Gards og Ættesoga

GJEMDAL

Publisert

Frå OS SOGA III side 746 – 757 


78. GJEMDAL.

Namneupphavet er eit gamallt elvenamn, Gefna eller Gemna, samansett med dal.  Det eldste namnet på garden hev soleis vore Gefnudale eller Gemnudale, sjå namnet i 1320.  Elvenamnet heng saman med det gamallnorske gefa, gjeva, her ei elv som gjev mykje fisk. 

Uttale: Jæ’mmdal.  

Skrivemåtar: af Gæfnudale (1320), Gemdal (1519), Giemdal (1563), Giemmdal (1567), Giemdall (1591), Gemdall, Giembdal, Giembdall, Giembdaall, Gimdall, Jemdall (1778), Jemdal, Hjemdal (1785)  

Garden ligg i sørhallet under Rødfjellet, på austsida av elvi som kjem ned dalsøkket millom Rødfjellet og Møsnuken.  Apostelkyrkja i Bergen åtte garden til 1653, då den vart seld til ymse kjøparar.  Hans Lundarvik kjøpte ein part, og frå han gjekk den til lensmannsætti på Hauge, noko gjekk til Hans Hatvik og arvingane hans i Håvik, o. a. st., og noko vart kjøpt av Lars Søfteland og andre bønder i Osbygdi.  Sjå ogso um eigarane under dei einskilde bruki. 

Or gamle matriklar og teljingar: 
1668: Saar 4 stadtztønder, afler 13½ tdr., temmelig agger og eng sampt fehagge med sedter, paaleggis at plante homblehagge og forbedre jorden.  
1723: En sætter som bruges til hougebete, brendefang og ei videre, en liden flomqvern, allene til huusfornødenhed, noget tungvunden og maadelig jordart.  Ingen næring uden allene af gaardens aufl. 
1865: Hjemdal med 2 pladse: Har 17 maal dyrket ager og eng, deraf 4 maal godt, 5 middels og 8 slet, har 93 maal naturlig england, hvoraf 15 maal godt, 37 middels og 41 slet, af englandet kan 8 maal dyrkes.  Har skog til husbrug men 2 av brugene kun til ½ husreparation, intet at sælge, føder 2 kjør og 1 ungnød ved lyng, er middels at bruge og almindelig drevet.  En bæk foraarsager tildels skade.  

Busetnad og buskap.

Hus-Menne-Hes-Stor-Sma-Gjei-Svin.UtsådUtsåd
lydar.skje.tar.fe.ler.ter.korn.poteter.
16573 224     
16683 22418  4tun 
17232 22012  5» 
1800319       
1835635114161627,5»4tun.
18655372276036212,3»11tun.
190032332342 310,5hl.20hl.
192041832524 315,3mål7mål
193031632458 27,2»6»
1939  33050 52»6,5»


GJEMDAL 1. 

Bronniolff i Gemdal (Brynjulf Gjemdal) var brukar i 1519 og er fyrste mannen som me finn namngjeven her.  Han hadde heile garden. 

Mons Gjemdal hadde garden i 1563, men let den frå seg straks etter. 

Knut Gjemdal var brukar i 1567. 

Ola Gjemdal hadde garden i 1591, og hadde truleg fenge den etter Knut.  Ola var brukar til ikr. 1608. 

Erik Gjemdal vart brukar etter Ola, som truleg var far hans.  Erik var gift, men me veit ikkje namnet på kona hans.  Av borni kjenner me: Mons, f. ikr. 1608, s. br. 2, Dordi, f. ikr. 1620, s. n. Agata Hjelle, f. ikr. 1615, s. H. 1, Johannes Tømmernes, f. ikr. 1616, s. T. 1, og Nils Lunden, f. ikr. 1626, s. L. 1, var tvillaust ogso borni hans.  Erik greidde seg tolleg godt på garden.  Då eldste sonen vart vaksen i 1627, let faren han få fjordeparten av garden, s. br. 2.  Erik døydde i 1629. 
Ekkja etter Erik hadde bruket i heile 13 år etter at mannen fall frå.  Ho greidde seg like godt som mannen hadde gjort.  Då dotteri Dordi vart vaksi og gifte seg, let ho bruket frå seg.  Ho let då sonen på br. 2 få so mykje av gamlebruket, at begge bruki vart jamstore.  Ekkja døydde ikr. 1650. 

