Gards og Ættesoga

LØNNINGDAL

Publisert

Frå OS SOGA III side 784 – 797


82. LØNNINGDAL. 

Upphavet til gardsnamnet er det gamallnorske løyning, ein ting som er løynd og gjøymd, samansett med dal.  Namnet høver godt på den gamle garden som, trass han låg so nær sjøen, var godt gjøymd.  Daglegnamnet Øyro kjem av sandøyri, som elvi frå Øvredalen hev lagt upp her ved elveosen. 

Uttale: Øy’ro.  

Skrivemåtar: Ørinn (1591), Lønningdal (1597), Løningdall (1600), Liøningdall, Lioningdall, Lønnigsdall, Øren (1610), Ørenn, Lønning (1612), Lønigdall, Ørren, Øiren, o. s. b. 

Garden ligg i eit dalsøkk ved ei vik som stikk inn frå fjorden, der Samnangerfjorden skilst frå Fusafjorden.  Me kjenner ikkje noko til garden fyrr i 1591, men det er mykje som talar for at garden er rydja og bygd fyrr Mannadauden og vart liggjande øyde etter denne i eit par hundrad år.  Munkeliv kloster åtte Lønningdal til ikr. 1660, då Ludvig Rosenkrants vart eigar.  Han selde att i 1669 til nokre bønder i Strandvik, og i 1726 tok ein av eigarane garden sjølv.  Sidan hev eigarar og brukarar her jamt vore dei same. 

Or gamle matriklar og teljingar: 
1668: Saar 2 stadtztønder, afler 6 st. tdr., god ager og eng, med brendeued, bielcher sperre og bottner skoug, ner søen, med god sedterstøll og udmarch, kand forbedre sin jord, hafe homblehagge og 1 quernhuss.  
1723: Sætteren bruges til udmarch eller fæhouge, skoug til gaardens reparation og brendefang, intet fiskerie, een liden flomqvern, maadelig jordart og skiels letvunden.  
1865: Lønningdal med 1 plads: Har 11 maal dyrket ager og eng, hvoraf 4 maal godt, 6 middels og 1 slet, har 128 maal naturlig eng, deraf 6 maal godt, 36 middels og 86 slet, af englandet er 15 maal godt, 36 middels og 86 slet, af englandet er 15 maal dyrkbart.  Har skog til husbrug og sælger furu, birk og older for 16 spd. aarlig, føder 2 kjør og 1 ungnød ved lyng, løv og skav, er tungvint at bruge og almindelig drevet.  Har 1 godt vandfald for møllebrug, men lider ofte ved oversvømmelse fra en elv. 

Busetnad og buskap.

Hus-Menne-Hes-Stor-Sma-Gjei-Svin.UtsådUtsåd
lydar.skje.tar.fe.ler.ter.korn.poteter.
16571 19     
16681 112810 2tun 
17231 199  2,5» 
1800212       
18352171111212 5»2tun.
18655302206668 8»8,5tun.
190053212058 111,2hl.17,5hl.
192083152133 214,3mål5,2mål
193062832961 81,5»2,8»
1939  62739  7,5»3,5»


LØNNINGDAL 1. 

Laffritz Ørinn (Lars Øyro) var brukar på garden i 1591 og er fyrste mannen som me finn i Lønningdal.  Kannhenda er det han som hev rydja garden på nytt.  Lars vart skriven for Øren (Øyro), men ettermannen hans var skriven for Lønningdal.  Seinare vart namni Øyro og Lønningdal brukt um einannan.  Lønningdal vart jamnast nytta i skattelistone, men prestane brukte mest det andre namnet i bøkene sine. 

Anders Lønningdal var brukar i 1597, men let garden frå seg straks etter. 

Rasmus Lønningdal fekk garden i 1600 og var brukar til 1609. 

Mikkjel Lønningdal var brukar i 1610 og 1611.  Sjå um han nedanfyre. 

Anders Lønningdal vart brukar i 1612 og hadde garden i 3 år.  I 1611 måtte han fara til Svinesund saman med dei andre osingane for å vera med i Kalmarufreden.  Anders sat sverande smått i det dei nokre åri, då han hadde bruket. 

Mikkjel Lønningdal vart brukar att i 1615.  Korleis det hadde seg at han var burte frå garden dei 3 åri, då Anders var brukar, veit me ikkje, men det kann vera fleire løysingar.  Det er mest truleg at Mikkjel var stykfar åt Anders, og at stykfaren let Anders få garden, då han kom att frå ufreden. 
I 1615 vart det skifte att, anten avdi Anders døydde eller avdi han fekk seg jord ein annan stad, og Mikkjel måtte so ta garden att.  Av borni åt Mikkjel kjenner me tvo: Kari, f. ikr. 1615, s. n., Barbru, f. ikr. 1620, d. ug. 1691.  Ola Ulven, f. ikr. 1611, s. U. 2, var truleg ogso son hans.  Mikkjel var fatigmann dei fyrste åri, men han arbeidde seg fram etterkvart.  Han døydde i 1636. 
Kvar Mikkjel og fyremennene hans var frå, veit me ikkje. 
Ekkja etter Mikkjel hadde so garden nokre år.  Me veit ikkje kva ho heitte eller kvar ho var frå. 

