i skule- og fatigstyre, likning o. a.  Vinsjans døydde i 1925. 

Peder Vinsjansson Heggland, f. 1897, skøytte bruket etter faren i 1925 og er brukar no.  G. 1926 Ragnhild Johannes dtr. Heggland, f. 1902.  Born: Vinsents, f. 1926, Agnes, f. 1928, Johannes, f. 1931.  Peder er trearbeidar.  Han hev vore med i skulestyret og andre styre.  


HEGGLAND 5. 

Jakob Olson Borgen, f. 1756, fekk bygsla dette bruket, då det i 1791 vart skild ut frå br. 1, som vermori hadde, og vart skipa til nytt bruk.  G. 1790 Marta Arnes dtr. Heggland, f. 1760.  Born: Marta, f. 1791, g. 1818 Johannes Johannesson Tveit, b. Bergen, Arne f. 1794, s. br. 1.  Jakob sat sverande tungt i det, og ved skiftet etter han var skuldi hans mykje større enn verdet av det han åtte.  Han døydde alt i 1797. 

Lars Jørgenson Tøsdal, f. 1754, vart i 1798 gift med ekkja Marta Arnes dtr. og fekk bygsla bruket same året.  Born: Marta, f. 1799, s. n., Jakob, f. 1801, d. ung.  Lars dreiv fiske og greidde seg betre enn fyremannen, men han sat ikkje lett i det.  Han døydde i 1830. 


Kristen Larsson Tveit, f. 1798, vart i 1828 gift med Marta Lars dtr. Heggland, f. 1799, og vart brukar saman med vermori.  Han fekk ikkje bygsla bruket, men vermori MartaArnes dtr. sat med det til ho døydde i 1839.  Kristen fekk 7 born, og av dei vaks 4 upp: Lars, f. 1829, g. 1855 Kari Anders dtr. Kalvetræ, b. Straumsnes i Askøy, Marta, f. 1832, Ola, f. 1833, Jørgen, f. 1835, g. 1865 Guro Åsen, s. Å 2.  Då vermori var død, måtte Kristen flytja frå Heggland.  Han busette seg då på Søfteland, der han døydde i 1849.  Kona fall frå nett fyrr Kristen flutte frå Heggland i 1840. 

Nils Nilsson Berge, f. 1818, pakta bruket i 1840, og kjøpte det av Bergens Katedralskule året etter for 100 spd. Kontant og 7½ skjeppor bygg i årleg avgift.  Nils selde bruket att i 1842 og flutte sidan til Kolle i Fusa, der han vart buande. 

Johannes Olson Ulland frå Samnanger, f. 1802, kjøpte bruket i 1842 og busette seg her.  G. 1835 Sesilia Ols dtr. Totland frå Samnanger, f. 1805.  Born: Ola d. e., f. 1836, g. 1862 Guro Storlid, s. Hauge 7, Torgils, f. 1838, sjømann, Nils, f. 1840, g. 1869 Anna indre Lekven, s. i. L. 2, Guro, f. 1842, g. 1867 Haldor Nilsson Berge, b. Austevoll i Fana, s. F. B. 517, Ola d. y., f. 1845, brandkonstabel, g. I 1869 Anna Katrina Olsen, g. II 1885 e. Johanna Margreta Grøn Hjelle frå Troms, b. Bergen.  I 1848 selde Johannes bruket her og flutte til ytre Moberg, s. y. M. 7, der ein finn meir um han. 

Tomas Olson Reigstad frå Samnanger, f. 1819, kjøpte bruket i 1848.  Han hadde fyrr vore paktar på Klyva.  G. 1846 Brita Tomas dtr. Steinsland frå Samnanger, f. 1818.  Born: Anna f. 1847, s. n., Ola, f. 1849, snikkar, g. 1875 Berta Albrigts dtr. Natland, b. Hop i Fana, Tomas, f. 1852, g. 1901 Inga Hansen, s. Osøyri 20, Nils, f. 1856, sjømann, d. ug. 1882, Lars, f. 1858, g. 1885 Brita Bø, s. Osøyri 6, Johannes, f. 1862, g. 1890 Karen Totland, s. Os 11.  Tomas dreiv med garving og skinnreiding.  Han døydde i 1879 og kona i 1905. 

Ola Andersson Gjemdal, f. 1848, vart i 1877 gift med Anna Tomas dtr. Heggland, f. 1847, og fekk same året skøyte på bruket etter verfaren.  Born: Anders (tvilling), f. 1877, styrmann, d. ug. i Filadelfia 1907, Tomas, f. 1880, i Amerika, s. O. B. II 47, Malena, f. 1882, g. 1908 Haldor Eide, s. E. 2, Agata, f. 1893, g. 1913 arbeidsformann Henrik Andreas Behrens Marstrander frå Fusa, (born: Alma, f. 1913, d. 1936).  4 born døydde unge.  Ola dreiv med ymse trearbeid.  Han døydde alt i 1902. 
Ekkja Anna Tomas dtr. hadde so bruket i heile 36 år etter at mannen fall frå.  Ho døydde i 1938. 

Anders Haldorson Eide, f. 1917, som er dotterson åt Anna, skøytte bruket i 1939 og er eigar no.  Anders er trearbeidar. 


HEGGLAND 6 (Grindvollen). 