Erik Olson, f. ikr. 1622, vart i 1642 gift med Dordi Eriks dtr. Gjemdal, f. ikr. 1620, og fekk bygsla bruket etter vermori.  Dordi døydde ikr. 1650, og Erik gifte seg att med ei som me ikkje veit namnet på.  Av borni kjenner me berre tvo: Ola, f. ikr. 1648, s. n., Dordi, f. ikr. 1650, g. 1675 Knut ytre Moberg, s. y. M. 2.  Me finn 3 gjentor på Gjemdal som var fadrar i 1670 åri, Magdela, Brita og Herborg, og truleg var ogso dei døtterne åt Erik.  Kvar Erik var frå, veit me ikkje.  Han sat tolleg godt i det.  Erik hadde ogso ein husmann, Johannes, på bruket i si tid.  Kvar husmannsplassen låg på garden, veit me ikkje. 

Ola Erikson Gjemdal, f. ikr. 1648, bygsla bruket etter faren ikr. 1670.  Han vart då gift med ei som heitte Marta, f. ikr. 1642, og som tvillaust var dotter åt Hans Lønningdal.  Kona på det andre bruket hadde same namnet og skulde då vera syster hennar, noko som er mykje truleg.  Det hende jamt i dei tider at tvo systrer hadde same namnet.  Ola hadde 10 born, og av dei vaks 9 upp: Anna, f. 1674, g. 1704 Ola øvre Rød, s. ø. R. 2, Dordi, f. 1676, g. 1703 Lars Skjeie, s. indre Tuen 3, Erik, f. 1677, g. 1702 Marta Torgeirs dtr., s. Spansteigen 1, Kari, f. 1679, g. 1723 Mikkjel ytre Moberg, s. y. M. 5, Sesilia, f. 1681, s. n., Hans, f. 1684, g. 1717 Ragnhild Klyva, s. nedre Rød 1, Nils, f. 1688, Mari, f. 1691, Ola, f. 1694, g. 1716 Kari Tøsdal, s. T. 1.  Ola var ein vyrd mann i bygdi og var lagrettemann i mange år.  Ola døydde i 1728 og Marta i 1729. 

Mons Olson ytre Tuen, f. 1676, vart i 1720 gift med Sesilia Ols dtr. Gjemdal, f. 1681, og fekk bygsla bruket etter verfaren.  Sesilia vart fyrste gong gift i 1717 med Arne Arneson Kvernes frå Samnanger og ho fekk eit barn med han, men både mannen og barnet døydde i 1718.  Mons og Sesilia fekk 4 born: Ola, f. 1722, s. n., Mari, f. 1723, g. 1745 Størk Midthus, s. M. 2, Paul, f. 1725, Brita, f. 1727.  Mons greidde seg godt på garden.  Han døydde i 1742. 
Ekkja Sesilia Ols dtr. hadde so bruket nokre år.  Ho fall frå ikr. 1760. 

Ola Monson Gjemdal, f. 1722, bygsla bruket etter mori i 1745.  G. 1746 Kari Ols dtr. Tøsdal (syskinborn), f. 1718.  Av 5 born vaks berre tvo upp: Brita, f. 1746, s. br. 2, Mons, f. 1752, vart gift og busett i Bergen, og hadde m. a. tvo born: Karen Hiemdal, g. i Bergen 1805, og Ola Hiemdal, g. i Bergen 1808.  Ola sat tungt i det og greidde seg ikkje på bruket. 
Alt i 1753 måtte han lata det frå seg og flutte med huslyden sin til Bergen, der han sidan vart buande. 

Nils Larsson Gjemdal, som hadde br. 3, bygsla ogso dette bruket i 1754.  Han dreiv no begge bruki saman i heile 23 år.  Sjå um Nils under br. 3. 