Hans Monsson Midthus, f. 1615, vart ikr. 1640 gift med Kari Mikkjels dtr. Lønningdal, f. ikr. 1615, og vart brukar etter vermori.  Av borni kjenner me: Mikkjel, f. ikr. 1640, s. n., Marta d. e., f. ikr. 1642, g. ikr. 1670 Ola Gjemdal, s. G. 1, Ola, f. ikr. 1644, s. Midthus 1, Marta d. y., f. ikr. 1648, g. 1670 Erik Gjemdal, s. G. 2, Nils, f. ikr. 1652, Anna, f. ikr. 1654, g. 1678 Nils Bø, s. Bø 4, Mons, f. ikr. 1656, s. n. Paul Bjånes, f. ikr. 1645, var truleg son hans, og Hans tykkjest ogso ha ei dotter som var gift med Jakob Storum, s. S. 1, og som døydde ikr. 1686.  Etter alt å døma måtte ogso Marta Osøyri, s. O. 1, vera ei dotter hans, men han fær då ialt 3 døtre som heitte Marta.  Sonen Mikkjel var med på Trøndelagsferdi i 1658 – 59 og måtte fara til svenskegrensa i 1660.  Han fall seinare i ufreden, s. O. B. I 498, der det elles ved eit mistak stend at han kom heimatt.  
Hans sat tungt i det dei fyrste åri, men han arbeidde seg upp etterkvart.  I 1654 kjøpte han ein part i farsbruket sitt på Midthus, og han kom seinare upp i ei odelsak um dette, s. Midthus 1.  Hans var ein vyrd mann og var lagrettemann i meir enn 20 år.  I 1662 kom han i ei leid knipa.  Ei kona i Sandvik fortalde, at då ho i 1648 tente hjå Hans, hadde han stole 5 bukkar frå Jørgen Hope, som på dei tider var busett i Rolfsvåg.  Kona fortalde at tjuvriet gjekk slik til: Ein kveld ved Olsoktider kom det 5 framande bukkar heim til Lønningdal saman med gjeiterne åt Hans, og han tok bukkane og slakta dei.  Skinni spilte han upp på budalemmen.  Sandvikskona, som då var taus hjå Hans, fekk eit blått fletteband av husbonden for å tegja still um hendingi.  Futen fekk vita um forteljingi åt Sandvikskona, og Hans vart teken for retten.  Hans nekta alt um tjuvriet, og han førde Johannes Rød, Erik og Mons Gjemdal, Johannes Lien, Johannes Midthus og Fabian Spansteigen til vitne på at han alle dagar hadde vore ein ærleg mann.  Dei 12 lagrettemennene, som gjorde tenesta på tinget, sa det same.  Det einaste lyte ved han var, at dei som hadde korn til maling på kverni hans, totte at dei fekk vel lite mjøl attende.  Men dette var eit lyte ved fleire mylnarar, sa lagrettemennene.  Hans vart frikjend i bukkesaki, og han hadde framleis den same vyrdnaden i bygdi.  Han døydde i 1677. 

Mons Hansson Lønningdal, f. ikr. 1656, vart brukar då faren døydde.  G. 1679 Marta Nils dtr. Bø, f. ikr. 1650.  Born: Hans, f. 1681, utskriven til sjøvernet i Stavern 1700 og fall i den store ufreden 1709 – 1719, s. O. B. I 501, Mari, f. 1683, g. 1720 Ola Hansson Gaugstad i Fusa, Kari, f. 1688, g. 1724 Lars Tøsdal, s. T. 2, Nils, f. 1690, g. 1708 Anna Ols dtr. Samnøy frå Fusa, Lars, f. 1693, g. 1715 Brita Borgen, s. B. 1, Anna, f. 1696, s. br. 2.  Tre born døydde unge.  Mons dreiv fiske attåt gardsbruket og greidde seg tolleg godt.  Han døydde i 1726 og kona i 1732. 

Garden vart no skift i tvo partar, s. br. 2. 