Ola Sjurson Moldadalen (Molda), f. 1825, festa i 1862 eit jordstykke «Grindvollen» på Heggland og busette seg her.  I 1881 fekk han kjøpa stykket for 200 kroner.  Ola hadde fyrr vore paktar på Molda, s. M. 2.  G. 1856 Marta Mons dtr. Eide, f. 1824.  Born: Mons, f. 1856, s. n., Anna f. 1860, d. 1872, Sjur, f. 1865, g. 1895 Anna Berge, s. B. 5, Martin, f. 1869, d. ung.  Ola var murar og steinarbeidar og dreiv ogso i lang tid eit stein- og hellebrot ved Bjånes.  Han døydde i 1911 og kona i 1906. 

Mons Olson Heggland, f. 1856, skøytte bruket etter faren i 1903.  Han hadde i 1898 kjøpt eit større stykke av utmarki på Øvreide og lagde det no til bruket.  G. 1885 Marta Ols dtr. ytre Moberg, f. 1860.  Born: Ola, f. 1893, d. ug., Martin, f. 1895, trearbeidar, Gustav, f. 1898, s. n., Matilda, f. 1899, hushjelp, b. Fana, Karl, f. 1903, g. 1932 Magdalena Heggland, s. Øvreide 5.  Eit barn døydde i ung alder.  Mons var bygningsmann og trearbeidar.  Han døydde ved eit uhende under bygningsarbeid i 1911. 
Ekkja Marta Ols dtr. hadde so bruket i 14 år. 

Gustav Monsson Heggland, f. 1898, skøytte bruket etter mori i 1925 og hev det no.  G. 1929 Olina Johans dtr. Ulvundsøen frå Vossestrand, f. 1901.  Born: Mons, f. 1931, Jostein, f. 1935.  Gustav er postberar i ruta Osøyri – Hegglandsdalen. 


HEGGLAND 7 (Eikhaug). 

Fredrik Abrahamson Lunden, f. 1855, kjøpte i 1889 eit jordstykke av br. 2 og rydja og bygde her.  Han hadde fyrr vore arbeidar og gardstyrar på Molda.  G. 1881 Sesilia Nils dtr. Skavhellen (Eide), f. 1856.  Born: Anna, f. 1882, g. 1903 Lars Bjørnarøy, s. Lepsøy 10, Henrietta, f. 1883, g. J. Hagstrøm frå Sverik, i Amerika, Paulina, f. 1884, meierske, b. Fana, Abraham, f. 1885, s. n., Nils, f. 1888, stasjonsvakt, g. Kristianna Førland, b. Jørpeland i Ryfylke, Ingeborg, f. 1889, g. Anders Monsson Hamre i Fana, Fredrik, f. 1891, maskinist, g. b. New Orleans i Amerika, Berta, f. 1893, g. skomakar Cesilius Jensen, b. Bergen, Johan f. 1895, snikkar, g. Kristina Osaland, b. Stavanger, Vilhelmina, f. 1897, g. kjemikar Trygve Sunde, b. Jørpeland, Serina, f. 1899, hushjelp, b. Eikelund i Fana.  Tvo born døydde unge.  Fredrik er treskoarbeidar og driv enno yrket, s. O. B. I 198.  Kona døydde i 1933. 

Abraham Fredrikson Heggland, f. 1885, vart busett hjå faren.  G. 1906 Marta Jons dtr. Øvreide, f. 1885.  Born: Fredrik, f. 1907, s. n., Magdalena, f. 1909, g. 1932 Karl Heggland, s. Øvreide 5, Sofia, f. 1911, g. 1934 Svein Tveit, s. Hauge 40, Jorunn, f. 1915, d. under lauging 1931, Jon, f. 1917, trearbeidar, Alf, f. 1920, trearbeidar.  Abraham er målar.  Han hev i den seinare tid vore tilsett ved jernbanen og er busett på Voss. 

Fredrik Abrahamson Heggland, f. 1907, skøytte bruket etter bestefaren i 1932 og er brukar no.  Fredrik er målar. 


HEGGLAND 8 (Lien). 

Nils Jonson Øvreide, f. 1873, kjøpte i 1924 eit utmarkstykke av verfaren sitt bruk og rydja og bygde her.  G. 1911 Marta Vinsjans dtr. Heggland, f. 1890.  Born: Jon, f. 1911, bygmeistar.  Ein gut døydde ung.  Nils hadde vore mange år i Amerika, og seinare i Odda og Haugesund, fyrr han kom til Heggland.  Han er bygningsmann, og han og huslyden brukar namnet Lien.  Marta hev vore formann i styret for Os gamleheim. 


HEGGLAND 9. 

Jon Vinsjansson Heggland, f. 1899, skøytte i 1929 eit utmarkstykke av farsbruket og busette seg her.  G. 1922 Guro Lars dtr. Hatvik, f. 1898.  Born: Vinsents, f. 1923, trearbeidar, Lars, f. 1929.  Jon er snikkar og arbeidar i ein trevarefabrikk. 


HEGGLAND 10 (Rindarly). 

Ola Larsson Hatvik, f. 1905, skøytte i 1934 eit stykke av verfaren sitt bruk, der han bygde og busette seg.  G. 1933 Borghild Didriks dtr. Heggland, f. 1910.  Born: Dagfinn, f. 1934, Ingunn, f. 1936.  Ola hev fyrr vore sjauffør og er no jord- og steinarbeidar. 


HEGGLAND 11 (Myrland). 

Alfred Johannesson Heggland, f. 1899, kjøpte i 1935 eit større utmarkstykke av broren sitt bruk og rydja og bygde her.  Alfred er snikkar og arbeidar i skifabrikk.