Jens Tomasson Femsteinevik frå Varaldsøy, f. 1728, kjøpte storparten av bruket i 1777 for 210 dalar av Hans Hauge, som hadde arva det etter verfaren lensmann Vinsjans Hauge.  Året etter kjøpte Jens resten av bruket for 78 dalar hjå Ola Alvson Skår, som ogso hadde arva sin part etter Vinsjans Hauge.  Jens lånte 160 dalar av kjøpesumen hjå Lars Hjortås på Hatlestrandi og busette seg på Gjemdal.  Han var gift 1772 i Kvinnherad med Brita Lars dtr. Eikeland, f. 1731.  Born: Engjel, f. 1772, s. n., Brira, f. 1773, d. ug. 1842.  Jens var ein drivande kar og arbeidde seg godt fram.  Han var av skotsk ætt.  Mori heitte Rosamunde.  Tipoldefaren Lauritz Davidsøn kom frå Skotland ikr. 1662, og han var etter ættefråsegni av den gamle skotske adelsætti Maxwell.  Ein kann fylgja denne ætti attende til ikr. år 1000.  Jens døydde i 1797 og kona i 1796. 

Engjel Jensson Gjemdal, f. p. Eikeland i Kvinnherad 1772, skøytte bruket av faren i 1792 for 200 dalar.  G. 1796 Anna Rasmus dtr. Boga frå Fusa, f. 1775.  Av 12 born vaks 10 upp: Synneva, f. 1798, d. ug. 1842, Marta, f. 1800, g. 1834 Johannes Spansteigen, s. S. 1, Anna, f. 1801, s. br. 4, Jens, f. 1804, s. n., Mons, f. 1808, d. ug. 1826, Ingjerd, f. 1810, g. 1834 Ola Midthus, s. M. 2, Guro, f. 1816, g. 1846 Anders Sveinson Boga i Fusa, Lars, f. 1818, tente hjå Jon Rød og drukna saman med han 1853, Engjel, f. 1821, s. br. 2, Ragnhild, f. 1813, g. 1848 Johannes Midthus, s. M. 5.  Engjel sat godt i det likeins som faren.  Han døydde i 1841. 

Jens Engjelson Gjemdal, f. 1804, skøytte farsbruket i 1835.  G. 1836 Agata Jørgens dtr. nedre Rød, f. 1811.  Born: Engjel, f. 1841, s. n., Anna, f. 1843, g. 1871 Ola Midthus, s. M. 2.  Ein gut døydde ung.  Jens greidde seg godt på garden.  Han døydde alt i 1844. 

Anders Olson Solås frå Hålandsdalen, f. 1811, vart i 1845 gift med ekkja Jørgens dtr. og fekk skøyte på bruket, som var verdsett til 400 spd.  Born: Marta, f. 1846, g. 1866 Hans Lønningdal, s. L. 1, Ola (tvilling), f. 1848, g. 1877 Anna Heggland, s. H. 5, Jørgen, f. 1850, g. 1878 Kari Torbjørns dtr. nedre Rød, b. Bergen, Kari, f. 1853, g. 1880 Nils Sundøy, s. S. 2.  Tvo born døydde unge.  Anders var trearbeidar og kjørlemakar.  Han døydde i 1900 og kona i 1893. 

Engjel Jensson Gjemdal, f. 1841, skøytte bruket etter mori og stykfaren i 1869.  G. 1872 Agata Jørgina Ols dtr. Lyssand, f. 1847.  Born: Jens, f. 1874, d. ug. 1901, Ola, f. 1876, s. n., Agata, f. 1879, d. ug. 1903, Jørgina, f. 1882, strikkerske, b. Haugesund, Jørgen, f. 1885, g. 1914 Ingeborg Bø, s. Bø 2, Henrik, f. 1889, handelsmann, g. 1913 Inga Jons dtr. Selsvoll frå Strandvik, b. Haugesund.  Engjel dreiv med treskoarbeid attåt gardsbruket.  Han døydde i 1921 og kona i 1918. 

Ola Engjelson Gjemdal, f. 1876, skøytte farsbruket i 1907 og vart brukar.  G. 1905 Marta Ols dtr. Tøadal, f. 1876.  Born: Ågot, f. 1907, g. 1939 Jon Lundetræ, s. Lunden 3, Marta, f. 1910, d. ug. 1932, Ingjald, f. 1912, s. n., Olaug, f. 1915, hushjelp, Harald, f. 1921.  Ei gjenta døydde ung.  Ola hev vore med i ymse kommunalt arbeid og hev m. a. vore formann i liknings- og overlikningsnemndi. 

