ØVREIDE

Frå OS SOGA III side 705 – 714

74. ØVREIDE 

Namnet er øvre Eide, til skilnad frå gards nr. 72, nedre Eide, som garden er skild ut frå. 

Uttale: Ø’vrei.  

Skrivemåtar: Øffuerey (1605), Øffer Eye, Øffuer Eye, Øffuer Eid, Øffereie, Øfferuold (1634), Øffre Eide, øfre Eye, Øvreeide (1657). 

Garden, som er uppteken frå Eide ikring 1600, ligg ved Tveitavatnet og er grannegard til Heggland.  Øvreide var Lyseklostergard tildess brukarane kjøpte i 1874 – 1876. 

Or gamle matriklar og teljingar: 
1668: Saar 3 stadtztønder, afler 11 tdr., temmelig ager, tyng eng, brendeveed til gaardens fornødenhed, med sedterstoll, paalagt at plante homblehagge.  
1723: Haver sætter og fornøden brendefang ei videre, ingen qvern eller fiskerie, aarvand og middels letvunden.  Nærer sig allene af sin gaards aufling og haver ei leilighed til nogen handel.  
1865: Har 12 maal dyrket ager og eng, deraf 4 maal godt, 4 middels og 4 slet, har 90 maal naturlig england, hvoraf 18 maal godt, 42 middels og 30 slet, 10 maal england er dyrkbart.  Har kun skog til brendefang, føder 2 ungnød ved lyng og skav, er letbrugt og almindelig drevet.  Har sæterbeite, hvorfor betales 1 spd. aarlig. 

Busetnad og buskap. 

	Hus-	Menne-	Hes-	Stor-	Sma-	Gjei-	Svin.	Utsåd		Utsåd
	lydar.	skje.	tar.	fe.	ler.	ter.		korn.		poteter.
1657	1		1	5
1668	2		2	16	12			3	tun
1723	3		2	14	6			4,5	»
1800	2	15
1835	2	18	1	8	20			5	»	3	tun.
1865	2	14	1	24	44		1	9	tun.	9	tun.
1900	4	27	2	20	41		2	7	hl.	20	hl.
1920	6	29	4	23	27		3	14,5	mål	7,2	mål
1930	6	30	2	18	38		1	7	»	6,5	»
1939			4	25	44		4	2	»	5,8	»

ØVREIDE 1 

Helje Øvreide er fyrste mann som me finn nemnd på garden.  Han var brukar her i 1605, og Helje var då rekna millom øydegardsmennene, bureisingsmennene.  Dette tyder på at garden var nyss rydja og bygd, og kannhenda var Helje fyrste mannen som tok bustad her.  Han døydde ikr. 1608. 
Ekkja etter Helje vart brukar, då mannen døydde.  Kva ho heitte, veit me ikkje.  Ho greidde seg godt, og dei siste åri betalte ho større skatt enn mannen hadde gjort i si tid. 

Anders Øvreide bygsla bruket i 1618.  Um han då vart gift med ekkja, eller um han fekk bruket på annan måte, veit me ikkje.  Anders døydde i 1625. 

I 1626 og 1627 finn me ikkje Øvreide nemnd i skattelistone.  Um garden låg øyde desse åri er uvisst.  Det er mest truleg, at ekkja etter Anders hadde bruket, og at ho var so fatig at ho ikkje kom med i skattelistone. 

Nils Øvreide vart brukar i 1628.  Kona hans heitte Sigrid, og av borni veit me um ein son som heitte Simon.  Nils sat godt i det dei fyrste åri, men det gjekk nedover med han, og i 1637 vart det skrive i skatteboki at han var fatigmann.  Truleg hadde han berre vore ute for ei uheppa desse åri, kannhenda hadde husi brunne e. l., for straks etter kom han med i skattelista att og lagde skatt som vanlege bønder i bygdi.  Kvar Nils og fyremennene hans var frå, veit me ikkje. 

Rasmus Øvreide bygsla bruket ikring 1653.  Han var kannhenda son åt Nils Øvreide eller gift med ei dotter hans.  I 1657 brann alle husi på garden, og Rasmus vart no fatigmann.  Han var brukar til ikr. 1663. 