Hans Steinson Lygre frå Strandvik, f. p. Markhus i Strandvik 1695, flutte hertil og tok dette bruket i 1726.  Hans åtte ein part i Lønningdal.  Han vart fyrste gong gift i 1719 med Kari Steins dtr. Hauge frå Strandvik, f. 1689, som då var ekkja etter Kristoffer Sunnfjord, og fekk eit bruk i garden Sunnfjord med henne.  Kari døydde i 1725, og Hans gifte seg att, då han flutte til Lønningdal året etter, med Agata Jons dtr. Teige frå Strandvik, f. 1690.  Born: Marta, f. 1729, Stein, f. 1734, g. I 1756 Kari Jons dtr. Tveit i Strandvik, g. II 1762 Anna Ols dtr. Selsvoll, Kari, f. 1735, g. 1766 Stein Steinson Bakke i Fusa, b. Boga, Ingeborg, f. 1737, d. ug., Kristoffer, f. 1740, Sesilia, f. 1746.  Fire born døydde unge.  Hans kom i pengevandskar, og han måtte alt i 1732 selja det han åtte i Lønningdal til broren Haldor Lygre og Jon Hauge i Strandvik.  Sonen Stein selde øl, og i 1754 vart det uppgjeve at «han holder et lidet øltapperie i Lønningdal».  Hans døydde i 1755.  

Haldor Steinson Lygre frå Strandvik, f. på Markhus 1690, som hadde kjøpt bruket i Lønningdal for 63 dalar, flutte hertil og tok bruket då broren døydde.  Haldor vart gift fyrste gong i 1725 med Kari Engjels dtr. Gjøn frå Hålandsdalen, f. 1666, som var ekkja etter lensmann Jon Andersson Håvik.  Kari døydde i 1742, og Haldor gifte seg att året etter med Ingjerd Steins dtr. Bakke frå Fusa, f. 1715.  Av 4 born vaks tvo upp: Kari, f. 1746, s. n., Stein, f. 1749, s. n.  Haldor var ein velstandsmann.  Umframt Lønningdal, som var verdsett til 72 dalar, åtte han 1¼ laup i garden Aga i Ullensvang.  Han åtte ogso ei liti jakt, som han sigla på Nordland med.  I 1758 fekk han skøyte på det andre bruket i Lønningdal, s. br. 2, og hadde frå den tid heile Lønningdalgarden. 
Haldor kom upp i ymse strid med grannane og med skyldfolki sine.  Øvredalen hadde havt nausti sine standande på øyrsanden austanfyre elvi, men på dei tider då Hans Lygre kom til garden, var nausti til nedfalls, og Øvredalsmennene fekk då løyve til å setja nausti på vestre elvesida.  Haldor tok utan vidare dei gamle naustgrunnane til seg, og det vart ei rettsak um nausti.  I 1760 reiste Stein Tveit, som var brorson åt Haldor og son åt den fyrre brukaren, odelsak mot farbroren og vilde ta Lønningdal ved odelsløysing.  Han hadde fyrst bode 180 dalar for garden, men Haldor vilde ikkje selja.  Det vart ei lang og flokutt sak, og tvo leigde prokuratorar gjorde ved sitt arbeid ikkje saki greidare.  Retten dømde at Haldor, som hadde ått garden den lengste tidi og som var eldre enn broren Hans, hadde beste odelsretten, og han fekk ha Lønningdal.  Haldor døydde i 1765 og Ingjerd i 1758. 

Johannes Olson Nordvik frå Samnanger, f. 1745, vart i 1767 gift med Kari Haldors dtr. Lønningdal, f. 1746, og vart brukar etter verfaren.  Kari hadde saman med broren Stein arva Lønningdal etter foreldri.  Johannes og Kari fekk 4 born: Haldor, f. 1768, g. I ikr. 1790 Kristi Anders dtr., g. II 1804 Malena Ols dtr. Flaukenes, b. Nordvik i Samnanger, s. S. B. 364, Knut, f. 1770, g. 1796 Gunhild Johannes dtr. Tveiterås frå Samnanger, b. Sagstad i Fana, s. F. B. 592, Svein, f. 1772, g. 1806 Ingjerd Steins dtr. Lønningdal (syskinborn), b. Klungervollen på Stend i Fana, Tomas, f. 1775, g. ikr. 1812 Malena Nils dtr. Kvittingen, b. Åsen i Samnanger, s. S. B. 483.  I 1774 selde Johannes sin part av garden til verbroren for 41 dalar og kjøpte att eit bruk på Nordvik i Samnanger, s. S. B. 364, der han sidan vart buande. 

Stein Haldorson Lønningdal, f. 1749, som åtte halve garden, kjøpte den andre halvparten av systeri og systermannen i 1774 og busette seg her.  Han lånte 80 dalar av Jon Foer i Fusa for å greida kjøpesumen og byggja nye hus på bruket.  G. 1776 Guro Nils dtr. Gjemdal, f. 1751.  Born: Haldor, f. 1777, s. n., Nils, f. 1779, d. 1796 ved at ei bjørk fall over han, Ingjerd, f. 1782, g. 1806 Svein Lønningdal (Nordvik), b. Fana, s. 0., Anna, f. 1787, d. 1801, Stein, f. 1790, g. 1823 Anna Lepsøy, s. L. 2.  Tvo born døydde unge.  Stein åtte og brukte likeins som faren og verbroren heile Lønningdal.  I sine unge dagar gjorde han skade på seg og var difor krank all si tid.  Han var likevel sterk som ein bjørn.  Stein døydde i 1823 og kona i 1813. 