Ingjald Olson Gjemdal, f. 1912, skøytte bruket etter faren i 1941 og hev det no.  G. 1941 Marta Johannessen frå Fitjar. 


GJEMDAL 2. 

Mons Erikson Gjemdal, f. ikr. 1608, festa dette bruket, då det vart skilt ut frå br. 1 i 1627.  Mons fekk til å byrja med berre ein fjordepart av garden, som faren då hadde, men i 1642 fekk han ein fjordepart til, so at dei tvo bruki på Gjemdal vart jamstore.  Mons var gift med ei som heitte Kari.  Kvar ho var frå, veit me ikkje.  Av borni kjenner me: Erik, f. ikr. 1633, s. n., Hans, f. ikr. 1647, var ungkar i 1670 åri, Lars, f. ikr. 1654, s. n.  Truleg var ogso Nils Gåssand, f. ikr. 1635, s. G. 1, son hans og kannhenda Johannes øvre Rød, s. ø. R. 1, likeins.  Mons livde til fram i 1670 åri. 

Erik Monsson Gjemdal, f. ikr. 1633, vart brukar saman med faren ikr. 1655.  Etter 1670 hadde han bruket åleine.  Han vart gift fyrste gong ikr. 1660 med ei som heitte Anna.  Ho døydde i 1669, og Erik gifte seg att året etter med Marta Hans dtr. Lønningdal, f. ikr. 1648.  Av borni kjenner me: Ola, f. 1661, Mons, f. 1665, g. 1689 Anna Sanden, s. S. 1, Lars, f. 1669.  Då faren fall frå, måtte borni reisa ut, og me finn berre eine sonen att i Osbygdi.  Erik døydde alt i 1680. 
Ekkja greidde ikkje å sitja med bruket og let det frå seg til bror åt mannen.  Ho døydde i 1720. 

Lars Monsson Gjemdal, f. ikr. 1654, bygsla bruket etter broren.  G. ikr. 1675 Marta Johannes dtr. nedre Rød, f. ikr. 1655.  Born: Mons, f. 1675, g. 1698 Marta Gåssand, s. G. 1, Mari, f. 1682, s. n., Johannes, f. 1687, Ragnhild, f. 1691, Kari, f. 1694.  Ei gjenta døydde ung.  Lars sat tungt i det, og borni måtte fara or heimen so snart dei vart vaksne.  Me finn berre dei tvo eldste att i Osbygdi.  Lars døydde i 1709 og kona nokre år etter. 

Peder Olson Tøsdal, f. 1682, vart i 1703 gift med Mari Lars dtr. Gjemdal, f. 1682, og fekk bygsla bruket etter verfaren.  Born: Peder d. e., f. 1704, g. 1730 Brita Ols dtr., b. p. Bastaneset under Boga i Fusa, Lars, f. 1706, g. 1729 Brita Spansteigen, s. Lepsøy 5, Mari, f. 1708, s. br. 3, Kristen, f. 1711, g. 1734 Kristi Gåssand, s. G. 1, Peder d. y., f. 1720 etter faren sin død, d. ug. 1741.  Tvo born døydde unge.  Peder var soldat i 1712, og vart med i den store ufreden.  Han døydde alt i 1719. 
Ekkja Mari Lars dtr. hadde so bruket nokre år.  På tinget i 1716 vart det tinglese bygselsetel på bruket til ein Anders Andersson, men han kom tvillaust ikkje til Gjemdal.  Peder som hadde bruket var rettnok på dei tider ute i ufreden, og det var heilt uvisst um han kom att, men at ein annan mann fekk bygsla bruket fyreåt for å kunne gifta seg med ekkja når Peder var fallen, tykkjest vera vel mykje av det gode.  Etter tingboki ser det likevel slik ut. 