Heile Øvreide var eitt bruk til tunet brann i 1657.  Det vart då tungt for Rasmus å reisa husi uppatt åleme, og Øvreide vart so skift i tvo bruk.  Grannebruki fekk seg tidleg kvar si stova, men i meir enn 150 år hadde dei løda ihop.  Ikkje fyrr i 1821 fekk begge bruki seg løda. 

Hans Jørgenson, f. ikr. 1640, vart brukar ikr. 1663.  Kvar Hans var frå er noko uvisst, men det er mykje truleg at han var son åt Jørgen indre Moberg.  Kona hans, som heitte Gjertrud, f. ikr. 1644, var kannhenda dotter åt Nils Øvreide.  Dei fekk tvo born, men begge døydde unge.  Hans fall frå alt i 1670. 

Erik Pederson Berge, f. ikr. 1641, vart gift med ekkja Gjertrud Øvreide i 1671 og fekk bygsla bruket.  Gjertrud døydde i 1696, og Erik gifte seg att i 1700 med Kari Johannes dtr. Søfteland, f. i Hatvik 1666, som var ekkja etter Helje Søfteland.  Born: Ingjerd, f. 1671, d. ug. 1695, Agneta, f. 1672, g. 1700 Jørgen Moberg, s. Søfteland 2, Anna f. 1673, d. ug. 1695, Jørgen, f. 1675, g. 1696 Kari ytre Moberg, s. indre Moberg 4, Peder, f. 1679, g. 1706 Eli øvre Rød, s. ø. R. 1, Nils, f. 1687, g. 1716 Kristi Søfteland, s. Gåssand 1, Lars, f. 1701, g. 1718 Anna Lien, s. L. 1, Gjertrud, f. 1704, s. n.  Tvo born døydde unge.  Erik var ein drivande kar og sat godt i det.  Han døydde på Moberg i 1724 og kona i 1720. 

Bård Bårdson Bjånes, f. 1676, bygsla bruket i 1704.  Han hadde fyrr vore gardstyrar på Molda, s. M. 1.  G. I 1699 Ragnhild Nils dtr. Tøsdal, f. 1675, d. 1699, g. II 1701 Elsebet Ols dtr. Øvreide, f. 1674.  Born: Samson, f. 1703, d. ung, Ola, f. 1707, s. n.  Bård døydde i 1728 og Elsebet i 1748. 

Ola Bårdson Øvreide, f. 1707, bygsla bruket då faren døydde.  G. 1728 Gjertrud Eriks dtr. Øvreide, f. 1704, som var dotter åt den fyrre mannen på bruket, s. o.  Born: Elsebet, f. 1729, g. 1763 Elling Larsson Storebø i Austevoll, Bård, f. 1734, s. Midthus 1, lngeleiv, f. 1737, g. 1764 Anders Øvredal, s. Ø. 1, Erik, f. 1744, var 60 tumar høg og vart utskriven til soldat i 1764, men døydde året etter, Kari, f. 1747, s. n.  Tvo gutar døydde unge.  Ola hadde odelsrett til eit bruk på Midthus og vilde ha dette til ein son sin.  Då han skulde ta bruket i 1758, greidde han ikkje å skaffa pengar til odelsløysingi og måtte difor «lyse sin pengemangel» på tinget.  Året etter greidde han då skrapa ihop pengane og løyste bruket.  Ola var ein vyrd mann i bygdi og gjorde tenesta som lagrettemann i mange år.  Han døydde i Øvredal 1787 og kona i 1784. 

Ola hadde desse husi på bruket sitt: Ei røykstova med timbra kove og ei sval attåt, ei sengebud med sval, ei matbud med ein timbra kove, eit eldhus med ei sval og vedskytja attåt, eit fjos med sval og eit sauehus ved bøgjerdet.  Løda hadde begge grannane ihop.  Skiftet millom Øvreide og Heggland var greidt solangt det gjekk bøgjerde, men i utmarki gjekk skiftet berre «efter sagn og kan», d.v. s. utan synlege merke. 

Peder Nilsson Gjemdal, f. 1745, vart i 1767 gift med Kari Ols dtr. Øvreide, f. 1747, og fekk året etter bygsla bruket etter verfaren.  Born: Nils, f. 1769, g. 1800 Magdela Tuen, s. Lunden 3, Ola, f. 1772, Mari, f. 1776, Gjertrud, f. 1779, g. 1806 Jon Sandvik, s. Lunden 3.  Peder vart sjuk og let bruket frå seg i 1780.  Året etter døydde han.  Kona fekk spillesykja og vart lagt inn på «Spetalen» i Bergen.  Borni måtte fara or heimen, og me finn berre tvo av dei att i Osbygdi. 