Haldor Steinson Lønningdal, f. 1777, skøytte Lønningdal etter faren i 1800 for 260 dalar og vart buande her.  G. I 1806 Herborg Engjels dtr. Boga frå Strandvik, f. 1784, d. 1832, g. II 1835 Malena lsaks dtr. Solbjørg frå Samnanger, f. 1798.  Born: Guro, f. 1807, g. 1838 Isak Olson Bruntveit, b. Hope i Tysnes, Kristi, f. 1808, g. 1833 Lars indre Moberg, s. i. M. 3, Stein, f. 1812, s. n., Magdela, f. 1814, g. 1839 Hans Øvredal, s. Ø. 2, Engjel, f. 1815, g. 1835 Marta Sørstrønen, s. S. 1, Nils, f. 1817, sjømann, d. ug. 1855, Anna, f. 1821, d. ug. 1853, Herborg, f. 1824, g. 1852 Hans Hansson Lundarvik, b. Austestad i Fusa, Ingeborg, f. 1827, g. 1851 Hans Sverkeson Eikeland i Fusa, Isak, f. 1837, g. 1877 Magdela Eide, s. E. 2, Haldor, f. 1839, g. 1871 Anna Hauge, s. H. 5, Kari, f. 1844, g. 1870 Anders nedre Rød, s. n. R. 2.  Ein gut døydde ung.  Haldor hadde jakt og sigla på Nordland.  I 1809 var han og broren Stein på byferd, og då dei tok på heimvegen, berga dei Mons Lien, Bård Midthus og Ola Lien, som hadde kollsigla på Byfjorden.  Haldor døydde i 1856 og Malena i 1889. 

Stein Haldorson Lønningdal, f. 1812, skøytte garden i 1857 for 550 dalar.  Han hadde elles vore eigar og brukar saman med faren sidan det vart halde skifte etter mori i 1833.  G. 1839 Anna Hans dtr. Utakot frå Samnanger, f. 1817.  Born: Herborg, f. 1840, fall i elvi og drukna 1864, Hans, f. 1841, s. br. 2, Haldor, f. 1844, s. n., Stein, f. 1845, i Amerika, Isak, f. 1851, i Amerika, Engjel, f. 1855, d. som student i 1882.  Tre gutar døydde unge.  I 1861 skifte Stein garden i tvo partar og selde den eine halvparten, s. n.  Same året reiste han til Amerika saman med dei tvo sønene sine Stein og Isak, s. O. B. II 27 – 28.  Kona vart buande på det andre bruket, s. br. 2. 

Nils Sjurson Unneland frå Haus, f. p. Eikefet i Hosanger 1815, kjøpte saman med verbroren Anders Larsson bruket i 1861, då Stein reiste til Amerika.  Nils var gift 1840 med Guro Lars dtr. Romarheim frå Hosanger, f. 1809.  Dei hadde fyrr vore busette på Unneland i Haus og hadde fenge 6 born der.  Tre av dei vaks upp: Torbjørg, f. 1842, s. n., Elisabet, f. 1849, s. n., Lars, f. 1852, b. på Unneland i Haus. 

Anders Larsson og kona Anna Sjurs dtr. stjorna bruket dei 3 fyrste åri.  Dei fekk ein son Sjur, f. 1863, medan dei var på Lønningdal.  Nils Sjurson flutte so til Lønningdal i 1864.  I 1866 fekk ei dotter hans, Torbjørg Nils dtr., f. 1842, skøyte på bruket.  Ho gifte seg året etter med Ola Torbjørnson Myklestad, og dei skøytte i 1868 bruket attende til far hennar, som dermed vart eigar åleine. 

Haldor Steinson Lønningdal, f. 1844, vart i 1872 gift med Elisabet Nils dtr. Lønningdal, f. på Unneland 1849, og fekk i 1876 skøyte på farsbruket sitt av verfaren.  Born: Ragnhild, f. 1872, d. 1884, Engjel, f. 1874, s. n., Guro, f. 1876, g. 1898 Lars Asbjørnson Gjemdal, b. Rosvoll i Fusa, Anna, f. 1878, g. 1900 Tomas Johannesson Jarland i Samnanger, s. S. B. 665, Torbjørg, f. 1880, g. 1903 lærar Josef Steffenson Hammer, b. Hamre, Herborg, f. 1881, fabrikkarbeidar i Bergen, d. ug. 1922, Stein Johan, f. 1883, i Amerika, (ved eit mistak stend i O. B. II 48 at han var fødd 1893 og er yngst av brørne), Nils, f. 1885, stadslækjar, g. 1917 Liv Andreas dtr. Åmot, b. Risør, Ragnvald, f. 1887, i Amerika, s. O. B. II 48, Harald, f. 1890, i Amerika.  Haldor var sjømann og reiste på Nordland o. a. st.  Han døydde i 1921 og kona i 1908. 