Halvard Jonson Hafskor frå Fusa, f. 1698, vart gift med ekkja Mari Lars dtr. i 1727 og fekk bygsla bruket.  Mari døydde i 1767, og Halvard gifte seg att året etter med Brita Ols dtr. Gjemdal, f. 1746.  I fyrste giftarmålet sitt fekk Halvard ein gut som døydde tidleg, og andre giftarmålet var barnlaust.  Då ei dotter åt Mari frå fyrste giftarmålet vart vaksi og gifte seg i 1740, vart bruket skift i tvo like partar, og dotteri fekk eine parten, s. br. 3.  Begge partane ihop vart då verdsette til 54 dalar.  Halvard sat sverande tungt i det, og skuldi hans var større enn verdet av det han åtte.  Han døydde i 1776, og ekkja gifte seg att 3 år etter med Ola Halhjem, s. H. 2. 

Torbjørn Torbjørnson Håvik, f. p. Tveit i Strandvik 1743, bygsla bruket og flutte hertil i 1776.  Engjel Håvik, som åtte storparten av bruket, var bror åt stykfar hans.  I 1778 kjøpte han bruket av Engjel Håvik, som let 90 dalar stå i bruket.  Samstundes kjøpte Torbjørn ogso br. 3 av Ola Alvson Skår, s. br. 3.  Torbjørn var gift 1775 med Kristi Anders dtr. Hauge frå Strandvik, f. 1751.  Born: Anders, f. 1775, g. 1805 Brita Berges dtr. Eikeland, b. Håvik, Torbjørn, f. 1777, d. 1795, Jon, f. 1779, g. 1816 Agata Hans dtr. Djupvik i Strandvik, b. Djupvik, Kari, f. 1783, busett i Håvik 1801, Magdela, f. 1785, g. ikr. 1808 Berge Bergeson Eikeland, Nils, f. 1787, ug., b. Håvik.  3 born døydde unge.  Både Jon og mannen åt Magdela kom burt på sjøen «galnemåndagen» i 1822, og Magdela vart gift att til Gjemdal, s. br. 3.  Torbjørn var ein drivande kar, og berre 10 år etter at han kom til Gjemdal, hadde han betalt storparten av skuldi si til Engjel Håvik.  I 1792 flutte Torbjørn attende til Håvik, der han sidan vart buande.  Han døydde i 1803 og kona i 1821. 

Engjel Hansson Holmefjord frå Fusa, f. 1770, bygsla bruket då Torbjørn flutte.  Engjel var ungkar medan han var på Gjemdal, men i 1798 gifte han seg med Margreta Jons dtr. Holmefjord, f. 1779.  I 1796 flutte han attende til Holmefjord, der han sidan vart buande.  Engjel døydde der i 1828 og kona i 1814. 

Samson Olson Gjemdal, som hadde br. 3, bygsla bruket i 1796 av Nikolai Håvik, som då var vorten eigar av bruket.  Men Nikolai tok det atterhald ved bygsla at han kunde segja Samson upp og ta bruket sjølv når han vilde.  Soframt Nikolai fann på å selja bruket, so skulde Samson ha fyrste retten til å kjøpa det.  Sjå um Samson under bruk 3. 

Nikolai Engjelson Håvik frå Strandvik, f. 1777, flutte til Gjemdal og tok bruket sjølv i 1813.  Han var då skriven for Gjøn, der han hadde tent i mange år.  G. 1813 Elna Hans dtr. Gjøn frå Hålandsdalen, f. 1787.  Dei hadde ikkje born.  Nikolai sat godt i det og vart rekna som ein velstandsmann i Osbygdi.  Då han fall frå, hadde han ei bankbok på 432 spd. med Bergens sparebank, og det var ikkje mange osingar som kunde syna noko slikt i dei tider.  Nikolai døydde i 1851 og Elna i 1864. 

Engjel Engjelson Gjemdal, f. 1821, kjøpte bruket i 1847 for 350 spd. og busette seg her.  Til skilnad frå brukarane med same namnet på grannebruki vart han kalla «Niklas Ingje’n».  G. 1848 Synneva Sveins dtr. Samnøy frå Fusa, f. ikr. 1815.  Born: Anna, f. 1849, g. 1872 Ola Spansteigen, s. S. 1, Engelina, f. 1853, g. 1877 Engjel Sørstrønen, s. S. 1, Lars, f. 1855, s. n., Marta, f. 1858, g. 1880 Engjel Lønningdal, s. L. 2, Svein, f. 1862, g. 1888 Paulina Tveit, s. T. 2.  Ei gjenta døydde ung.  Engjel dreiv treskoarbeid attåt gardsbruket.  Han døydde i 1876 og kona i 1872. 