Tomas Olson Tveit, f. 1730, tok stjorningi av bruket i 1780 og fekk bygsla det i 1784.  Han hadde fyrr havt eit bruk på Ulven, s. U. 1.  G. 1774 Anna Knuts dtr. Høysæter frå Samnanger, f. 1750.  Av 12 born vaks 6 upp: Marta, f. 1777, g. 1812 Johannes Tveit, s. T. 2, Sesilia, f. 1779, g. Elias Villumsen, b. Bergen, Knut, f. 1780, s. n., Anna, f. 1783, g. 1820 Lars Øvreide, s. Tveit 3, Brita, f. 1785, sinnsjuk, Gunvor, f. 1790, g. 1814 Jørgen Heggland, s. H. 2.  Tomas var ein drivande kar og arbeidde seg fram til ein velstandsmann. 
Sjå meir um han under Ulven 1. Tomas døydde i 1812 og kona i 1813. 

Knut Tomasson Øvreide, f. 1780, bygsla farsbruket i 1811.  G. 1810 Marta Ols dtr. Eide, f. 1775.  Born: Tomas, f. 1814, s. n., Anna f. 1815, ug., Agata, f. 1819, g. 1849 Ola Nilsson Ådland i Fusa.  Ein gut døydde ung.  Knut vart utskriven til sjøvernet i 1801 og var med i dei fyrste ufredsåri 1808 – 1814.  Han døydde i 1857 og kona i 1852. 

Tomas Knutson Øvreide, f. 1814, bygsla bruket etter faren i 1844.  G. I 1843 Ingeborg Ols dtr. Eide, f. 1815, d. 1847, g. II 1848 Agata Nils dtr. Ådland, f. 1826.  Born: Marta, f. 1844, g. 1870 Ola Engjelson Sandvik frå Samnanger, b. Årstad ved Bergen, Knut, f. 1849, s. br. 3, Nils, f. 1852, s. n., Ingeborg, f. 1854, g. Elling Andersson Myking, b. Moldekleiv i Alversund, Eivind, f. 1857, paktar, g. b. Landås ved Bergen, Anna, f. 1866, g. arbeidar Kristian Olson Starefos, b. Solheimsviki, Ola, f. 1871, gardbrukar, g. Marta Knuts dtr. Haugland frå Kvinnherad, b. Kvinnherad.  5 born døydde unge.  Tomas var trearbeidar.  Han døydde i 1888 og Agata i 1907. 

Nils Tomasson Øvreide, f. 1852, kjøpte farsbruket av Lysekloster i 1876, saman med broren Knut, for 740 spd.  Året etter vart bruket skift i tvo partar, og broren, som fekk eine parten, skipa då eit nytt bruk, s. br. 3.  Nils vart gift i 1875 med Marta Ols dtr. Ådland frå Fusa, f. 1852.  Born: Agata, f. 1875, g. steinarbeidar Kristian Fimmeland frå Naustdal, b. Nesttun i Fana, Tomina, f. 1879, g. gardbrukar Simon Skage, b. Fana, Tomas, f. 1881, s. n., Engelina, f. 1883, hushjelp, b. Fana, Kari, f. 1885, g. e. Kristian Kristoffersen, b. Bergen, Malena, f. 1888, g. steinarbeidar Jørgen Monsson Bø, b. Nesttun i Fana, Oleanna, f. 1892, strikkerske, b. Nesttun, Gurina, f. 1894, b. Tønsberg.  Fosterson: Magnus, f. 1902, motormann, d. ug. 1937.  Eit barn døydde i ung alder.  Nils var bygningsmann og var i mange år postberar til Hegglandsdalen.  Han hadde mange kommunale yrke og var mykje nytta som skyns- og utskiftingsmann.  Nils døydde i 1939 og kona i 1916. 

Tomas Nilsson Øvreide, f. 1881, skøytte farsbruket i 1908.  G. 1905 Gjertrud Lars dtr. Titleatad frå Fana, f. 1879.  Born: Anna f. 1906, syerske, Nils, f. 1908, s. n., Lisa, f. 1911, g. 1935 Anton Ingebrigtsen, s. Os 32, Lars, f. 1914, g. 1937 Magnhild Bakervik, s. Os 35, Tora, f. 1917, hushjelp.  Tomas og Gjertrud vart ikkje gamle folk.  Han døydde i 1930 og ho i 1921. 