Engjel Haldorson Lønningdal, f. 1874, skøytte farsbruket i 1907.  Han hadde fyrr vore brandkonstabel i Bergen og havt bustad der.  G. I 1899 Elna Hans dtr. Midtsæter, f. 1873, d. 1923, g. II 1925 e. Dortea Knuts dtr. Lønningdal, f. i Øvredal 1885.  Born: Einar, f. 1901, s. n., Hildur, f. 1904, s. br. 8, Guatav, f. 1906, s. br. 9, Gudrun, f. 1908, g. 1933 handelsmann Engel Engelsen, b. Skålevik ved Bergen, Stein, f. 1911, sjømann, g. Sara Tvedt frå Onarheim i Tysnes, b. Onarheim, Magnus, f. 1914, s. n., Elisabet, f. 1917, hushjelp, Emma, f. 1925.  Engjel dreiv med sjøen og hadde farty.  Han utvida drifti etterkvart og kjøpte fleire store båtar, m. a. «Lønningdal» og «Lønningdal I», som gjekk i rutefart Bergen – Hardanger o. a. st.  Engjel hadde ymse tillitsyrke i bygdi og var m. a. med i heradstyret 1926 – 1928.  Han døydde i 1938. 
Ekkja Dortea Knuts dtr. har stjorna bruket sidan mannen døydde.  Styksonen Einar Engjelson Lønningdal, f. 1901, eig bruket, som han fekk skøyte på i 1909.  Bror åt Einar, Magnus Engjelson, er no busett her og vert brukar etter stykmori.  Han hev vore sjømann og er gift med Gudrun Lars dtr. Skåtun frå Strandvik. 


LØNNINGDAL 2. 

Mikkjel Lønningdal var husmann på garden i 1645.  Han var gift med ei som heitte Synneva.  Um dei hadde jord attåt huset sitt, eller dei berre hadde snaude huset, veit me ikkje.  Mikkjel livde til ikr. 1670. 

Mons Olson, f. ikr. 1630, var husmann her i 1660 åri.  Han var truleg gift med ei dotter åt Mikkjel og fekk huset eller plassen etter han.  Mons hadde ein son Lars, f. ikr. 1658. 
Kvar Mons og Mikkjel hadde bustaden sin på Lønningdal, veit me ikkje. 

Daniel Danielson Helland frå Fusa, f. 1695, fekk bygsla halve Lønningdal, då verfaren i 1726 skifte garden i tvo partar.  G. 1726 Anna Mons dtr. Lønningdal, f. 1696.  Anna døydde på barseng straks etter giftarmålet, og barnet fylgde med henne i gravi.  Daniel gifte seg året etter med Guro Sjurs dtr. Ådland og flutte då til Ådland i Fusa.  Guro døydde ikr. 1770, og Daniel gifte seg att i 1771 med Marta Nils dtr. Ådland, f. 1723.  Marta døydde straks etter giftarmålet og Daniel året etter. 

Hans Kristofferson Austestad frå Fusa, f. 1698, bygsla bruket då Daniel flutte.  G. 1727 Ingeborg Jons dtr. Berge frå Fusa, f. 1705.  Dei hadde 6 born, Ingjerd, Kari, Ingeborg, Kristoffer, Eli og Sesilia, men ingen av dei vart buande i Os.  I 1741 flutte Hans med huslyden sin attende til Austestad. 

Hans Sjurson Koldal frå Fusa, f. 1721, bygsla bruket i 1742.  G. 1741 Magdela Nils dtr. Skjelbreid frå Hålandsdalen, f. 1716.  Born: Nils, f. 1749, Hans, f. 1751, Anders, f. 1753, Ola, f. 1755.  Tre born døydde unge.  Hans dreiv med sjøen og greidde seg tolleg godt.  I 1758 vart mannen på br. 1 ogso eigar av bruket her, og han vilde ha det sjølv.  Hans måtte då flytja frå bruket, og me veit ikkje um han seinare. 

Haldor Steinson Lønningdal, som hadde bruk 1, vart eigar av bruket her i 1758 og tok det sjølv i bruk same året.  Sjå um han under br. 1. 

Johannes Olson Lønningdal, som hadde bruk 1, fekk bruket etter verfaren og dreiv begge bruki saman.  Det same gjorde ettermennene hans, Stein Haldorson og Haldor Steinson Lønningdal.  Sjå um dei under br. 1. 