Lars Engjelson Gjemdal, f. 1855, skøytte bruket etter faren i 1876.  G. 1880 Kari Torbjørns dtr. Lyssand, f. 1855.  Born: Synneva, f. 1882, g. 1905 Jens Midthus, s. Bø 1, Torbjørn, f. 1888, s. n., Kristian (tvilling), f. 1892, g. 1918 Marta Midthus, s. M. 1, Engelina, f. 1894, styrarinna av kaffistova, b. Tønsberg, Engjel, f. 1899, distriktslækjar, g. 1930 Else Lange, b. Hjelmeland i Ryfylke.  5 born døydde unge.  Lars dreiv med skogarbeid og var treskoarbeidar likeins som faren.  Han døydde i 1940 og kona i 1930. 

Torbjørn Larsson Gjemdal, f. 1888, skøytte farsbruket i 1915 og hev det no.  G. 1915 Jørgina Nils dtr. Midthus, f. 1888.  Born: Kristina, f. 1915, hushjelp, Lars, f. 1917, gardsarbeidar, Nils, f. 1920, student, Karin, f. 1925, d. 1935.  Torbjørn hev drive skog- og treskoarbeid likeins som faren.  Han hev havt mange kommunale yrke og hev m. a. vore formann i skulestyret, likningsnemndi o. a.  Sidan 1938 hev han vore medlem av heradstyret.  


GJEMDAL 3. 

Nils Larsson Tøsdal, f. 1711, fekk bygsla dette bruket, då vermori i 1740 skifte sitt bruk i tvo partar, s. br. 2.  G. I 1740 Mari Peders dtr. Gjemdal, f. 1708, d. p. barseng 1749, g. II 1749 Anna Mattis dtr. Berge, f. 1723.  Av 14 born døydde eit par tvillingar og 3 andre fyrr dei vart årsgamle.  Dei som vaks upp var: Jørna, f. 1741, g. 1765 Hans Spansteigen, s. øvre Rød 1, Peder (tvilling), f. 1745, var 63 tumar høg og vart utskriven «som dygtig soldat» i 1763, g. 1767 Kari Øvreide, s. Ø. 1, Ola, f. 1745, var berre 59 turnar høg, men vart likeins som broren utskriven som «dygtig» i 1763, Guro, f. 1751, g. 1776 Stein Lønningdal, s. L. 1, Lars, f. 1754, g. 1786 Kristi Hjelle, s. H. 2, Mattis, f. 1756, ug., Mari, f. 1757, g. 1785 Ola Tøsdal, s. T. 2, Nils, f. 1760, g. 1786 Kari Bjånes, s. Lepsøy 2, Anna, f. 1763, g. 1788 Isak Heggland, s. H. 3.  Nils streva hardt for å livja den store huslyden sin.  Han døydde i 1778, og ekkja gifte seg att året etter med Hans Hansson Vik frå Strandvik, s. Lepsøy 2. 

Torbjørn Torbjørnson Håvik frå Strandvik, f. 1743, kjøpte bruket i 1778 av Ola Alvson Skår, som hadde arva det etter verfaren lensmann Vinsjans Hauge.  Samstundes kjøpte Torbjørn bruk 2 som han fyrr hadde bygsla nokre år og der han var busett.  Sjå um Torbjørn under br. 2. 

Samson Olson Eide, f. 1758, kjøpte bruket av Torbjørn i 1792 og busette seg her.  G. 1792 Kristi Jons dtr. Hauge frå Strandvik, f. 1769.  Born: Gunhild, f. 1792, s. n., Agata, f. 1794, s. br. 5, Jon, f. 1797, s. n., Ragnhild, f. 1799, g. 1849 Knut ytre Haugland, s. y. H. 3, Ola, f. 1801, g. 1831 Agata Hjelle, s. H. 2, Kristi, f. 1805, g. I 1837 Engjel Engjelson Vik frå Strandvik, g. II 1852 e. Knut Torkjellson Reisem frå Tysnes, Magdela, f. 1810, d. ug. 1837, Marta, f. 1812, g. 1843 Asbjørn Borgen, s. B. 1, Eli, f. 1816, g. 1860 Ola Lid, s. Nordstrønen 12.  Samson sat tolleg godt i det trass den store huslyden sin.  Han døydde i 1843 og kona i 1842. 