Nils Tomasson Øvreide, f. 1908, skøytte bruket etter faren i 1930 og hev det no.  G. 1934 Hilda Jakobs dtr. Bremnes frå Gulen, f. 1903.  Born: Tormund, f. 1936, Jonvald (tvilling), f. 1939, Greta, f. 1939.  Sonen Tormund er eigar av bruket frå 1937. 

ØVREIDE 2. 

Paul Øvreide var husmann på garden i 1645.  Han var gift med ei som heitte Marta.  Um Paul berre hadde hus, eller um han ogso hadde eit jordstykke attåt, veit me ikkje. 

Ola Larsson fekk bygsla halve Øvreide, då garden vart skift i tvo partar etter brannen i 1657.  Kvar Ola var frå, veit me ikkje.  I eit manntal 1663 stend han skriven for Ola Monsson, men Ola Larsson er truleg rette namnet hans.  Han var gift med ei som heitte Brita.  Av borni kjenner me berre tvo: Lars, f. 1670, s. n., Elsebet, f. 1674, s. br. 1.  Ola døydde i 1691 og kona ei tid etter. 

Lars Olson Øvreide, f. 1670, bygsla bruket då faren døydde.  G. 1691 Brita Johannes dtr. Hatvik, f. 1667.  Dei var barnlause.  Lars var smed.  I 1720 let Lars halve bruket frå seg, men hadde sjølv resten til han døydde i 1736.  Kona fall frå i 1733. 

Hans Knutson Øvredal, f. 1690, bygsla halve bruket i 1720 og busette seg her.  Då Lars døydde i 1736, fekk Hans ogso bygsla den andre halvparten og hadde bruket samla.  G. 1720 Magdela Lars dtr. Søfteland, f. 1689, som var systerdotter åt gamlekona i huset.  Born: Knut, f. 1720, Kari, f. 1723, Mari, f. 1726, s. n., Brita, f. 1729, g. 1751 Hans Heggland, s. H. 4.  Hans fekk spillesykja og vart lagt inn på «Spetalen» i Bergen 1746, men døydde straks etter.  Dei tvo eldste borni reiste ut, og me finn dei ikkje att i Osbygdi. 
Ekkja Magdela Lars dtr. hadde so bruket nokre år.  Ho fall frå i 1767. 

Lars Kristofferson Austestad frå Fusa, f. ikr. 1723, vart i 1750 gift med Mari Hans dtr. Øvreide, f. 1726, og fekk same året bygsla bruket etter vermori.  Av 3 born vaks tvo upp: Kristoffer, f. 1753, g. 1788 Synneva Albrigts dtr. Grindevoll, Lars, f. 1756, s. n.  Lars dreiv med sjøen og greidde seg tolleg godt.  Han døydde i 1784 og kona i 1805. 

Då Lars kom til Øvreide, var desse husi på bruket hans: Ei røykstova med timbra kove og ei lang sval attåt, ei gamall røykstova med sval og skot, ei sengebud med tvo svaler attåt, ei matbud med attåtbygd kove, eit eldhus med vedskytja attåt i eine gavlen, eit fjos med tvo svaler, hestestall, eit sauehus ved bøgjerdet, kvernhus, og ei mura smidja, som då vart brukt til å ha høy og lauv i.  Løda hadde begge grannane ihop.  Alle husi var i tolleg god stand, og det var ikkje nokon gard i Osbygdi på dei tider, der kvart bruk slik som her hadde umlag alle husi på bruket for seg sjølv. 