Stein Haldorson Lønningdal, f. 1812, skøytte bruket etter faren saman med br. 1 i 1857.  G. 1839 Anna Hans dtr. Utskot, f. 1817.  Sjå um huslyden deira under br. 1.  I 1861 skilde Stein bruki frå einannan og selde det andre bruket, s. br. 1.  Sjølv reiste han til Amerika same året. 

Anna Hans dtr. Lønningdal stjorna bruket nokre år etter at mannen reiste til Amerika.  Ho døydde i 1879. 

Hans Steinson Lønningdal, f. 1841, skøytte bruket etter mori i 1869 og vart brukar her.  G. 1866 Marta Anders dtr. Gjemdal, f. 1846.  Born: Herborg, f. 1866, Agata, f. 1869, Anna, f. 1871, Stein, f. 1873, Andreas, f. 1875, Nils, f. 1877.  I 1880 selde Hans bruket og busette seg på Sandal i Fana, s. F. B. 133.  Nokre år etter reiste han saman med huslyden sin over til Amerika, s. O. B. II 48. 

Engjel Monsson Boga frå Fusa, f. 1857, kjøpte bruket i 1880 for 5000 kroner og busette seg her.  G. 1880 Marta Engjels dtr. Gjemdal, f. 1858.  Born: Mons, f. 1881, s. n., Engjel, f. 1883, snikkar, d. ug. 1903, Synneva, f. 1886, g. Eivind Fredrikson Gaugstad i Fusa, Gurina, f. 1885, hushjelp, Svein, f. 1888, s. br. 7, Marta, f. 1890, hushjelp, b. Bergen, Engelina, f. 1894, g. 1929 Olai Husabø frå Herdla.  Engjel dreiv bøkkararbeid attåt gardsbruket.  Han døydde i 1915. 

Mons Engjelson Lønningdal, f. 1881, skøytte farsbruket i 1915 og hev det no.  G. 1912 Marta Johannes dtr. Rød, f. 1886.  Born: Marta, f. 1913, g. 1934 snikkar Einar Nilsson Øvredal, Engjel, f. 1915, gardsarbeidar.  Mons hev vore bøkkar likeins som faren.  Då han skøytte bruket, vart det skift slik at broren fekk ein part av det, s. br. 7. 


LØNNINGDAL 3 (Mattistræ). 

Mattis Olson Heggland, f. 1738, festa i 1785 eit utmarkstykke ved sjøen i Lønningdal og rydja og bygde her.  Han hadde fyrr vore busett på ymse stader, m. a. på Storebø, ytre Tuen og Lyssand, s. L. 5.  G. 1762 Kari Nils dtr. Hjelle, f. 1736.  Born: Nils, f. 1763, Guro, f. 1767, g. 1804 Arne øvre Rød, s. ø. R. 1, Ola, f. 1877, s. n.  Fire born døydde unge.  Bruket fekk i dagleg tale namn etter rydjingsmannen og vart kalla «Mattistræ».  Mattis var 63 tumar høg og vart som «dygtig» utskriven til hertenesta i 1761.  Han dreiv med sjøen og greidde seg tolleg godt på bruket.  Mattis døydde i 1803 og kona i 1817. 

Ola Mattisson Lønningdal, f. 1777, festa bruket då faren døydde.  G. 1815 Marta Isaks dtr. Solbjørg frå Samnanger, f. ikr. 1790.  Born: Kari, f. 1816, Anna, f. 1818, Jon, f. 1822, g. 1851 Marta Askvik, s. Forstrønen 3, Kristi, f. 1825, Mattis, f. 1829, g. 1860 Marta Lunden, s. Halhjem 10.  Då foreldri døydde, måtte alle borni fara ut, og me finn berre dei tvo gutane att i Osbygdi.  Ola dreiv fiske likeins som faren.  I 1832 døydde kona hans, og 3 vikor etter kom han sjølv burt på sjøen.  Plassen fall attende til hovudbruket. 


LØNNINGDAL 4 (Sandbrekka). 

Ola Andersson Øvredal, f. 1777, festa i 1817 eit stykke av utmarki på Lønningdal, ved grensa mot Bogstrand, og busette seg her.  G. I 1808 Kari Mons dtr. nedre Rød, f. 1789, d. 1829, g. II 1832 Agata Ols dtr. Boga frå Fusa, f. 1773.  Born: lngeleiv, f. 1808, d. ug. 1843, Mons, f. 1811, s. n., Anna, f. 1813, g. 1852 Ola Bårdson Midthus, s. M. 2, Engjel, f. 1816, g. 1838 Marta Mons dtr. Boga frå Fusa, b. Tveit, seinare Sævareid i Strandvik, (born: Kari, f. 1849, s. Osøyri 24), Kari, f. 1818, g. 1869 Mons Olson Fusa, Anders, f. 1822, sjømann, d. ug., Olina, f. 1824, g. 1863 Hans Lyngbø, s. Kuven 9, Ola, f. 1827, g. I 1855 Kari Vinsjans dtr. Lien, g. II 1877 Marta Peders dtr. Svinestein, b. Henanger i Strandvik.  Ola vart utskriven til hertenesta i 1800 og var med i ufreden 1808 – 1814.  Det vart eit stridt arbeid for Ola å livja den store huslyden sin på den skrale nyrydja plassen, men han greidde det nokolunde.  Ola døydde i 1859 og Agata i 1843. 