Jon Samsonson Gjemdal, f. 1797, skøytte bruket etter faren i 1822.  G. I 1825 e. Magdela Torbjørns dtr. Eikeland frå Fusa, f. p. Gjemdal 1785, d. 1844, g. II 1846 Marta Anders dtr. Skogseid frå Hålandsdalen, f. 1810.  Då Jon gifte seg, flutte han til Eikeland og vart buande der, men var framleis eigar av garden.  Han fekk der borni Kristi, f. 1826, Magdela, f. 1848, Herborg, f. 1850, Samson, f. 1852, og sonen Samson fekk i 1872 skøyte hjå faren på bruket. 

Engjel Vinsjansson Hauge, f. 1809, bygsla bruket hjå verbroren i 1832 og busette seg her.  G. 1833 Gunhild (Gonla) Samsons dtr. Gjemdal, f. 1792.  Dei var barnlause.  Engjel vart, til skilnad frå dei andre med same namnet på garden, vanleg kalla «Gonle-Ingjel’n».  Han miste synet alt i midten av 1840 åri, men livde radt til 1883.  Kona fall frå i 1868. 

Asbjørn Larsson Gjemdal, som var systerson åt gamlekona, f. p. Sunnfjord i Strandvik 1825, vart brukar i 1855 og kjøpte bruket i 1882 for 1600 kroner.  G. I 1855 Anna Lars dtr. Ulven, f. 1832, d. p. barseng 1857, g. II 1858 Marta Nils dtr. Rolfsvåg frå Samnanger, f. 1835.  Av 10 born vaks 4 upp: Samson, f. 1859, s. n., Nils, f. 1865, sjømann, Lars, f. 1870, g. I 1898 Guro Haldors dtr. Lønningdal, g. II Kari Tveit frå Fusa, b. Rosvoll i Fusa, Agata, f. 1883, g. Endre Hansson Samnøy, b. Samnøy i Fusa.  Asbjørn var murar og steinarbeidar.  Han døydde i 1905 og kona i 1918. 

Samson Asbjørnson Gjemdal, f. 1859, skøytte bruket etter faren i 1897.  G. 1897 Kari Gjerts dtr. Lygre frå Strandvik, f. 1866.  Fosterdotter: Gurda Johannes dtr. Lygre, f. 1900, som var brordotter åt kona i huset, s. n.  Samson hev vore murar og steinarbeidar likeins som faren. 

Asbjørn Larsson Rosvoll, f. 1898, som var brorson åt Samson, vart i 1934 gift med Gurda Johannes dtr. Gjemdal, f. 1900, og hadde året fyrr fenge skøyte på bruket hjå farbroren.  Born: Gudrun, f. 1934, Emma, f. 1935, Solveig, f. 1937, Lars, f. 1939.  Asbjørn hadde vore mange år i Amerika fyrr han kom til Gjemdal. 


GJEMDAL 4 (Olderhaugen). 

Jon Knutson Midthus, f. 1759, fekk i 1798 bygsla eit utmarkstykke av garden, Olderhaugen, og rydja og bygde her.  Han hadde fyrr vore busett på Midthus.  G. 1784 Brita Torbjørns dtr. nedre Rød, f. 1757.  Born: Torbjørn, f. 1787, g. 1812 Johanna Maria Anders dtr., b. Bergen, Marta, f. 1789, g. 1817 Gitle Øvredal, s. Ø. 4, Knut, f. 1792, g. 1818 Magdela Lyssand, s. L. 3, Kari, f. 1794, s. br. 5, Elias (tvilling), f. 1800, s. n.  Tvo born døydde unge.  Dei tvo eldste sønene var med i ufreden 1808 – 1814.  Torbjørn vart utskriven i 1808.  Han var 61 tumar høg og gjorde tenesta som tambur eller hornblåsar ved Oskompaniet 1810 – 12.  Seinare stod han i tenesta som «jæger» til han slapp fri i 1816.  Knut vart utskriven i 1812 og var med dei siste tvo åri av ufreden.  Jon og Brita døydde begge i 1740. 