Lars Larsson Øvreide, f. 1756, bygsla bruket etter faren i 1783.  G. 1783 Magdela Hans dtr. Heggland (syskinborn), f. 1761.  Born: Lars, f. 1783, g. ikr. 1815 Marta Østens dtr., s. Tveit 3, Paul, f. 1787, g. 1820 Brita Kismul, s. Særvoll 4, Svein, f. 1790, g. 1821 Kristi Sveen, s. Os 2, Mari, f. 1792, fekk spillesykja og kom på «Spetalen» i Bergen, Brita, f. 1794, s. n., Hans, f. 1796, kom burt på sjøen under vårsildfisket «galnemåndagen» 1822, Magdela, f. 1801, d. ug. 1874, Anna, f. 1802, ug.  3 gutar døydde unge.  Lars dreiv med sjøen og greidde seg tolleg godt trass den store huslyden sin.  Torstein Spansteig heldt skule i stova åt Lars, og kona i huset, Magdela, kom då i håri på skulehaldaren slik at han tok henne for retten.  Då Magdela hadde fenge stemningi ein sundagsmorgon og ikkje ein vyrkedag, lagde futen saki burt, og Magdela slapp lett frå striden.  Lars døydde i 1829 og Magdela i 1840.  Dei 3 eldste sønene åt Lars måtte vera med i ufreden 1808 – 1814.  Den eldste, Lars, som var 64 tumar høg, vart utskriven i 1804 og måtte gjera tenesta i heile ufreden.  Paul var liten, berre 61 tumar, men vart som «frisk og dygtig» utskriven i 1810 og måtte til grensa.  Svein, som var størst av brørne, 66½ tumar høg, vart utskriven frå nyttår 1813 og var ute dei tvo siste ufredsåri. 

Nils Olson Gåssand, f. 1786, vart i 1820 gift med Brita Lars dtr. Øvreide, f. 1794, og fekk same året bygsla bruket etter verfaren.  Born: Magdela, f. 1825, g. 1858 Lars Utgjerdet, s. Tveit 3, Brita, f. 1823, Ola, f. 1825, s. n., Lars, f. 1828, d. ug. 1857, Kari, f. 1831, g. 1858 e. Vinsjans Sveinson Samnøy i Fusa, Svein, f. 1834, g. 1878 Kristi Kristians dtr. Særvoll, b. Særvoll i Strandvik, s. Ulven 5, Anna f. 1840, g. 1866 Svein Vinsjansson Samnøy i Fusa.  Nils var tresko- og trearbeidar.  Han døydde i 1869 og kona i 1866. 

Ola Nilsson Øvreide, f. 1825, bygsla farsbruket i 1860.  G. 1859 Kari Nils dtr. Ådland frå Samnanger, f. 1830.  Dei hadde ikkje born.  I 1874 kjøpte Ola bruket av Lysekloster for 630 spd. og selde det året etter for 800 spd.  Ola var treskoarbeidar.  Han døydde i 1887 og kona i 1902. 

Jon Sveinson Sælen, f. 1838, kjøpte bruket i 1875 og flutte til Øvreide året etter.  Han hadde fyrr vore busett i Lysøy og Sagstad, s. Lysøy 1.  G. 1867 Magdela Torkjells dtr. Holelien (Holen), f. 1845.  Born: Kristi, f. 1867, g. 1889 Vinsjans Heggland, s. H. 4, Svein, f. 1869, s. n., Torkjell, f. 1871, sjømann, d. ug. 1894, Nils, f. 1873, g. 1911 Marta Heggland, s. H. 8, Karina, f. 1876, s. br. 4, Johan, f. 1879, snikkar, g. 1904 Anna Mons dtr. Bø, b. Haugesund, Elise, f. 1882, g. 1907 Engel Søviknes, s. Søvik 7, Marta, f. 1885, g. 1907 Abraham Heggland, s. H. 7.  Jon dreiv med murar- og steinarbeid attåt gardsbruket.  Han døydde alt i 1886. 
Ekkja Magdela Torkjells dtr. hadde so bruket nokre år.  Ho døydde i 1908. 

Svein Jonson Øvreide, f. p. Sagstad 1869, skøytte bruket etter mori i 1895.  G. 1895 Ingjerd Olais dtr. Hatletveit frå Strandvik, f. 1872.  Born: Jon, f. 1896, s. n., Engjel, f. 1897, g. 1922 Olga Olsen, s. Kuven 31, Anna, f. 1898, s. br. 4, Torgny, f. 1901, handelsbetjent, Klara, f. 1903, bakeriarbeidar, b. Bergen, Ingvald, f. 1904, målar, g. 1935 Karen Nils dtr. Bø, b. Bergen, Laura, f. 1907, g. frukthandlar Anton Madsen, b. Bergen, Olaf, f. 1909, g. Klara Sjursen, s. Osøyri 6, Magdalena, f. 1911, Sverre, f. 1913, mekanikar.  Eit barn døydde i ung alder.  Ikr. 1921 flutte Svein til eit anna bruk på garden, s. br. 4, der ein finn meir um han. 