Mons Olson Lønningdal, f. 1811, bygsla bruket etter faren i 1846.  G. 1839 Marta Peters dtr. Nystrøm, Lepsøy, f. 1819.  Born: Johanna, f. 1835, g. 1878 gardbrukar e. Mons Jensson Birkeland i Hordabø, Kari, f. 1840, b. Fusa, Henrik, f. 1847, skreddar, d. ug. 1887, Marta Maria, f. 1851, g. b. Bergen, Peter, f. 1853, smed, g. 1878 Tobina Nilsina Tomassen frå Strusshamn, b. Bergen, Anna, f. 1855, hushjelp, b. Bergen, Anders, f. 1859, s. n., Marta Karina, syerske, b. Bergen.  Mons var busett i Bergen fyrr han tok bruket her og lærde smedhandverket i byen.  Seinare arbeidde han som smed og dreiv fiske attåt.  Mons døydde i 1902 og Marta i 1886. 

Anders Monsson Lønningdal, f. 1859, festa bruket etter faren i 1887.  G. 1888 Gunvor Hans dtr. Ådland frå Fusa, f. 1856.  Born: Mons, f. 1889, sjømann, d. ug., Hans, f. 1891, sjømann, d. ug., Andrea, f. 1893, g, 1919 Johan Sælen, s. S. 1, Marta, f. 1898, g. b. Andvik i Masfjorden, Anna, f. 1901, hushjelp, d. ug.  Anders var smed og maskinarbeidar.  Han døydde alt i 1906. 
Ekkja Gunvor Hans dtr. hadde bruket nokre år etter at mannen fall frå. 

Elias Jonsson Boga frå Fusa, f. 1851, vart i 1909 gift med ekkja Gunvor Hans dtr. og fekk bygsla bruket same året.  Elias var soneson åt Elias Gjemdal, s. G. 4, og vart fyrste gong gift i 1881 med Kristi Knuts dtr. Tysse frå Samnanger, f. 1828, d. 1902.  Gunvor døydde i 1922, og Elias gifte seg att tvo år etter med Torbjørg Jons dtr. ytre Tuen, f. 1878.  Elias dreiv med treskoarbeid o. a.  Han døydde i 1940. 
Ekkja Torbjørg Jons dtr. hev bruket no. 


LØNNINGDAL 5 (Bakken). 

Hans Hansson Øvredal, f. 1812, fekk festa eit jordstykke ved sjøen av verfaren i Lønningdal og busette seg her ikr. 1840.  G. 1839 Magdela Haldors dtr. Lønningdal, f. 1814.  I 1852 flutte han til Øvredal og tok mot farsbruket der, s. Ø. 2, der ein finn meir um han og huslyden hans. 

Hans Hansson Mehn frå Holsund i Fusa, f. 1826, bygsla i 1864 jordstykket som Hans Øvredal hadde havt og bygde her.  Han hadde fyrr vore busett i Holsund.  G. 1860 Ingeborg Mons dtr. Boga frå Fusa, f. 1835.  Born: Ingeborg Martina, f. 1862, g. 1890 Ola Bø, s. Bø 10, Anna, f. 1864, g. snikkar Magnus Hisdal, b. Bergen, Hansina, f. 1868, g. 1890 Johan Forstrønen, s. F. 1, Marta, f. 1871, g. maskinist Augustin Heggestad frå Nordfjord, b. Bergen, Johan, f. 1876, sporveisformann, g. 1905 Hilda Olsen, b. Bergen, Hans, f. 1880, styrmann, b. Bergen, Mons, f. 1881, jernbanearbeidar, d. ug. 1905.  Tvo born døydde unge.  Hans var fiskar og dreiv med sjøen.  Han døydde i 1882. 
Ekkja Ingeborg Mons dtr. hadde bruket nokre år etter at mannen fall frå.  Ikr. 1897 reiste ho til Bergen og var busett der til ho døydde i 1920.  Plassen fall attende til hovudbruket. 


LØNNINGDAL 6 (Stemåstræ). 