Elias Jonson Gjemdal, f. 1800, bygsla bruket etter faren.  G. 1822 Anna Engjels dtr. Gjemdal, f. 1801.  Born: Jon, f. 1824, g. 1851 Ingjerd Nils dtr. Bø, b. Boga i Fusa, (born: Elias, s. Lønningdal 4), f. 1827, Brita, f. 1829, g. 1853 Jon Larsson Gjemdal, b. Ravnanger på Askøy, Engjel, f. 1833, sjømann, g. 1864 Olina Lars dtr. frå Fjell, b. Bergen, Mons, f. 1836, g. 1863 Anna Søfteland, s. S. 8, Knut, f. 1839, s. n., Karina, f. 1843, g. 1884 Nils Bergstø, s. Søfteland 9.  Elias dreiv med treskoarbeid og var ogso spelemann.  Han døydde i 1882 og kona i 1887.  Plassen fall attende til hovudbruki. 

Knut Eliasson Gjemdal, f. 1839, stjorna bruket på faren si bygsla og var busett her so lenge faren livde.  G. I 1861 Sissa Engjels dtr. Nerhovde frå Hålandsdalen, f. 1825, d. 1877 p. St. Jørgens hospital, g. II 1880 lngeleiv Engjels dtr. Osøyri, f. 1851.  Born: Elias, f. 1861, b. Bergen, Engjel, f. 1864, g. 1886 Anna Klyva, s. indre Moberg 11, Jens, f. 1867, sjømann, i Amerika, Annanias, f. 1870, i Amerika, Engjel, f. 1880, smed, b. Bergen, Johanna Sesilia, f. 1883, g. 1910 smed Henrik Johan Rasmussen, b. Bergen, Anna (tvilling), f. 1885, truleg b. Bergen, Gurina, f. 1885, truleg g. b. Bergen, Klaudina, f. 1888, g. pianostemmer Kristensen, b. Bergen, Maria, f. 1891, g. b. Schweiz.  Knut var skomakar og treskoarbeidar.  I 1883 flutte han til Hatviknes og var busett der til han i 1892 flutte til Osøyri.  Sjå meir um han under Hatvik 2 og Osøyri 3. 


GJEMDAL 5 (Træ). 

Lars Asbjørnson ytre Haugland, f. 1792, fekk i 1827 bygsla eit stykke av Gjemdal og bygde her.  Han hadde fyrr vore busett på Haugland i Os og på Nystølen under Sunnfjord i Strandvik.  G. I 1818 Kari Jons dtr. Midthus, f. 1794, d. p. barseng 1818, g. II 1819 Agata Samsons dtr. Gjemdal, f. 1794.  Av 11 born vaks 5 upp: Kari, f. 1823, s. n., Asbjørn, f. 1825, s. br. 3, Jon, f. 1827, g. 1853 Brita Elias dtr. Gjemdal, gardbrukar på Ravnanger i Askøy, Lars, f. 1831, handelsmann, g. 1856 Gurina Lars dtr. Heltne frå Luster, b. Bergen, s. O. B. II 59, Kristi, f. 1834, g. 1878 sjømann e. Peder Erikson Kvam frå Hafslo, b. Bergen.  Lars dreiv med treskolaging o. a. trearbeid, og han var ein dugande kjøkmeistar.  Sonen Jon var so sterk, at han bar ei tunna rug på ryggen frå Bergen til Gjemdal.  Lars døydde i 1871 og Agata i 1881. 

Kari Lars dtr. Gjemdal, f. 1823, vart busett her etter at broren og brorkona fall frå.  Systerson åt Kari, Nils Larsson, som var uppfostra her, var ogso busett på bruket.  I 1888 brann huset her, og det vart ikkje bygt uppatt.  Kari var for det meste busett på Eide til ho døydde i 1903.  Nils Larsson flutte til Raudlidi, s. Bøsæter 1, der det er nemnt meir um han.  Plassen fall attende til hovudbruket.