Jon Sveinson Øvreide, f. 1896, vart brukar då faren flutte til br. 4, og han fekk skøyte på farsbruket i 1932.  G. I 1918 Inga Nils dtr. Midtsæter, f. 1897, d. 1923, g. II 1926 Vilhelmina Eriksen frå Askøy, f. 1905.  Born: Svein, f. 1919, slaktar, Nils, f. 1921, trearbeidar, Edvin, f. 1926, Johan, f. 1929, Inger, f. 1932, Vilhelm, f. 1935.  Jon driv med krøterhandel og skogdrift.  Han hev ogso havt landhandel og drive biltransport. 

ØVREIDE 3. 

Knut Tomasson Øvreide, f. 1849, fekk dette bruket då br. 1 i 1877 vart skift i tvo partar.  G. 1876 Kriatina Johannes dtr. Matland frå Fusa, f. 1845.  Born: Johannes, f. 1877, murmeistar og fabrikkeigar, g. 1899 Gunhild Svendsen, b. Stavanger, Tomas, f. 1881, s. n., Kristina, f. 1885, g. gardbrukar Andreas Nilsson Skjold i Fana, s. F. B. 328.  Knut var ei tid sjømann og dreiv seinare med bygningsarbeid.  Han døydde i 1937 og kona i 1918. 

Tomas Knutson Øvreide, f. 1881, skøytte farsbruket i 1909 og hev det no.  G. 1907 Ranveig Ols dtr. Lægreid frå Årdal i Sogn, f. 1880.  Born: Thea, f. 1908, hushjelp, Knut, f. 1911, skomakar og linjearbeidar.  Tomas driv skomakararbeid attåt gardsbruket. 

ØVREIDE 4 (Solberg). 

Aksel Olaison Hatletveit (Kråkevik) frå Strandvik, f. 1876, busette seg i 1898 på eit jordstykke som verbroren då hadde skilt ut frå sitt bruk, s. br. 2.  I 1904 fekk Aksel skøyte på stykket.  Han hadde ei tid vore busett i Kilen under Berge og flutte huset sitt derfrå til Øvreide.  G. 1896 Anna Karina (Kaia) Jons dtr. Øvreide, f. 1876.  Born: Lisa d. e., f. 1896, d. ug. ikr. 1916, Jenny, f. 1898, g. tobakkshandlar Pedersen, b. Haugesund, Lars, f. 1900, snikkar, g. b. Haugesund, Anna, f. 1903, g. sjauffør Pedersen, b. Haugesund, Malla, f. 1906, g. handelsmann Svineli, b. Haugesund, Aslaug, f. 1909, g. b. Haugesund, Jon, f. 1911, støypearbeidar, g. b. Haugesund, Lisa d. y., f. 1916, butikkgjenta, b. Haugesund.  Aksel var bygningsmann og dreiv ogso ei tid som byggmeistar.  I 1912 flutte han til Haugesund, der huslyden sidan vart buande.  Aksel som tok etternamnet Solberg, døydde i Oslo ikr. 1930.  Kona er framleis busett i Haugesund. 

Svein Jonson Øvreide, f. 1869, som hadde selt bruket i 1904, tok bruket att då Aksel flutte burt og busette seg her ikr. 1921.  Han hadde fyrr havt br. 2, og ein finn meir um han og huslyden hans der.  Svein hev vore murar og steinarbeidar.  Han selde bruket til versonen i 1936, men er framleis busett her.  Kona døydde i 1933. 

Anton Johanson frå Sevonlinnan i Finnland, f. 1895, var busett hjå verfaren og fekk skøyte på bruket i 1936.  G. 1922 Anna Sveins dtr. Øvreide, f. 1898.  Born: Maria, f. 1923.  Anton hev fyrr drive med jord- og steinarbeid og er no linjearbeidar ved elektrisitetsverket i Os. 

ØVREIDE 5 (Lauvåsen). 

Karl Monsson Heggland, f. 1903, skøytte eit stykke av br. 1 i 1934 og bygde her.  G. 1932 Magdalena Abrahams dtr. Heggland, f. 1909.  Born: Magne, f. 1934, Arne f. 1938.  Karl er sjauffør og driv kjøring med eigen lastebil.