Lars Jonsson Bogstrand frå Fusa, f. 1852, kjøpte i 1880 eit jordstykke av br. 2 for 800 kroner og rydja og bygde her.  Han hadde fyrr vore busett på Bogstrand.  G. 1874 Sigrid Ols dtr. Ådland frå Samnanger, f. 1854.  Born: Anna, f. 1875, g. 1898 Hans Larsson Solbjørg i Samnanger, s. S. B. 164, Ola, f. 1877, s. n., Barbra, f. 1882, g. Arne Haukås, b. Bergen, Jon, f. 1885, sjømann og har fiskefarty, b. Solbjørg i Samnanger, Lars, f. 1891, i Amerika, s. O. B. II 48 – 49, Thea, f. 1894, g. Johannes Aspenes frå Fusa, i Amerika.  3 born døydde unge.  Lars var sjømann og reiste i Nordlandsfart.  Han døydde i 1903. 
Ekkja Sigrid Ols dtr. hadde bruket etter at mannen fall frå tildess ho skøytte det til sonesonen i 1912, s. n.  Ho døydde i 1926. 

Ola Larsson Lønningdal, f. 1877, vart brukar saman med mori.  G. 1904 Dortea Knuts dtr. Øvredal, f. 1886.  Born: Ingeborg, f. 1906, g. 1933 skomakar Helge Ivarson Lepsøy, b. Lønningdal, Lars, f. 1908, s. n., Sigrid, f. 1910, hushjelp.  Ola hadde farty som han sigla med.  I 1912 var han på ei Nordlandsferd, og eit skip rende då på fartyet hans som gjekk under.  Ola og mannen som var med han kom begge burt på sjøen. 
Ekkja Dortea Knuts dtr. vart brukar saman med vermori, etter at mannen fall frå, og stjorna bruket for sonen Lars Olson, som fekk skøyte på det i 1912.  Den 17. desember 1921 bar det til ei hending her, som me ikkje veit maken til i Os: Ein storm sopte burt alle husi på tunet, stovehus, løda og andre uthus, so berre grunnmurane stod att.  Folket i huset hadde gjenge åt kjellaren og berga livet på den måten.  Hjelpsame bygde- og byfolk reiste dei husi som no stend på bruket.  Dortea vart i 1925 gift att med Engjel Lønningdal, s. br. 1, der ho er nemnd vidare. 

Lars Olson Lønningdal, f. 1908, som var eigar her, tok mot bruket då mori flutte.  G. 1936 Hildur Engjels dtr. Lønningdal, f. 1904, som fyrr hadde vore gift med Nils Amundsen, s. br. 8.  Born: Dagny, f. 1937.  Lars er skippar på ein av rutebåtane åt verfaren. 


LØNNINGDAL 7 (Lønheim). 

Svein Engjelson Lønningdal, f. 1888, fekk i 1915 skøyte på ein part av farsbruket og busette seg her.  G. 1916 Synneva Mikkjels dtr. Troland frå Austevoll, f. 1895.  Born: Edvard, f. 1918, trearbeidar, Guldborg, f. 1920, hushjelp.  Ein gut døydde ung.  Svein hev vore sjømann og driv ogso med fiske.  Kona driv ein liten handel på eigedomen. 


LØNNINGDAL 8 (Skulehuset). 

Lærarinna Marta Hægland vart lærar her i 1916 og var den fyrste som busette seg i skulehuset.  I 1921 vart ho lærar ved Søre Neset skule og flutte til Haugland, s. H. 15, der ein finn meir um henne. 

Nils Amundsen frå Bergen, f. 1897, vart lærar her i 1921 og busette seg i skulehuset.  Han var dotterson åt Ola Bårdson ytre Moberg, s. y. M. 7.  G. 1924 Hildur Engjels dtr. Lønningdal, f. 1904.  Born: Elna, f. 1924, Egil, f. 1928.  Hildur var postopnar i Lønningdal.  I 1929 slutta Nils læraryrket her og reiste til Bergen, der han sidan vart buande. 

Henrik Vinsjansson Lien, f. 1905, vart lærar her i 1929 og tok bustad i skulehuset.  G. 1929 Nilsina Nils dtr. Midtsæter, f. 1904.  Born: f. 1930, Margunn, f. 1933, Svanaug, f. 1936.  Henrik var med i Os skulestyre o. a.  I 1938 måtte skulen i Lønningdal stogga avdi barnetalet vart for lite, og Henrik reiste då til Bulandet i Askvoll, der han var lærar og kyrkjesongar.  I 1941 vart han tilsett som lærar ved Sørøyane skule i Os. 


LØNNINGDAL 9. 

Gustav Engjelson Lønningdal, f. 1906, overtok ikr. 1935 ein part av faren sitt bruk og bygde på det nye bruket.  G. Alvilda Engelsen frå Skålevik ved Bergen, f. 1906.  Alvilda er ætta frå Midtsæter, s. M. 3.  Gustav er sjømann og hev vore førar på ein av faren sine rutebåtar.